У Віцебску затрымліваюць назіральнікаў і актывістаў каманды Ціханоўскай (абнаўляецца)
Валянтэр каманды Ціханоўскай у Віцебску Аляксандар Мацяюк быў затрыманы ўвечары 7 жніўня. Сёньня стала вядома пра затрыманьне чатырох незалежных назіральнікаў. Усім «шыюць» дробнае хуліганства – правапарушэньне паводле арт. 17.1 КаАП. Затрыманьні працягваюцца.
Прайшоў вобшук у Юліі Барсуковай. Канфіскавалі тэлефоны і кампутары
У актывісткі «Краіны для жыцьця» і адміністратаркі аднайменнага Тэлеграм-чату Юліі Барсуковай 8 траўня адбыўся ператрус. Міліцыя канфіскавала два кампутары, 4 тэлефоны і дзясятак агітацыйных улётак за Святлану Ціханоўскую. Самую Юлію пасьля вобшуку павезьлі на допыт у Кастрычніцкі РАУС.
Юлію Ўласенка вызвалілі зь ІЧУ – паднялася тэмпэратура. Яе маці застаецца за кратамі
Актывістку Юлію Ўласенка затрымалі і зьмясьцілі ў ізалятар часовага ўтрыманьня 7 жніўня за заклік у Тэлеграм-чаце арганізавана пайсьці на футбольны матч ФК «Віцебск» – «Іслач». На яе склалі пратакол паводле арт. 23.34 КаАП. Але бліжэй да палуначы Юлію выпусьцілі на волю – у яе паднялася тэмпэратура. Яе маці – блогерка Алена Янушкоўская – застаецца за кратамі.
У віцебскі ізалятар кінулі Алену Янушкоўскую і яе дачку Юлію Ўласенка
У Віцебску перад выходнымі і асноўным днём галасаваньня пачалі затрымліваць актывістаў «Краіны для жыцьця» і незалежных назіральнікаў. 7 жніўня былі затрыманыя блогерка Алена Янушкоўская і яе дачка Юлія Ўласенка. Пасьля складаньня пратаколаў іх абедзьвюх да 10 жніўня зьмясьцілі ў ізалятар часовага ўтрыманьня (ІЧУ).
«У вашай сумачцы – бомба!..» Як выганяюць з участкаў незалежных назіральнікаў у Віцебску
Як паведамляюць праваабаронцы, пачатак датэрміновага галасаваньня вызначыўся шматлікімі парушэньнямі выбарчага заканадаўства ва ўсёй краіне. Незалежных назіральнікаў масава не дапускаюць на выбарчыя ўчасткі. Выганяюць нават з будынкаў, у якіх разьмяшаюцца ўчасткі. Падставы самыя розныя – аж да падазрэньняў у тэрарызьме…
Тацяна Севярынец: Усё залежыць не ад Сьвятланы Ціханоўскай, а ад кожнага з нас!
Напярэдадні галасаваньня давераная асоба Сьвятланы Ціханоўскай Тацяна Севярынец падзялілася з карэспандэнтам «Віцебскай вясны» сваімі назіраньнямі і ўражаньнямі ад сёлетняй выбарчай кампаніі і зьвярнулася да беларускага народу і чыноўнікаў. Усё зараз залежыць не ад Ціханоўскай, не ад Бабарыкі ці Цапкалы, а ад кожнага з нас, кажа Севярынец.
Аляксандра Якушкова зьмясьцілі ў ІЧУ адседжваць неадбытыя «суткі»
Віцебскі актывіст «Народнай Грамады» і валянтэр каманды Ціханоўскай Аляксандар Якушкоў быў затрыманы 4 жніўня і зьмешчаны ў ізалятар часовага ўтрыманьня. За кратамі ён мусіць правесьці 8 сутак арышту, якія яму прысудзілі за ўдзел у перадвыбарчых пікетаваньнях і якія ня далі адбыць напоўніцу да выбараў. Пра гэта паведаміў «Віцебскай Вясьне» паплечнік Якушкова Алег Паўлаў.
«Гэта страшна!» Справу дзяўчыны, якую затрымалі за велапрабег, вярнулі на дапрацоўку
3 жніўня ў судзе Чыгуначнага раёну Віцебску меўся адбыцца суд над віцяблянкай Вольгай Бабінскай, якая пасьля затрыманьня 31 ліпеня правяла трое сутак у ізалятары. Дзяўчыну вінавацяць ва ўдзеле ў несанкцыянаваным масавым мерапрыемстве (ч.1, арт. 23.34) – велапрабегу. Вольгу прывезьлі ў суд толькі пасьля абеду, але разгляд справы так і не адбыўся – матэрыялы вярнулі на дапрацоўку ў міліцыю.
Нары замест назіраньня: Уладзімера Кійко кінулі ў ізалятар часовага ўтрыманьня
У панядзелак 3 жніўня быў затрыманы віцебскі актывіст Уладзімер Кійко. Яго зьмясьцілі ў ізалятар часовага ўтрыманьня (ІЧУ) адбываць арышт, які яму прысудзілі яшчэ 7 ліпеня за ўдзел у «ланцугу салідарнасьці». Пра затрыманьне паведаміў брат Уладзімера Яраслаў, зь якім яны меліся сёньня зарэгістравацца назіральнікамі на выбарах.
20 натхняльных фота зь мітынгу ў падтрымку Ціханоўскай у Віцебску
У нядзелю 2 жніўня ў Віцебску адбыўся мітынг у падтрымкі кандыдаткі на прэзыдэнцтва Сьвятланы Ціханоўскай. Митынг быў зладжаны яе даверанымі асобамі і валянтэрамі каманды. Імпрэза прайшла ў парку імя Савецкай арміі ў Мазурыне і сабрала больш за паўтысячы ўдзельнікаў.