Аршанскі актывіст зьвяртае ўвагу міністра на папулярызацыю на СТВ прыхільнікаў фашысцкай ідэалёгіі
Аршанскі актывіст Ігар Казьмярчак зьвярнуўся да міністра інфармацыі Ліліі Ананіч з просьбай даць ацэнку дзеяньням адказных асоб, якія дапусьцілі ў этэр СТВ праграмы, якія папулярызуюць сучасных дзеячоў фашызму.
Мясцовыя ўлады праігнаравалі прапановы віцебскага праваабаронцы
10 сьнежня – Дзень правоў чалавека, які адзначаецца ва ўсім сьвеце. У гэты дзень у 1948 годзе Генэральная асамблея ААН прыняла Ўсеагульную дэклярацыю правоў чалавека. Месяц таму віцебскі праваабаронца Леанід Сьвецік накіраваў шэраг прапановаў мясцовым уладам і дзяржаўным СМІ рэгіёну, што да адзначэньня гэтай важнай даты, але ўсе ягоныя прапановы былі фактычна праігнараваныя.
Віцебскі праваабаронца: Міліцыянты камандуюць судзьдзямі
«Фатаграфіі ў інтэрнэце групы асоб з папяровымі клеткамі і птушкамі спарадзілі вялікі аб’ём адміністрацыйнай працы для міліцыянтаў і судзьдзяў Чыгуначнага раёну гораду Віцебску. Варта адзначыць, што ў працэсе разгляду спраў у судзе адбыліся зьмены і ў частцы прад’яўленых абвінавачваньняў удзельнікам фотасэсіі, і ў частцы пакараньня», – пракамэнтаваў сэрыю судовых працэсаў у дачыненьні да ўдзельнікаў фотасэсіі на фоне графіці, якія прайшлі надоечы ў Віцебску, праваабаронца Валер Місьнікаў. Пра гэта ён напісаў у сваім блогу на livejournal.com.
На пачатку зімы хату пэнсіянэра зь Віцебскага раёну ледзь не адключылі ад ацяпленьня
Пэнсіянэр Іван Кавальчук зь вёскі Аўтушкова Віцебскага раёну паведаміў, што яго зьбіраюцца пазбавіць цяпла, нягледзячы на набліжэньне зімы. Паводле слоў Івана Адамавіча, пры канцы кастрычніка ён атрымаў ліст за подпісам першага намесьніка Віцебскага райвыканкаму Пятра Каранковіча. У дакумэнце гаварылася: «Пры ўсталёўцы пелетнага катла ў лістападзе 2014 году ваш дом будзе адключаны ад цэнтральнага ацяпленьня».
На Глыбоччыне ўсталявалі помнік ненароджаным дзецям
На Глыбоччыне зьявіўся помнік ненароджаным дзецям. Скульптурная кампазыцыя ўсталяваная каля касьцёлу ў вёсцы Удзела. У яе ўваходзіць выява Маці Божай, якая абдымае часткі цела ненароджаных дзяцей, а таксама крыж з укрыжаваным Хрыстом, які ўсталяваны на скале. Побач знаходзіцца камень з памятнай шыльдай.
Пасьля вызваленьня Гайдукова адразу арыштавалі
Сябра аргкамітэту па стварэньні партыі «Беларуская хрысьціянская дэмакратыя» Андрэя Гайдукова 5 сьнежня асудзілі на 5 сутак арышту за раздачу ўлётак у падтрымку палітвязьняў. Суд адбыўся адразу пасьля таго, як актывіста выпусьцілі з-за кратаў пасьля 10-дзённага арышту за раздачу ўлётак.
Шасьціклясьнік Стас 5 дзён скардзіўся на тугі гіпс, пакуль не ампутавалі руку
11-гадоваму Стасу М. з аграгарадку Якубава наклалі на зламаную левую руку тугі гіпс. І адправілі дадому. Празь некалькі дзён хлопчыка ўжо ратавалі ў віцебскай рэанімацыі. Руку давялося ампутаваць. Маці хлопчыка распавяла пра тое, як ледзь ня страціла сына, якога не хацела забіраць “хуткая”, а ў райбольніцы праблем не пабачылі.
Валер Місьнікаў: Віцебскія журналісты ў небясьпецы
Віцебскі праваабаронца Валер Місьнікаў лічыць, што віцебскія журналісты знаходзяцца ў небясьпецы, іх перасьледуе міліцыя, і судзьдзі адкрыта парушаюць правы, прапісаныя ў законах. Публікуем адкрыты ліст Місьнікава да «дзяржаўных адказных службовых асоб». Падставай да напісаньня ліста сталі адміністрацыйныя справы супраць журналістаў за фота на фоне графіці.
У Гарадку дэмантавалі помнік «Тарасу на Парнасе»
У Гарадку да «Дажынак» паставілі помнік «Тарас на Парнасе». Аднак да зьдзіўленьня мясцовых жыхароў 28 лістапада помнік дэмантавалі.
У Віцебску – працяг судоў над удзельнікамі фотасэсіі з птушкамі
3 сьнежня суд Чыгуначнага раёну Віцебску разгледзеў адкладзеную раней адміністрацыйную справу Пятра Берлінава – яшчэ аднаго ўдзельніка мастацкага пэрформансу “з птушкамі і клеткамі”. І хоць спадар Берлінаў журналістыкай не займаецца, а да мастацкай акцыі ў падтрымку свабоды прэсы далучыўся выпадкова, ён усё адно быў абвінавачаны паводле часткі 1 артыкулу 23.34 КаАП (парушэньне парадку арганізацыі ці правядзеньня масавых мерапрыемстваў).