У Віцебскай вобласці за мінулы год выяўлена каля 16 тысяч парушэнняў прыродаахоўнага заканадаўства
Як паведамляе Віцебскі абласны камітэт прыродных рэсурсаў і аховы навакольнага асяроддзя, па выніках праверак па навядзенні парадку на зямлі ў Віцебскай вобласці было выяўлена больш за 15,8 тыс. парушэнняў прыродаахоўнага заканадаўства.
Ва Украіне загінулі больш за 100 пскоўскіх дэсантнікаў з 76-й дэсантна-штурмавой дывізіі
З пачатку спецыяльнай ваеннай аперацыі на 1 лютага на Украіне загінулі 111 пскоўскіх вайскоўцаў, прычым 15 расійскіх байцоў у студзені 2023 года. Пра гэта паведаміў у сваім тэлеграме губернатар Пскоўскай вобласці Міхаіл Вядзернікаў. З улікам, што на кожнага забітага, прыходзіцца як мінімум тры параненых і кантужаных, то змяншэнне ваеннаслужачых, прыпісаных да пскоўскіх ваенных частак, можна ацаніць у 350-400 чалавек.
У Глыбокім актывізаваліся мясцовыя камуністы
У Глыбокім камуністы арганізавалі мерапрыемства ў раённай бібліятэцы да 85-годдзя ўтварэння Віцебскай вобласці. Як піша раённая газета “Веснік Глыбоччыны”, у мерапрыемстве ўдзельнічалі ветэраны працы, прадстаўнікі грамадскіх арганізацый, актывісты горада. Але на самой справе, як бачна па фота, гэтыя так званыя актывісты і камуністы ўяўляюць з сябе былых і цяперашніх чыноўнікаў. Сярод іх былы намеснік глыбоцкага райвыканкама па ідэалагічнай працы Міхаіл Чарапкоўскі, які даўно ўжо на пенсіі, але пад выглядам быццам бурнай дзейнасці камуністычнай партыі, якую ён узначальвае (праўда невядома, хто туды на самой справе ўваходзіць), з’яўляецца на розных імпрэзах, якія ладзяць глыбоцкія ўлады.
Віцебскі арт-менеджэр і музыка Уладзімір Булаўскі прызнаны палітвязнем
Беларуская праваабарончая супольнасць выступіла з чарговай заявай з нагоды прызнання палітычнымі зняволенымі яшчэ 20-ці чалавек. Сярод іх вядомы ў Віцебску арт-менеджар і музыка Уладзімір Булаўскі, якога затрымалі 14 снежня. Спачатку меркавалася, што затрыманне адбылося па адміністрацыйнай справе паводле артыкула арт. 24.23 КаАП за наяўнасць на старонках у сацыяльных сетках фотаздымкаў з пратэстаў 2020г. Праваабаронцы даведаліся, што за гэта Булаўскі быў асуджаны да 15 сутак арышту, але ў пачатку студзеня на волю ён так і не выйшаў.
Журналіст глыбоцкай «раёнкі» палохае землякоў «Яўропай»
Андрэй Панкрат, журналіст газеты «Веснік Глыбоччыны», які звычайна піша навіны з крымінальнай хронікі, вырашыў паспрабаваць сябе ў якасці палітычнага аглядальніка. Свой опус ён назваў «Почему одними лозунгамі сыт не будешь?» У гэтым тэксце ён грэбліва каверкае беларускую мову, ужываючы папулярнае выслоўе – «Беларусь – у Яўропу». І спрабуе пераканаць чытачоў у тым, што Еўразвяз – гэта сусветнае зло, і што аб’яднанне краінаў мае на мэце пазбаўленне эканамічнай самастойнасці.
Бард Андрэй Мельнікаў адбыў адміністрацыйны арышт за распаўсюд «экстрэмісцкіх матэрыялаў»
Сталі вядомыя падрабязнасці пра затрыманне Андрэя Мельнікава – журналіста і барда, заснавальніка фэсту «Аршанская бітва», забароненага ўладамі. 5 лютага ён выйшаў на волю і распавёў, што яго затрымалі 26 лютага пасля выкліку ў пастарунак. Там яго пазнаёмілі з пратаколам, складзеным паводле арт. 19.11 КаАП і адразу ж узялі пад варту. Калі Мельнікаў перастаў выходзіць на сувязь, сваякі, занепакоеныя ягоным лёсам, звярнуліся ў міліцыю. І толькі праз тры дні ім паведамілі, што спадар Андрэй знаходзіцца ў ІЧУ, але – нібыта за хуліганства.
У Лепелі «папрацаваў» віцебскі ГУБАЗ сумесна з супрацоўнікамі АМАП
Сілавікі наведаліся дадому мінімум, як да шасці асобаў. У некаторых былі праведзеныя ператрусы. Частка людзей была дастаўленая ў мясцовы РАУС і з імі былі праведзеныя прафілактычныя гутаркі. Але, як пішуць сілавікі ў сваім ТГ-канале, дадому вярнуліся ў той дзень не ўсе, камусьці прыйшлося застацца ў Лепельскім ІЧУ, на іх завялі адміністрацыйныя справы.
Мінпрацы запусціла мабільны дадатак «ФСАН». Працаўнікі будуць ведаць пра сябе ўсё
Міністэрства працы і сацыяльнай абароны з 1 лютага 2023 года запусціла мабільны дадатак па аператыўным кантролі за выплатай узносаў і працягласцю страхавога стажу. І заклікае працаўнікоў, як у Віцебскай вобласці, так і па ўсёй Беларусі, усталяваць яго на мабільных прыладах А таксама просіць карыстальнікаў дасылаць пытанні і прапановы наконт інфармацыйных патрэбаў.
За абразу пяць дзяржслужачых мужчыну асудзілі на год і два месяцы калоніі
У судзе Першамайскага раёна Віцебска 19 студзеня асудзілі 47-гадовага Васіля Троцкага паводле арт. 391 (Абраза суддзі ці народнага засядацеля), арт. 369 (Абраза прадстаўніка ўлады) Крымінальнага кодэкса. Суддзя Андрэй Андрушэнка прызначыў Васілю адзін год і два месяцы пазбаўлення волі ў калоніі ва ўмовах агульнага рэжыму і штраф 1110 рублёў.
Як дзяржСМІ «маскіруюць» правальную дзейнасць Лепельскага райвыканкама
Днямі Віцебскі аблвыканкам прааналізаваў дзейнасць уладаў Лепельскага раёну, на пасяджэнне былі запрошаны і журналісты дзяржаўных СМІ. Застаецца толькі дзівіцца, як супрацоўнікі газет «Витьбичи» і «Витебские вести» маніпулююць лічбамі і фактамі, пазбягаючы аб’ектыўных ацэнак, каб толькі не прызнаць хібаў у дзейнасці ўладаў рэгіёну.