Жанну Іванову (Жалевіч) будуць судзіць 18 лістапада
Затрыманую ранкам віцебскую журналістку паспелі апытаць у міліцыі і нават адвезці ў ІЧУ. Аднак адтуль яе вызвалілі праз складанасці са здароўем і неабходнасць прымаць лекі, якіх у ІЧУ няма. Адпусцілі жанчыну пад падпіску пра тое, што яна добраахвотна з’явіцца ў суд Першамайскага раёну, дзе яе будуць судзіць па артыкуле 24.23 КоАП за несанкцыянаванае пікетаванне.
Выдадзены каляндар з малюнкамі палітвязня Паўла Севярынца
Каляндар з малюнкамі, зробленымі за кратамі, выдадзены дзякуючы высілкам жонкі палітзняволенага, Вольгі Севярынец. Ён называецца «Беларусь – гэта святое». У календары змешчаныя цытаты на кожны месяц, малюнкі вядомых беларускіх храмаў Гародні, Нясвіжа, Мінска, Сынкавічаў, Мураванкі, Паставаў, Магілёва, Сарʼі, Слабодкі, Сталовічаў, Берасця і каляндарная сетка па месяцах. На кожны месяц прадугледжаны новы малюнак і новая цытата.
У Віцебскай вобласці беспрацоўе зніжаецца, але якасць вакансій бянтэжыць
На 1 лістапада больш за 7,4 тыс. вакансій прапануюць жыхарам Віцебскай вобласці наймальнікі рэгіёну. Аднак 97% вакансій можна аднесці да катэгорыі «няякасных», бо аплата працы ў гэтых прапановах значна ніжэйшая за сярэднюю налічаную зарплату работнікаў рэгіёну, якая склала ў верасні 1402,4 рубля.
Затрымана віцебская журналістка Жанна Жалевіч
15 лістапада яе праз тэлефон выклікалі на гутарку ў райаддзел Першамайскага раёну. На пытанне, ці браць з сабой нейкія рэчы, міліцыянт параіў: “Вазьміце на ўсялякі выпадак”. З гэтага Жанна Жалевіч яшчэ напярэдадні зрабіла выснову, што пасля візіту на волі яна можа апынуцца на адразу. З карткай тэлефоннай размовы жанчыне стала зразумелым, што ў яе сацыяльных сетках знайшлі допісы “са сцягам” і “з надпісамі” – так патлумачыў супрацоўнік міліцыі.
Эльвіра Мірсалімава ведае, як распазнаць «змагара» і вымерыць «рускасць» у беларусах
Гэтым разам жыхарка Віцебска на сваёй старонцы ў сацыяльнай сетцы Фэйсбук апублікавала тэкст, у якім разважае над тым, як правільна распазнаць «змагара» і як пратэставаць беларуса, каб выявіць у яго наяўнасць русафобскіх настрояў. Ці парушыла ў сваем выступе Мірсалімава нормы крымінальнага закона, павінны праверыць пракуратура ці следчыя органы.
На 39-й сесіі Наваполацкага гарсавета пагаварылі пра "дасягненні" і фэйкі
На ёй кіраўнік гарсавета Алег Буевіч выступіў з дакладам, у якім адлюстраваў усе напрамкі дзейнасці дэпутатаў, пачынаючы ад функцыянавання рабочых органаў у мясцовым самакіраванні і заканчваючы грамадскай і медыйнай дзейнасцю "народных выбраннікаў".
Якія абмежаванні накладаюцца на асоб, уключаных у "Спіс экстрэмістаў"
Сёлета Міністэрства ўнутраных справаў "павіншавала" беларусаў першай публікацыяй "Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці" (Спіса экстрэмістаў). Адразу ў яго ўключылі 140 чалавек, сярод іх былі палітвязні — Павел Севярынец, Марыя Калеснікава, Максім Знак. За восем месяцаў гэты Спіс узрос больш, чым у дзесяць разоў. МУС туды ўключае асуджаных у Беларусі па "палітычных" справах пасля прэзідэнцкіх выбараў у 2020 годзе. Таму трэба патлумачыць, якія абмежаванні надае статус "экстрэміста".
За жаданне «адкасіць» ад службы ў войску прызыўнікоў пакаралі штрафамі і пазбаўленнем волі
У кастрычніку суды Віцебскай вобласці асудзілі як мінімум 6 маладых мужчын да розных крымінальных пакаранняў па ч.1 арт. 435 (Ухіленне ад мерапрыемстваў па прызыве на вайсковую службу) КК РБ. Усе асуджаныя прызналі сваю віну ў поўным аб'ёме і раскаяліся ў зробленым.
У Менску да 12 гадоў калоніі асудзілі віцябляніна Вадзіма Васільева
У Менскім гарадскім судзе абвясцілі вырак Вадзіму Васільеву, 27-гадоваму ўраджэнцу Віцебску – 12 гадоў калоніі ва ўмовах узмоцненага рэжыму і штраф у памеры 500 базавых велічыняў (16 000 беларускіх рублёў). Суд праходзіў у закрытым рэжыме, хлопца асудзілі па шасці артыкулах Крымінальнага кодэксу нібыта за адміністраванне «экстрэмісцкіх» тэлеграм-каналаў.
Суд арыштаваў актывіста Генадзя Бярдзенёва на 30 сутак
Генадзя затрымалі 10 лістапада ў Полацку. Ён нядаўна прыехаў з Польшчы, дзе працаваў апошнія тры месяцы і збіраўся ў бліжэйшыя дні зноў вярнуцца назад.