Віцебскаму змагару за свабоду слова Барысу Хамайду -75
Сёння Барыса Ханонавіча можна смела назваць найстарэйшым віцебскім апазіцыйным актывістам і ці не самым шчырым беларусам. Ён часта расказвае журналістам сямейную гісторыю пра тое, што яго магло б і не быць у гэтым свеце, калі б у часе Вялікай Айчыннай вайны настаўнік беларускай мовы не ўратаваў ягоную маці ад расстрэлу ў Калышанскім гета… Удзячнасць і павагу да беларусаў і Беларусі спадар Барыс годна нясе праз усё сваё жыццё, спалучыўшы іх з любоўю да Віцебска – горада, для якога ён сам стаў жывой легендай.
Ваенком Віцебскай вобласці Руслан Шкодзін агітуе за войска ў TikTok
Па словах палкоўніка Шкодзіна, ціктокерам ён стаў, «каб наладзіць камунікацыю з прызыўнікамі». Сёння на яго канал падпісаны больш як паўмільёна чалавек, і ваенком з задавальненнем распавядае дзяржаўным медыям пра сваю «творчую кухню». Але ж нідзе не паведамляе пра будзь-якія спробы статыстычнага аналізу – наколькі відэаролікі з ягоным удзелам насамрэч уплываюць на рашэнне маладых хлопцаў наконт службы ў войску і ці варта лічыць сур’ёзным дасягненнем у выхаванні маладога пакалення каментары кшталту «заберите пожалуста школа надоела» (арфаграфія і пунктуацыя як у арыгінале).
У Віцебску прапануюць адзначыць Раство са зброяй у руках
У Парку культуры і адпачынку імя Савецкай Арміі (мясцовая назва «Парк Мазурына») віцяблянам прапануюць узяць удзел у мерапрыемстве «На Мазурынскай палянцы». Новы год і Раство там будуць адзначаць на «сапраўднай франтавой ёлцы». Ахвотныя змогуць пазнаёміцца з «узбраеннем і рыштункам часоў Вялікай Айчыннай вайны», з «бытам партызанскага атраду», і ўсё гэта – з удзелам у праграме Дзеда Мароза і Снягуркі. Яшчэ ніколі ў Віцебску святкаванне Божага Нараджэння не суадносілі з вайсковым побытам і ўжываннем зброі.
Улады ўвялі новы падатак для «дармаедаў»
Падатковыя ўлады з пачатку 2023 года фактычна ўвялі, новы падатак для «дармаедаў» - тых, каго чыноўнікі ўважаюць за незанятых у эканоміцы. Але выплачваць гэты збор будуць не ўсе.
Памёр 32-гадовы жыхар Наваполацка, якога ў 2020-м паранілі святлошумавой гранатай
Гэтаму работніку «Нафтана» 10 жніўня 2020-га шумавая граната прыляцела проста ў ногі. Праваабаронцы дапамаглі мужчыне выехаць з Беларусі ў Рыгу, дзе яму зрабілі аперацыю. Памёр ён 29 снежня, 5 студзеня яго пахавалі на радзіме. У яго засталося трое дзяцей.
Праваабаронцы патрабуюць вызваліць Фядыніча, Бераснева і Арэшку, актывістаў незалежнага прафсаюзу РЭП
Шэраг праваабарончых арганізацый патрабуе адмяніць прысуды ў дачыненні былога кіраўніка Незалежнага прафсаюза работнікаў радыёэлектроннай прамысловасці – РЭП Генадзя Фядыніча, лідара Аршанскага незалежнага прафсаюза РЭП, выканаўцы абавязкаў старшыні прафсаюза РЭП Васіля Бераснева (таксама і сябра Беларускага Хельсінкскага Камітэта), актывіста прафсаюза РЭП Вячаслава Арэшкі. Усіх траіх суд прызнаў вінаватымі за заклікі да мер абмежавальнага характару, накіраваныя на прычыненне шкоды нацыянальнай бяспецы Рэспублікі Беларусь (ч. 3 арт. 361 Крымінальнага кодэкса), распальванне іншай сацыяльнай варожасці і варажнечы (ч. 3 арт. 130 Крымінальнага кодэкса), стварэнне экстрэмісцкага фармавання або ўдзел у ім (ч. 1 і ч. 3 арт. 3611 Крымінальнага кодэкса).
