16.05.2024 Тэгі: палітвязні, умовы ўтрымання Дзень палітзняволеных, заснаваны “Вясной” у гадавіну смерці ў калоніі Вітольда Ашурка, адлюстроўвае новую рэальнасць, у якой апынулася Беларусь: рэальнасць бесперапынных арыштаў і судоў, катаванняў, знявагі гонару і чалавечай годнасці. І цана лютасці дзяржаўнай машыны — здароўе і жыццё людзей, якія трапілі ў яе жораны. Вярнуць іх, на жаль, немагчыма — але мы можам зрабіць усё, што ад нас залежыць, каб зменшыць шкоду, якую прыносіць час, праведзены за кратамі. 

Менавіта таму ў межах сёлетняга Дня палітвязняў праваабаронцы "Вясны" ладзяць адкрыты запіс падкасту "Вясна прыйдзе". Мы хочам дапамагчы палітвязням захаваць сваё здароўе і разам з прафесійнымі медыкамі і юрыстамі, а таксама з людзьмі, якія прайшлі праз беларускія турмы, знайсці адказы на пытанні: 

• Як сабе дапамагчы, калі за кратамі баліць зуб, жывот, бок, галава ці сэрца?
• Якія народныя сродкі выкарыстоўваюць палітзняволеныя?
• Што кажа беларускае заканадаўства пра медыцынскую дапамогу за кратамі?
• Як дапамагчы палітзняволеным сваякам, калі ў іх абвастрыліся псіхічныя праблемы і псіхалагічныя разлады ў зняволенні?

Мадэратарка сустрэчы — Кацярына Пытлева.

Прыходзьце на адкрыты запіс падкасту!

Калі: 21 траўня, пачатак у 17:00

Дзе: Беларускі дом у Вільні, Vilniaus g. 20

Крыніца: Далучайцеся да адкрытага запісу падкасту “Вясна прыйдзе”!