На Мёршчыне ўлады ў два разы знізілі выдаткі на добраўпарадкаванне гарадоў і вёсак
Летась на ўтрыманне аб’ектаў добраўпарадкавання гарадоў і вёсак раёна ўлады выкарысталі звыш 1,35 мільёна рублёў. Сёлета на знешняе добраўпарадкаванне прадугледжана каля 695 тысяч рублёў. Пра гэта мёрскія ўлады паведамілі на сесіі раённага Савета дэпутатаў, якая прайшла ў Мёрах.
За вымпел з «Пагоняй» кіроўцу-дальнабойшчыка суд пакараў арыштам
Суддзя суда Верхнядзвінскага раёна Таццяна Кукліна 31 сакавіка арыштавала на 10 сутак дальнабойшчыка Аляксандра Каваленку, у віну якому было пастаўлена праведзенне масавага мерапрыемства. Па версіі суда “правапарушальнік” размесціў на пярэдняй панэлі кабіны аўтамабіля вымпел з выявай сцяга бел-чырвона-белага колеру і гербам “Пагоня”. Паведамленне ў міліцыю аб правапарушэнні паступіла з Віцебскай мытні.
Павел Севярынец "знайшоўся" ў турме ў Гародні
Пра тое, што зняволенага палітыка, літаратара і журналіста накіравалі на бліжэйшыя тры гады ў гарадзенскую турму, стала вядома з ліста, дасланага жонцы Вользе. Больш як два тыдні сваякі не ведалі пра лёс палітвязня, якога 23 чэрвеня асудзілі да змены рэжыму ўтрымання.
За падпіску на «экстрэмісцкае» СМІ ўлады аштрафавалі выкладчыцу Полацкага дзяржуніверсітэта
Суддзя Наваполацкага суда Зінаіда Балаболава 24 мая за падпіску аштрафавала на 740 рублёў асістэнтку кафедры тэхналогіі і абсталявання перапрацоўкі нафты і газу ПДУ Паліну Путро.
Бешанковіцкая «раёнка» напісала пра нараду ідэолагаў. Лозунгамі
Шэраговы жыхар раёна і так мае вельмі цмянае ўяўленне, навошта на прадпрыемствах увялі пасаду ідэалагічнага работніка. Хіба для таго, каб за бюджэтныя грошы сачыць за настроямі грамадзян і «сігналіць» у міліцыю, калі заўважыць нейкую крамолу. Падобна, што нават паплечнікі па «ідэалагічным фронце» - журналісты мясцовай газеты «Зара» - не змаглі зразумець, дзеля чаго ў райцэнтры праводзілі чарговую нараду.
Выйшаў на волю полацкі грэка-каталіцкі святар, які правёў за кратамі 45 сутак
Аляксандр Шаўцоў, настаяцель парафіі Святога пакутніка Язафата, адбыў два адміністрацыйныя арышты – на 15 і на 30 сутак, прысуджаныя яму адзін за адным. Суд двойчы прызнаў яго вінаватым за нібыта распаўсюд экстрэмісцкіх матэрыялаў (ч. 2 арт.19.11 КаАП РБ), а таксама за правядзенне несанкцыянаванага пікетавання (арт.24.23 КаАП РБ).
Палітвязень Віктар Бабарыка, меркавана, знаходзіцца ў ПКТ новаполацкай калоніі
Экс-прэтэндэнт у прэзідэнты, былы старшыня праўлення Беплгазпрамбанка Віктар Бабарыка ўтрымліваецца ў памяшканні камернага тыпу папраўчай калоніі №1 (Наваполацк). Яго стан здароўя здавальняючы, аднаўляецца пасля атрыманых траўмаў.
Улады пакаралі штрафам распаўсюдніцу «экстрэмізму»
Суддзя суд Наваполацка Зінаіда Балаболава 24 траўня пастанавіла аштрафаваць на 1110 рублёў за распаўсюд «экстрэмізму» мясцовую жыхарку Кацярыну Шаўлюгу.
Супраць навапалачаніна распачалі крымінальную справу за пашкоджанне аўто з літарай «Z»
Машына належыць вядомаму прарасейскаму актывісту Сяргею Юдаеву, яна была прыпаркавана каля наваполацкага гарадскога аддзела міліцыі і адразу кідалася ў вочы: на капоце і бакавінах былі намаляваныя вялікія літары «Z». Ранкам 1 ліпеня гаспадар убачыў, што лабавое шкло абліта белай фарбай. Супрацоўнікі міліцыі затрымалі за гэта 53-гадовага Іллю Двойрына. Відэа затрымання было размешчана ў афіцыйных тэлеграм-каналах.
Два тыдні няма звестак пра Паўла Севярынца, якога мусілі адправіць у турму
Паводле ініцыятывы Шклоўскай калоніі №17, дзе палітвязень адбываў пакаранне, 23 чэрвеня палітзняволенаму змянілі рэжым утрымання. Па рашэнні Шклоўскага райсуду ён павінны адбыць наступныя тры гады ў турме. Перавесці Севярынца на новае месца зняволення мусілі цягам 10-ці дзён, але сваякі нічога не ведаюць пра ягоны лёс.