За абразу Лукашэнкі ў тралейбусе ўлады пазбавілі волі жыхара Віцебска
Суддзя суда Кастрычніцкага раёна Віцебска Сяргей Будрэвіч 4 кастрычніка вынес прысуд мясцоваму жыхару Сяргею Бельскаму, абвінаваціўшы яго ў абразе Аляксандра Лукашэнкі (ч. 1 арт. 368 Крымінальнага кодэкса). Суд пакараў мужчыну пазбаўленнем волі на тэрмін 2,5 гады з адбываннем прызначанага пакарання ў папраўчай калоніі ва ўмовах строгага рэжыму.
Савет абласнога аб'яднання прафсаюзаў «зверыў гадзіннікі»
У Віцебску 4 кастрычніка адбыўся Пленум Рады Віцебскага абласнога аб'яднання прафсаюзаў. На ім прагучала больш палітычных заяваў і планаў, чым пра клопат яе шараговых сяброў.
За падпіску на дзве «экстрэмісцкія» супольнасці ўлады арыштавалі рамесніка
Суддзя суда Верхнядзвінскага раёна Таццяна Кукліна 26 верасня за падпіскі на «экстрэмісцкія» інтэрнэт-супольнасці пакарала арыштам на 7 сутак рамесніка Паўла Кавалевіча.
Дзіцячыя акадэміі футболу ў раёнах Віцебскай вобласці створаць на базе пастаўскай
Беларуская федэрацыя футбола мае намер стварыць у раёнах Віцебскай вобласці футбольныя філіялы для навучання дзяцей. Пра гэта журналістам на адкрыцці абноўленай футбольнай пляцоўкі СДЮШАР ФК "Віцебск" паведаміў былы кіраўнік Віцебскай вобласці, а цяпер старшыня асацыяцыі "Беларуская федэрацыя футбола" Мікалай Шарстнёў.
За падпіску на групу «Хартыя-97» улады пакаралі буйным штрафам жыхарку Наваполацка
Суддзя суда Наваполацка Зінаіда Балаболава 21 верасня за распаўсюджванне "экстрэмізму" ў сацыяльнай сетцы пастанавіла аштрафаваць на 1110 рублёў мясцовую жыхарку Ірыну Нікіціну.
У Браслаўскім раёне міліцыянты будуць шукаць зброю
Як піша сайт раёнкі, асноўны этап спецыяльнага комплекснага мерапрыемства "Арсенал" пройдзе з 9 па 13 кастрычніка на тэрыторыі Браслаўскага раёна.
Іллю Двойрына, які абліў белай фарбай машыну з літарай «Z», Наваполацкі суд зноў пасадзіў на 15 сутак
Роўна праз тыдзень пасля таго, як 53-гадовага работніка “Нафтана” Іллю Двойрына прызналі вінаватым паводле ч. 1 арт. 339 Крымінальнага кодэкса (хуліганства) за аблітую белай фарбай машыну прарасейскага актывіста і пакаралі пазбаўленннем волі на адзін год умоўна, ён зноў апынуўся ў пастарунку, а потым у Цэнтры ізаляцыі правапарушальнікаў.
За распаўсюд «экстрэмізму» ў Віцебску аштрафаваная маладая жанчына
Суддзя суда Першамайскага раёна Віцебска Міхаіл Юрчанка 13 верасня за падпіску на "экстрэмісцкі" паблік пастанавіў аштрафаваць грамадзянку РФ Наталлю Куксёнак, якая жыве ў Віцебску. Гэта другая ў гэтым годзе адміністрацыйная справа, разгледжаная з нагоды распаўсюджвання “экстрэмізму” ў дачыненні да Куксёнак. Першая справа была разгледжана напрыканцы жніўня тым жа суддём Юрчанка.
Дыпламаты краін Еўразвязу адмовіліся ехаць у Наваполацк, куды беларускія ўлады прывезлі дзяцей з часова акупаваных тэрыторый
Цягам трох тыдняў дзеці з Лісічанска і Севераданецка будуць знаходзіцца ў Наваполацку. Мясцовая «Новая газета» падае гэтую падзеі як акт дабрачыннасці, але не паведамляе, што прадстаўнікі еўрапейскіх краін адмовіліся браць удзел у сустрэчах. Таксама дзяржСМІ абыходзіць маўчаннем і тое, што прадстаўнікі Украіны нават не былі запрошаны на мерапрыемствы, арганізаваныя для маленькіх грамадзян гэтай краіны.
Паведамляецца аб тым, што Пскоўскі рэгіён страціў забітымі 300 чалавек на вайне ва Ўкраіне
Паводле інфармацыі штотыднёвай рэгіянальнай грамадска-палітычнай газеты «Пскоўская губерня» на стане 4 кастрычніка на вайне ў Украіне загінула 300 жыхароў Пскоўскай вобласці, а колькасць параненых і пакалечаных пераваліла за адну тысячу чалавек. Губернатар Пскоўшчыны Міхаіл Ведэрнікаў прызнаў страты 181 байца, прызванага на руска-ўкраінскую вайну з гэтага расійскага рэгіёну.