Дзяды: віцебскія актывісты ўшанавалі ў Паляях памяць аб рэпрэсаваных грамадзянах
У Дзень памяці 2 лістапада віцебскія актывісты наведалі мемарыяльнае месца расстрэлаў за часамі сталінізму мірных грамадзян Беларусі ля вёскі Паляі Віцебскага раёну. У гэты ж дзень наведалі вясковыя могілкі ў вёсцы Друкава, дзе пахаваны кіраўнік Віцебскай абласной рады КХП БНФ Уладзімір Плешчанка.
Пенсіянерцы Таццяне Зеляновай вынеслі папярэджанне. Да гэтага быў штраф
Суд Першамайскага раёну Віцебску 2 лістапада вынес папярэджанне 64-гадовай віцяблянцы Таццяне Зеляновай за ўдзел у мірным маршы 30 жніўня (ч.1 арт. 23.34 КаАП). Пенсіянерка назвала на судовым паседжанні выстаўленыя ў дачыненні яе абвінавачанні смеху вартымі.
Таццяну Севярынец аштрафавалі на 810 рублёў за паход на прыём у гарвыканкам
30 кастрычніка Першамайскі суд Віцебску аштрафаваў віцебскую актывістку Таццяну Севярынец на 810 беларускіх рублёў (ч.3 арт. 23.34 КаАП). Суддзя Вераніка Барысава прызнала калектыўны паход у Віцебскі гарвыканкам несанкцыянаваным масавым шэсцем, хаця дэлегацыю з трох чалавек у гарадскім выканаўчым камітэце прынялі.
Без доказаў: выкладчыцу юрыдычнага факультэту ВДУ аштрафавалі на 324 рублі
28 кастрычніка суд Кастрычніцкага раёну Віцебску аштрафаваў выкладчыцу юрыдычнага факультэта ВДУ Святлану Вашэцькову на 12 базавых велічынь па водле арт. 23.34 КаАП. Ніякіх істотных доказаў яе ўдзелу ў мірнай акцыі не было. Справу разглядаў суддзя Уладзімір Царыкаў.
Пасля трох сутак арышту з СІЗА выйшаў журналіст «Белсату» Зміцер Казакевіч
28 кастрычніка суд Першамайскага раёну Віцебску адправіў адміністрацыйныя пратаколы ў дачыненні да журналіста «Белсату» Змітра Казакевіча на дапрацоўку. Справа разглядалася ў анлайн-рэжыме праз Skype. Разбіраў яе суддзя Міхаіл Юрчанка. Казакевіч быў затрыманы 25 кастрычніка і 72 гадзіны да суду правёў у ІЧУ, які месціцца зараз у будынку СІЗА-2.
Суд за начны пікет у Лучынаўцы нарэшце завяршыўся. Вынік – 15 базавых Марыі Волкавай
26 кастрычніка суд Віцебскага раёну прызнаў даказаным віну Марыі Волкавай у правядзенні несанкцыянаванага пікетавання 26 верасня ў вёсцы Лучынаўка з 2 да 4 гадзін ночы. Для гэтага суддзі Міхаілу Зубені спатрэбілася тры судовыя паседжанні. Супраць Марыі Волкавай і Андрэя Кулакова было выстаўленае абвінавачанне паводле ч.1 арт. 23.34 КаАП. Справа ў дачыненні да Кулакова была спыненая.
19-гадовую Марыю Амасовіч аштрафавалі на 162 рублі, але пакінулі за кратамі СІЗА
Суд Кастрычніцкага раёну Віцебску аштрафаваў на 6 базавых велічынь 19-гадовую навучэнку каледжу Марыю Амасовіч, якая ад 20 кастрычніка знаходзіцца ў СІЗА. Нягледзячы на такое рашэнне, з ізалятару дзяўчыну не выпусцілі: яе зноў затрымалі па новых пратаколах. Марыя застанецца за кратамі да панядзелка.
Віцяблян пачалі выклікаць у СК – як сведкаў у крымінальнай справе аб «масавых беспарадках»
22 кастрычніка адразу некалькі віцяблян былі запрошаныя для размовы ва Ўпраўленне следчага камітэту па Віцебскай вобласці ў якасці сведкаў у крымінальнай справе, заведзенай па факце нападзення на супрацоўніка МУС падчас сутычкі пратэстоўцаў з міліцыяй 6 верасня на вуліцы Праўды ў Віцебску.
МУС: 20-гадовая віцяблянка пашкодзіла нагой міліцэйскі бус. Заведзеная крымінальная справа
На 20-гадовую дзяўчыну завялі крымінальную справу за хуліганства. Віцяблянку падазраюць у тым, што яна пашкодзіла службовы мікрааўтобус. Пра гэта паведаміла прэс-служба МУС РБ.
Супрацоўніцу «Віцебскаблсаюздруку» аштрафавалі на 648 рублёў за ўдзел у вулічным шэсці
Суд Кастрычніцкага раёну Віцебску 21 кастрычніка пакараў штрафам у памеры 24 базавыя велічыні віцяблянку Наталлю Перунову. Яе прызналі вінаватай ва ўдзеле «у несанкцыянаваных вулічных шэсцях» 6 і 23 верасня. Жанчына працуе на прадпрыемстве «Віцебскаблсаюздрук», прадае газеты ў шапіку, яе заробак у два разы меншы за прысуджаны штраф.