У Віцебску падчас мірнага шэсця 23 верасня затрымалі некалькі чалавек - відэа
У сераду 23 верасня віцябляне выказалі свой пратэст супраць таемнай інаўгурацыі, якую ў гэты дзень зладзіў Аляксандр Лукашэнка. Каля 500 чалавек прайшлі калонай па вуліцах гораду. На праспекце Перамогі адбылася сутычка з міліцыяй, падчас якой былі затрыманыя некалькі чалавек.
За ўдзел у шэсьці пад швэйцарскім сьцягам Станіславу Цярэнцьеву аштрафавалі на 324 рублі
22 верасьня суд Кастрычніцкага раёну Віцебску аштрафаваў за парушэньне заканадаўства аб масавых мерапрыемствах (ч.1 арт. 23.34 КаАП) грамадзкую актывістку Станіславу Цярэнцьеву на 12 базавых велічынь (324 рублі). Такое рашэньне прыняў судзьдзя Ільля Белавус.
Суды за мірныя маршы: Каваленка – 10 базавых, Кулакову – 7, Яскевіч – папярэджаньне
У судзе Першамайскага раёну Віцебску 21 верасьня судзілі паводле арт.23. 34 КаАП вядомых у горадзе асобаў. Старшыня віцебскай гарадзкой арганізацыі АГП Ірына Яскевіч за ўдзел у несанкцыянаваным шэсьці атрымала папярэджаньне, грамадзкая актывістка Алена Каваленка – 10 базавых, а ўладальнік двух «жывемабіляў» Андрэй Кулакоў – 7 базавых велічынь.
Яшчэ аднаго ўдзельніка шэсця 6 верасня падазраюць у гвалце супраць міліцыі. Затрыманы Уладзіслаў Макавецкі
«У Віцебску затрыманы адзін з актыўных удзельнікаў нападу на супрацоўнікаў міліцыі», – паведаміў 19 верасня на афіцыйным Тэлеграм-канале прэс-сакратар МУС Беларусі. Удакладняецца, што затрыманы «з’яўляецца сябрам моладзевага апазіцыйнага руху і сур’ёзна захапляецца фашысцкай сімволікай». Спраўдзілі, ці так гэта і за што канкрэтна затрымалі віцябляніна.
20 базавых за «Jabat'ka Hotel…» ды іншыя прысуды 18 верасьня па справах мірных пратэстоўцаў
12 верасьня ў Кастрычніцкім і Першамайскім судах Віцебску праходзілі адміністрацыйныя працэсы над удзельнікамі мірных акцый па артыкуле 23.34. Грамадзяне атрымалі штрафы ад 2 да 20 базавых велічынь. Найбольшы штраф прысудзілі аўтарцы плякату «Jabatʼka Hotel...».
Гарадзкая пракуратура Віцебску вынесла папярэджаньне Канстанціну і Тацяне Севярынцам
17 верасьня гарадзкая пракуратура Віцебску азнаёміла Канстанціна і Тацяну Севярынцаў з афіцыйным папярэджаньнем, вынесеным у сувязі зь іх удзелам у несанкцыянаваных масавых мерапрыемствах. Падпісваць папярэджаньне пракуратуры Севярынцы адмовіліся.
«Бачыў, што адбывалася ў ізалятары». Лекара хуткай дапамогі аштрафавалі за ўдзел у акцыі пратэсту
У судзе Віцебскага раёна 17 верасня разглядалася адміністрацыйная справа ў дачыненні да лекара хуткай медычнай дапамогі, студэнта 4 курса ВДМУ Уладзіміра Тэна. Яго прызналі вінаватым у правапарушэнні паводле арт. 23.34 КаАП і аштрафавалі на 135 рублёў.
Сустрэча з кіраўніком міліцыі Віцебшчыны Грыбам скончылася затрыманьнем
16 верасьня прадстаўнікі грамадзка-палітычнай рады Віцебску Ірына Яскевіч і Хрыстафор Жаляпаў сустрэліся з начальнікам упраўленьня ўнутраных справаў Віцебскага аблвыканкаму Міхаілам Грыбам. Размова тычылася перавышэньня службовых паўнамоцтваў з боку віцебскіх міліцыянтаў пры затрыманьнях грамадзянаў падчас мірных акцый. На сустрэчы прысутнічалі яшчэ чатыры асобы ў масках, якія не назваліся.
Віцябляніна Малахоўскага могуць абвінаваціць ва ўжыванні гвалту да супрацоўніка міліцыі
Віцяблянін Уладзімір Малахоўскі ад 13 верасня знаходзіцца ў ізалятары часовага ўтрымання (ІЧУ). У сераду 16 верасня яго судзілі за ўдзел у несанкцыянаваным шэсці (ч.1 арт. 23.34), але на волю не выпусцілі: мужчыну зноў затрымалі па падазрэнні ва ўчыненні крымінальнага злачынства – да выстаўлення абвінавачання. Выставіць яго мусяць праз 72 гадзіны.
Віцебскі актывіст і музыка Уладзімір Булаўскі асуджаны на 8 сутак
Вядомага віцебскага актывіста, музыку, былога каардынатара кампаніі «Будзьма!» у Віцебскай вобласці Уладзіміра Булаўскага прысудзілі 16 верасня да 8 сутак адміністрацыйнага арышту. Яго прызналі вінаватым у парушэнні заканадаўства аб масавых мерапрыемствах (арт. 23.34 КаАП) адразу па двух пратаколах. Актывіст знаходзіцца ў ізалятары часовага ўтрымання (ІЧУ).