У праваабаронцы Леаніда Судаленкі, пазбаўленага волі, сёння дзень нараджэння
Палітзняволенаму праваабаронцу Леаніду Судаленнку сёння, 23 верасня, спаўняецца 56 гадоў. 3 лістапада 2021 суддзя Салоўскі асудзіў Леаніда Судаленку да трох гадоў пазбаўлення волі. З 27 студзеня 2022 адбывае пакаранне ў папраўчай калоніі №3, якая знаходзіцца ў п. Віцьба Віцебскай вобласці.
Палітвязень Мікалай Статкевіч пакараны знаходжаннем ва ўмовах штрафнога ізалятара
Па рашэнні адміністрацыі Папраўчай калоніі №13 (Глыбокае, Віцебская вобласць) палітычны вязень Мікалай Станкевіч змешчаны ў ШІЗА. Пра гэта паведаміла жонка Мікалая Статкевіча Марына Адамовіч. Спагнанне палітык атрымаў за адмову прыбіраць прагулачны дворык.
Хутка стане прасцей трапіць у ЛПП каб палекавацца ад алкагольнай ці наркатычнай залежнасці
У першым палугоддзі праз суды Віцебскай вобласці прайшло 526 спраў аб накіраванні грамадзян у Лячэбна-працоўныя прафілакторыі. Пры гэтым суддзі далі згоду на прымусовае лячэнне ад алкагалізму ці наркаманіі ў дачыненні да 471 жыхара ці жыхаркі Віцебшчыны. Як “лякуюць” ад алкагалізму ці наркаманіі грамадзянаў у ЛПП, можна паглядзець тут, тут і тут.
Віцебскія ўлады ліквідавалі грамадскую арганізацыю "Самакіраванне і грамадства"
Па ініцыятыве Галоўнага ўпраўлення юстыцыі Віцебскага абласнога выканаўчага камітэта і па рашэнні Віцебскага абласнога суда 25 мая пачаўся працэс ліквідацыі грамадскага аб’яднання "Самакіраванне і грамадства". Арганізацыя праіснавала больш за 11 гадоў і рэальна дапамагала мясцовым уладам, асабліва рэгіянальным Саветам дэпутатаў, развіваць мясцовае ўпраўленне і самакіраванне ўсімі даступнымі законнымі спосабамі. Нязменным кіраўніком арганізацыі быў палітык і грамадскі дзеяч Хрыстафор Жаляпаў.
Суд адмовіўся прызнаць пікетам наяўнасць бел-чырвона-белых магніцікаў на хатнім халадзільніку
Суддзя суда Кастрычніцкага раёна Віцебска Ўладзімір Царыкаў 20 верасня разгледзеў адміністрацыйную справу ў дачыненні да жыхара Віцебска Сяргея Сясіцкага. Міліцыя палічыла, што ён правёў несанкцыянаванае ўладамі пікетаванні ў сябе дома праз вывешванне бел-чырвона-белых магніцікаў на дзверцах халадзільніка. Паколькі пікет з'яўляецца публічным мерапрыемствам, то суддзя палічыў, што ў дзеяннях Сясіцкім адсутнічае склад адміністрацыйнага правапарушэння і на гэтай падставе спыніў вядзенне па справе.
Суды Віцебскай вобласці істотна папоўнілі спіс “экстрэмісцкіх матэрыялаў”
У ліпені-жніўні 2022 года шасцю судамі Віцебскага рэгіёна прызнана, што ў 21 інфармацыйным рэсурсе ёсць матэрыялы экстрэмісцкага зместу. Самым вядомым з парушальнікаў інфармацыйнага спакою краіны сталі рэсурсы "Хартыя 97".
КДБ дадаў у "спіс тэрарыстаў" яшчэ двух асуджаных жыхароў Віцебска
Камітэт дзяржаўнай бяспекі 15 верасня абнавіў спіс "асоб, якія маюць дачыненне да тэрарыстычнай дзейнасці". Сярод 8 новых беларускіх “тэрарастаў” у спіс трапілі два жыхара Віцебскага рэгіёна. Гэта палітвязні Павел Сакалоў і Аляксей Рэзнікаў.
Супярэчлівая статыстыка Віцебскай вобласці: вытворчасць падае, а грошай у бюджэт паступае больш
Вытворчасць прамысловай прадукцыі на Віцебшчыне ў студзені - жніўні 2022 года ўпала на 6,3% у параўнанні з тым жа перыядам у 2021 годзе. Адпаведна: валавы рэгіянальны прадукт паменшыўся на 2,7%, спажывецкія кошты падскочылі на 15,5%, падатковыя паступленні дадалі 12,8%. Пра гэта паведамляе Галоўнае статыстычнае ўпраўленне Віцебскай вобласці.
У Віцебску працягваецца мілітарызацыя свядомасці навучэнцаў школ і гімназій
Толькі ў Віцебску сярод 48 школ і гімназій, 18 носяць імёны военачальнікаў, камандзіраў армейскіх падраздзяленняў, партызанскіх атрадаў, арганізатараў падполля часоў другой сусветнай вайны і ўдзельнікаў ваенных авантур кіраўніцтва Савецкага Саюза. І толькі дзвюм сярэднім навучальным установам горада ўладамі прысвоена імя вучонага Алфёрава і рускага паэта Пушкіна.
Эме Сцепулёнак змянілі меру стрымання. Цяпер яна дома пад вартай
На гэтым тыдні палітзняволеная была пераведзена з Віцебскага абласнога следчага ізалятара №2 на хатні арышт. Пра гэта паведамляе інфармацыйны рэсурс #dissidentby. Хатні арышт - гэта альтэрнатыўная форма ўтрымання пад вартай, пры якой зняволены знаходзіцца ў сябе дома.