З якімі тварамі глыбоцкія чыноўнікі абмяркоўвалі дырэктыву Лукашэнкі?
Як піша “Веснік Глыбоччыны”, на чарговым пасяджэнні Глыбоцкага рйвыканкама абмеркавалі ход выканання патрабаванняў дырэктывы Лукашэнкі нумар 1 "Аб мерах па ўмацаванні грамадскай бяспекі і дысцыпліны". Але на тварах чыноўнікаў, якія прысутнічалі ў зале, не знікала цень заклапочанасці.
Затрыманы вядомы бард Андрэй Мельнікаў
Андрэй Мельнікаў правёў маленства ў Оршы, потым пераехаў у Гомель, ён вельмі часта вандруе па Беларусі, ладзіць канцэрты і сустрэчы. У мінулы чацвер з ім знікла сувязь, і родныя былі вымушаны напісаць заяву ў міліцыю пра знікненне чалавека. Урэшце ім паведамілі, што Андрэй Мельнікаў знаходзіцца ў ІЧУ Мінскага раёну, што ён нібыта затрыманы за хуліганства і будзе пад вартай да 5 лютага.
На Віцебшчыне будзе падвышаны кантроль за ахвотнымі ўладкавацца ў міліцыю
Падчас пасяджэння Калегіі МУС Віцебскага аблвыканкаму, якое прайшло ў абласным цэнтры 27 студзеня, прысутны на імпрэзе міністр унутраных справаў Іван Кубракоў заявіў пра неабходнасць больш пільнага кантролю за асобамі, якія хочуць навучацца ў профільных установах адукацыі. Бо пасля падзеяў 2020г. мелі месца шматлікія выпадкі, калі супрацоўнікі звальняліся з сілавых структур на знак нязгоды з вынікамі мінулых прэзідэнцкіх выбараў. А таксама збіралі асабістыя дадзеныя сваіх калегаў і перадавалі іх для апублікавання.
У Віцебску прайшлі імпрэзы да Міжнароднага дня памяці ахвяраў Халакосту
З 2006 г. гэты дзень адзначаюць у памяць пра вызваленне вязняў канцэнтрацыйнага лагера Аўшвіц, якое абылося 27 студзеня 1945г. У гэтым лагеры нацысты замучылі каля мільёна габрэяў і тысячы прадстаўнікоў іншых нацыянальнасцяў. Нягледзячы на тое, што дзень памяці ахвяраў Халакосту адзначаюць штогод, у Віцебску дагэтуль на належным узроўні не ўшанавана памяць пра вязняў мясцовага гета, якое мясцілася на беразе Дзвіны ў раёне сучаснай вуліцы Іллінскага, і дзе ў часе мінулай вайны загінулі 16-18 тысяч чалавек. Тут усталяваны толькі часовы памятны знак з абяцаннем стварыць сапраўдны мемарыял ці нават музей гета ў будынку былога раённага дома культуры, які шмат гадоў стаіць зачынены.
Палітвязня Сяргея Грыбовіча з Докшыцкага раёна асудзілі на 4,5 года калоніі
53-гадовага палітвязня з вёскі Сітцы Докшыцкага раёна судзілі ў закрытым рэжыме ў Віцебску за каментары ў сацыяльных сетках і намер паехаць ва Украіну ваяваць. Судовае пасяджэнне вёў суддзя Яўген Буруноў. Суд над палітвязням пачаўся яшчэ 4 лістапада, пасля быў перапынак на псіхічную экспертызу. Акрамя калоніі 4.5 гады, яму прысудзілі каля 7.000 рублёў штрафу. Трэба зазначыць, што пракурор прасіў 6 гадоў калоніі.
Наваполацкім СМІ загада актывізавацца ў інфармацыйнай вайне
Міністр інфармацыі Ўладзімір Пярцоў наведаў рэдакцыі наваполацкага тэлевізійнага канала «Вектор ТВ» і газеты «Новополоцк сегодня». А таксама сустрэўся з прадстаўнікамі так званага «ідэалагічнага актыву» гораду, куды ўваходзяць кіраўнікі прадпрыемстваў і арганізацый, удзельнікі праўладных партыйных структур, прафсаюзаў і гд. Тэмай гутаркі стала абмеркаванне задачаў ідэолагаў і СМІ «у няпростых умовах ідэалагічнай вайны». Міністр інфармацыі падкрэсліў, што ўнутры краіны і за яе межамі ўтварылася складаная абстаноўка, і што работнікі «ідэалагічнага фронту» сёння павінны супрацьстаяць негатыўнаму парадку дня, які прасоўваюць апаненты ў адносінах да Беларусі».
Дэпутаты маюць намер змяніць умовы лячэння ад алкагольнай і наркатычнай залежнасці
Улады ў хуткім часе запусцяць у юрыдычнае абарачэнне Закон "Аб змене законаў па пытаннях прымусовага лячэння і медыка-сацыяльнай рэадаптацыі". На думку дэпутатаў у законе гарманічна спалучаюцца гвалтоўнае лячэнне ад алкагалізму і наркаманіі і прымусовая праца. Як лечаць, пазбаўляе ад шкодных прыхільнасцяў у віцебскіх ЛПП можна паглядзець тут, тут і тут.
Жыхароў Віцебску Уладзіслава Аўчыннікава і Цімафея Галубко прызналі палітвязнямі
Беларуская праваабарончая супольнасць выступіла з чарговай заявай аб прызнанні шэрагу асуджаных палітычнымі зняволенымі. Сярод іх былы супрацоўнік УУС Уладзіслаў Аўчыннікаў, асуджаны да двух з паловай год калоніі, і былы работнік «Белтэлекаму» Цімафей Галубко, асуджаны да трох гадоў «хіміі». Былы «сілавік» Аўчыннікаў пакуль знаходзіцца ў Віцебскім СІЗА -2, а 20-гадовы Галубко, унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці, ужо адбывае тэрмін пакарання ў Магілёўскай ПУАТ №43.
“Чыноўнікі - пра дасягненні навукі, а народ ім у адказ - пра якасць дарог і водазабеспячэнне”
Браслаўскія чыноўнікі паехалі распавядаць у Відзаўскі каледж пра прыярытэты і дасягненні беларускай навукі, а людзей больш хвалявала якасць дарог і развіццё сістэм водазабеспячэння.
Жыхары Гарадка адмаўляюцца бясплатна выконваць працу работнікаў ЖКГ
У перыяд моцных снегападаў, з якіх сёлета пачалася каляндарная зіма, жыхароў Віцебшчыны актыўна агітавалі дапамагаць работнікам камунальнай гаспадаркі. У якасці прыкладаў «добраахвотнай» дапамогі дзяржаўныя СМІ апісвалі ініцыятывы БРСМ па ўборцы снегу на падворках асобаў сталага ўзросту, заклікалі супрацоўнікаў прадпрыемстваў і ўстановаў выходзіць на барацьбу з зімовымі ападкамі. Аднак грамадзяне адмаўляюцца бясплатна выконваць працу, якой мусяць займацца работнікі сістэмы ЖКГ, паколькі яна не спраўляецца са сваімі непасрэднымі задачамі. Пра гэта сведчаць вынікі апытання ў раённай газеце «Гарадоцкі веснік».