«Некалькі дзён да гэтага Аляксандра пільнавалі перад домам міліцыянты, у прыватнасьці знаёмы ўсім актывістам супрацоўнік міліцыі Праліч. Аляксандар ведаў, што, як толькі выйдзе з дому, яго затрымаюць. І не захацеў хавацца ды бегаць ад іх. Гэта ягоны сьвядомы выбар. Паводле маіх падлікаў, зь ІЧУ ён выйдзе цяпер толькі 12 жніўня», – сказаў Алег Паўлаў.
Аляксандра Якушкова некалькі разоў кідалі ў ізалятар часовага ўтрыманьня паводле пастановаў віцебскіх судоў (10 і 12 сутак), але цалкам адбыць прызначанае пакараньне так і ня далі. Як мяркуе Паўлаў, міліцыянты знарок адцягвалі выкананьне пакараньня аж да перадвыбарнага тыдня, каб «нэўтралізаваць» актывіста на час выбараў.
Нагадаем, 3 жніўня «ўзнавілі» адкладзены раней арышт і ў дачыненьні да актывіста Ўладзімера Кійко. Раней былі затрыманыя і зьмешчаныя ў ізалятары актывісты з Наваполацку і Воршы Андрэй Зуеў, Артур Сінега, Аляксандар Андрэеў і Генадзь Ларыёнаў (раней былі пакараныя на 15 сутак арышту).
Зьміцер Міраш
Камэнтуйце гэтую навіну на нашай старонцы ў facebook!