Праваабаронца дамагаецца адмены забароны на працу двух Тэлеграм-каналаў
Віцебскі абласны суд разгледзіць прыватныя скаргі праваабаронцы Паўла Левінава на вызначэнне суддзі суду Чыгуначнага раёну Віцебску Святланы Варатынскай. Яна адмовілася адправіць у аблсуд апеляцыйныя скаргі праваабаронцы, у якіх ён патрабуе адмены забароны працы Тэлеграм-каналаў «Віцебск 97%» і «Чат неверагоднага Віцебска». Пасяджэнне судовай калегіі па грамадзянскіх справах адбудзецца 24 траўня 2021 года ў будынку аблсуду ў 14-30 і 15-00 адпаведна па кожным канале.
У справе Туравец суд прызначыў таваразнаўчую экспертызу пракушаных пальчатак міліцыянта
У судзе Віцебскага раёну 7 траўня прайшлі чарговыя слуханні ў справе жыхаркі пасёлку Ноўка Таццяны Туравец. Па версіі міліцыі, 9 лютага Туравец адмовіла міліцыянтам праводзіць вобшук у сваім доме і чыніла ім супраціў. Жанчыну абвінавачваюць паводле арт. 364 КК. У сённяшнім паседжанні суд апытаў сведкаў Рабавых, заслухаў абвінавачаную і вырашыў пытанне аб правядзенні таваразнаўчай экспертызы.
Чарговы Тэлеграм-пікет выклікаў цікавасць міліцыі і суду
За ўдзел у інтэрнэт-пікеце старшы інспектар маёр міліцыі Ўладзімір Казлоўскі склаў пратакол аб адміністрацыйным правапарушэнні ў дачыненні віцебскай грамадзянскай актывісткі Караліны Цярэнцьевай. Матэрыялы справы будуць разгледжаныя 17 мая 2021 года ў 10-30 суддзём суду Першамайскага раёну Віцебску Міхаілам Юрчанкам.
45 сутак арышту на траіх дзяўчат – за фота пад віцебскім мостам
У судзе Чыгуначнага раёну Віцебску 7 траўня судзілі траіх дзяўчат – Лізавету Кірыенка, Марыю Агіевіч і Марыю Амасовіч. Усе трое знаходзяцца ў ізалятары часовага ўтрымання, таму суд праходзіў праз «Скайп». Дзяўчат прызналі вінаватымі ў несанкцыянаваным пікетаванні, якое яны нібыта здзейснілі 27-га сакавіка пад мостам імя Кірава ў Віцебску, паведамляе Беларускае Радыё Рацыя.
За «Савецкае шампанскае» і грошы ў пакеце. За што судзяць былога начальніка аддзелу адукацыі
У судзе Чыгуначнага раёну Віцебску 7 траўня пачаўся разгляд крымінальнай справы за атрыманне хабару. На лаве падсудных – былы начальнік аддзелу адукацыі Першамайскага раёну Віцебску Павел Краско. Паводле артыкулу 430 КК яму пагражае да 10 гадоў зняволення. Сваю віну ён цалкам адмаўляе.
Камітэт па правах чалавека зарэгістраваў скаргу журналіста
Як стала вядома, яшчэ ў лютым 2021 году Камітэт па правах чалавека ААН зарэгістраваў пад нумарам 3884/2020 скаргу віцебскага журналіста Вячаслава Лазарава. Журналіст настойвае на тым, што беларуская дзяржава парушыла ягонае права на атрыманне і распаўсюд інфармацыі.
Лізавету Кірыенка, якая адбыла 10 сутак за лампадкі ля сабору, не выпусцілі на свабоду
23-гадовая Лізавета Кірыенка павінна была выйсці на волю з віцебскага ізалятару часовага ўтрымання (ІЧУ) позна ўвечары 6 траўня. Але за некалькі дзясяткаў хвілін да заканчэння тэрміну адміністрацыйнага арышту стала вядома, што дзяўчыну не выпусцяць. Пра гэта паведаміла маці затрыманай.
За хабар будуць судзіць былога начальніка аддзелу адукацыі Першамайскага раёну Віцебску
Працэс над экс-начальнікам аддзелу па адукацыі Першамайскага раёну Віцебску Паўлам Краско пачнецца 7 траўня ў судзе Чыгуначнага раёну. Пра гэта паведаміла прадстаўніца прэс-службы Віцебскага абласнога суду. Пачатак першага паседжання – у 14.30.
Віцебскі абласны суд адхіліў апеляцыі палітвязняў Юліі Кашаверавай і Арцёма Ісакава
Віцебскі абласны суд разгледзеў апеляцыйныя скаргі віцяблян Юліі Кашаверавай і Арцёма Ісакава на рашэнні суду Кастрычніцкага раёну Віцебску, які ў лютым 2021 году прысудзіў ім адпаведна паўтара і тры гады зняволення. Праваабаронцы прызналі прысуды палітычна матываванымі, а саміх асуджаных – палітвязнямі.
Міліцыя шукае адміністратараў пратэставых інфармацыйных каналаў
У апошнія дні красавіка суд Чыгуначнага раёну Віцебску прыняў рашэнне аб прызнанні чатырох Telegram-каналаў Віцебскага рэгіёну экстрэмісцкімі. Застаецца пакуль нявысветленым, была праведзеная незалежная экспертыза публікацый або суд прыняў забароннае рашэнне толькі на падставе суб'ектыўнага меркавання праваахоўных органаў.