Васіля Бераснева асудзілі да 9 гадоў пазбаўлення волі ва ўмовах узмоцненага рэжыму
5 студзеня былі вынесены прысуды актывістам беларускіх незалежных прафсаюзаў. Васіля Бераснева, лідара аршанскай філіі незалежнага прафсаюзу радыёэлектроннай прамысловасці (РЭП), выканаўцу абавязкаў старшыні прафсаюза РЭП, а таксама Генадзя Фядыніча, былога кіраўніка незалежнага прафсаюза РЭП. і Вацлава Арэшку, актывіста прафсаюза РЭП абвінавацілі ў закліках да мер абмежавальнага характару, скіраваных на прычыненне шкоды нацыянальнай бяспецы Рэспублікі Беларусь (ч. 3 арт. 361 Крымінальнага кодэкса), распальванні іншай сацыяльнай варожасці (ч. 3 арт 130), стварэнні экстрэмісцкага фарміравання альбо ўдзеле ў ім (ч.1 і ч. 3 арт. 361-1 Крымінальнага кодэкса).
Апублікаваны праект зменаў у законы "Аб грамадскіх аб’яднаннях" і "Аб палітычных партыях"
Напярэдадні Новага года ўрад Беларусі ўнёс у парламент законапраект аб змяненні законаў “Аб грамадскіх аб’янаннях" і "Аб палітычных партыях”. Гэты праект значна ўскладняе ўмовы існавання палітычных партый (у тым ліку прадугледжаная іх перарэгістрацыя). Для грамадскіх аб’яднанняў праект уводзіць як некаторыя пазытыўныя тэхнічныя новаўвядзенні, так і некаторыя новыя негатыўныя нормы (але агульная перарэгістрацыя грамадскіх аб’яднанняў не абвяшчаецца).
У Мінску па "справе Вясны" судзяць чатырох праваабаронцаў
У судзе Ленінскага раёна Мінска сёння, 5 студзеня, распачынаецца суд "па справе Вясны". Паводле ч. 4 арт. 228 ("кантрабанда арганізаванай групай") і ч. 2 арт. 342 Крымінальнага кодэкса ("фінансаванне групавых дзеяннях, якія груба парушаюць грамадскі парадак") судзяць чатырох праваабаронцаў: старшыню Праваабарончага цэнтра "Вясна" і Нобелеўскага лаўрэата Алеся Бяляцкага, яго намесніка Валянціна Стэфановіча і каардынатара кампаніі "Праваабаронцы за свабодныя выбары" Уладзіміра Лабковіча, а таксама завочна Змітра Салаўёва, які вымушаны быў пакінуць Беларусь.
Палітзняволены Арцём Латышаў: «Усё жыццё я стараўся быць сумленным і справядлівым»
Латышаў, жыхар Віцебска, які працаваў на кандытарскай фабрыцы «Віцьба» быў затрыманы 8 верасня 2021 года за перформанс на магілцы з выявай Лукашэнкі і за псаванне банераў з выявамі супрацоўнікаў ДАІ. Пасля выстаўлення абвінавачвання паводле арт. 341 Крымінальнага кодэксу (Апаганьванне будынкаў) і ч. 2 арт. 339 (Хуліганства, здзейсненае групай асобаў) Арцёма змясцілі ў СІЗА да суда. Яго асудзілі сразам з трыма дзяўчатамі, разам з якімі Латышаў ладзіў свае крэатыўныя акцыі, і атрымаў ад лукашэнаўскага суду больш за усіх – 4,5 года калоніі.