Улады прыступілі да ліквідацыі дабрачыннай установы «Прастора поспеху»
З 15 ліпеня 2021 года Наваполацкі гарадскі выканаўчы камітэт прыступіў да ліквідацыі дабрачыннай сацыяльна-інфармацыйнай установы «Прастора поспеху». Гэтае грамадскае аб'яднанне было зарэгістраванае ў якасці юрыдычнай асобы ў чэрвені 2016 года ў пасёлку Баравуха Полацкага раёну.
Фотамастак Віктар Барысенкаў абскардзіў адміністрацыйны арышт у Віцебскім абласным судзе
Вядомы віцебскі краязнаўца і фотамастак Віктар Барысенкаў 18 жніўня падаў у абласны суд скаргу на пастанову суду Кастрычніцкага раёну Віцебску. Тым самым ён выказаў нязгоду з рашэннем суддзі Уладзіміра Царыкава, згодна з якім мусіў быць арыштаваны на сем сутак за публічнае дэманстраванне ў сетцы Інтэрнэт нацысцкай сімволікі.
Камітэт ААН па правах чалавека зарэгістраваў скаргу Таццяны Севярынец
Напачатку жніўня 2021 году Камітэт ААН па правах чалавека зарэгістраваў пад нумарам 3991/2021 індывідуальную скаргу Таццяны Севярынец. Грамадзянская актывістка лічыць, што беларуская дзяржава парушыла яе правы: на свабоднае выказванне свайго меркавання і на ўдзел у мірным сходзе.
Суд над Сяргеем Думавам у Віцебску зрабілі закрытым
16 жніўня ў судзе Першамайскага раёну Віцебску працягнуліся судовыя слуханні ў справе віцябляніна Сяргея Думавы. Як і мінулым разам, на паседжанне прыйшлі знаёмыя падсуднага і неабыякавыя віцябляне. Аднак па хадайніцтве пракуратуры суд прыняў рашэнне выдаліць з залы ўсіх прысутных. Суддзя Міхаіл Юрчанка дазволіў застацца толькі жонцы падсуднага.
Суды Віцебскай вобласці разгледзелі 60 крымінальных спраў за абразы і пагрозы на адрас прадстаўнікоў улады
Агулам за першае паўгоддзе 2021 году на Віцебшчыне было разгледжана шэсць дзясяткаў крымінальных спраў за публічныя абразы ў Інтэрнэце прадстаўнікоў ўлады, за паклёп, пагрозу ўжывання гвалту ў дачыненні да супрацоўнікаў міліцыі. На разглядзе ў судах знаходзяцца яшчэ 9 аналагічных спраў.
Два палітвязні з віцебскай «хіміі» пажадалі быць у спісе на памілаванне
Палітычныя зняволеныя Ян Дайліда і Уладзімір Седзянеўскі, якія адбываюць пакаранне ў папраўчай установе адкрытага тыпу №9 у Віцебску, звярнуліся да кіраўніка так званай інфармацыйна-аналітычнай установы «круглы стол дэмакратычных сіл» Юрыя Васкрасенскага з просьбай садзейнічаць у іх памілаванні. Відаць, яны вырашылі, што такі спосаб выйсці на свабоду найбольш просты і хуткі ў параўнанні з амністыяй.
Пачаўся працэс над віцяблянінам Сяргеем Думавам. Яму пагражае да 15 гадоў калоніі
13 жніўня ў судзе Першамайскага раёну Віцебску пачаўся судовы працэс над 35-гадовым віцяблянінам Сяргеем Думавам. Супраць яго выставілі абвінавачанні ў трох артыкулах Крымінальнага кодэксу. Паводле ч. 1 арт. 293 («Арганізацыя масавых беспарадкаў) Думаве пагражае да 15 гадоў пазбаўлення волі. Яго таксама вінавацяць у падрыхтоўцы да злачынства (ч. 1 арт. 13 КК), у навучанні для ўдзелу ў масавых беспарадках (ч.3 арт. 293 КК), у апаганьванні збудаванняў і псаванні маёмасці ( арт. 341 КК).
«Люцыфер у абліччы чалавека!» За абразу Лукашэнкі віцябляніна асудзілі на паўтара года калоніі
Віцяблянін Юры Серабро быў прызнаны вінаватым у публічнай абразе прэзідэнта Рэспублікі Беларусь (ч. 1 арт. 368 КК РБ). За невялікі каментар у «Інстаграм», у якім мужчына параўнаў Лукашэнку з Люцыферам, суддзя Сняжана Кіндзеева асудзіла яго на 1 год і 6 месяцаў калоніі. Серабро ўзялі пад варту проста ў зале суду. Увесь працэс, не лічачы перапынку, доўжыўся ўсяго 40 хвілін.
Праваабаронцы лічаць, што пісаць лісты вязням вельмі важна
Калонія, турма — гэта тое месца, дзе не кожны, хто там сядзіць, — вінаваты. Людзі часта сутыкаюцца з неапраўданай жорсткасцю пакарання. Таму падтрымка з волі ім вельмі патрэбная, яны павінны ведаць, што іх чакаюць на волі. Але перад людзьмі часта ўзнікаюць пытанні: "А як пісаць, а пра што пісаць?"
Віцябляніна Серабро судзяць за абразу Лукашэнкі. Пракурор просіць два гады калоніі
У судзе Кастрычніцкага раёну Віцебску 13 жніўня пачалі разглядаць крымінальную справу паводле ч.1 арт. 368 («Публічная абраза прэзідэнта РБ»). 41-гадовага Юрыя Серабро абвінавачваюць у тым, што 1 сакавіка ў «Інстаграм» ён размясціў абразлівы каментар на адрас Аляксандра Лукашэнкі. Пракурор папрасіў 2 гады калоніі. Рашэнне мусіць прыняць суддзя Сняжана Кіндзеева. Сам абвінавачаны адмовіўся ад адваката і прызнаў віну ў поўным аб'ёме.