За знойдзены ў тэлефоне "экстрэмісцкі" лагатып улады аштрафавалі жыхарку Наваполацка
Суддзя суда Наваполацка Зінаіда Балаболава 30 студзеня за падпіску на «экстрэмісцкі» інфармацыйны рэсурс аштрафавала на 800 рублёў Ірыну Асташову.
«Эстрэмісцкімі» прызналі сацсеткі блогеркі Алены Янушкоўскай і мастачкі Вольгі Якубоўскай
8 лютага 2024 года суд Пінскага раёна і горада Пінска прызнаў «экстрэмісцкай» старонку «Настоящая Беларусь» у сацсетцы Facebook, якую ў 2019 годзе стварыла віцебская відэаблогерка Алена Янушкоўская. У той самы дзень суд Лідскага раёна залічыў ў «экстрэмісцкую інфармацыйную прадукцыю» старонкі ў Facebook і Instagram наваполацкай мастачкі Вольгі Якубоўскай. «Экстрэмісцкім» прызнаны нават аўтапартрэт мастачкі, размешчаны на аватарцы.
За праяву «экстрэмізму» ў сацсетцы ўлады аштрафавалі работніка прыватнага прадпрыемства
Суддзя суда Першамайскага раёна Віцебска Міхаіл Юрчанка 23 студзеня за распаўсюджванне экстрэмісцкіх публікацый у сацыяльнай сетцы аштрафаваў на 1000 рублёў рабочага віцебскага прыватнага гандлёвага унітарнага прадпрыемства Юрыя Барысевіча. Разбіральніцтва справы прайшло без удзелу «правапарушальніка», тым самым уладамі было парушана яго права на абарону.
Кіраўнік адміністрацыі Лукашэнкі наведаў Браслаў з мэтай агітацыі
Паводле выдання, у Беларусі зараз працягваецца самы яскравы і актыўны этап электаральнай кампаніі, падчас якога кандыдаты ў дэпутаты розных узроўняў распаўсюджваюць друкаваныя матэрыялы, праводзяць сустрэчы з выбаршчыкамі ў памяшканнях, арганізуюць масавыя мерапрыемствы, выступаюць у СМІ. Агітацыйны перыяд працягнецца да 24 лютага ўключна. Пра гэта піша сайт браслаўскай раённай газеты braslav-star.by.
У Глыбокім прайшоў пікет у падтрымку дырэктара завода “Ветразь”Анатоля Сіўко
Як піша сайт раённай газеты “Веснік Глыбоччыны”, пікет у падтрымку кандыдата ў дэпутаты так званай Палаты прадстаўнікоў Нацыянальнага сходу Рэспублікі Беларусь восьмага склікання прайшоў у Глыбокім. Праўда, выданне не называе яго імя. Але на здымках бачны нават сам кандыдат, які прыехаў у горад агітаваць за сябе. Гэта Анатоль Сіўко, дырэктар завода “Ветразь” у Бягомлі, што на Докшыччыне. Яго і павінны будуць прызначыць улады ў так званую Палату прадстаўнікоў на Докшыцкай акрузе №22, у якую уваходзіць Глыбоччына.
Студэнтам у дэпутаты ісці яшчэ рана. Старшыня Віцебскага гарвыканкама правёў перадвыбарчую сустрэчу ў тэхналагічным універсітэце
Генадзь Сабыніч прыйшоў на сустрэчу са студэнцкай моладдзю разам са сваім намеснікам Віктарам Глушыным. Вялося, канешне, перадусім пра выбары: пра тое, што ў іх удзельнічаць абавязкова для кожнага, бо гэта – адказнасць за будучыню краіны. А вось ускласці на свае плечы дэпутацкія абавязкі старшыня гарвыканкама маладым людзям каіэгарычна не раіў. Маўляў, рана ім яшчэ думаць пра тое, як палепшыць жыццё сваіх землякоў.
За віртуальны «экстрэмізм» улады аштрафавалі былога нафтанаўскага страйкамаўца
Суддзя суда Наваполацка Зінаіда Балаболава 15 снежня за распаўсюджванне спасылкі на «экстрэмісцкі» відэаролік у сацыяльнай сетцы пакарала штрафам у памеры 555 рублёў Андрэя Куца.
Гарадскія актывісты Браслава просяць улады адрамантаваць дарогі
Жыхары Віцебскай вобласці працягваюць звяртацца да ўладаў з просьбай адрамантаваць дарогі. Чарговую петыцыю грамадзяне падалі ў Браслаўскі выканкам, у якой патрабуюць прывесці ў належны парадак дарожнае пакрыццё ў гэтым раённым цэнтры. Петыцыю падпісалі ўжо 15 чалавек.
Моўная дыскрымінацыя. На Віцебшчыне няма дэпутацкіх праграм напісаных на беларускай мове!
На 60 дэпутацкіх месцаў Віцебскага абласнога Савета дэпутатаў балатуецца 115 кандыдатаў, г.зн. каэфіцыент канкурэнтнасці 1,9 чалавека на мандат. Неабходна адзначыць, што ў 10 акругах балатуецца толькі адзін кандыдат, у 45 - па два і ў 5 - па тры кандыдаты. Усе зарэгістраваныя прэтэндэнты на сайце Вітаблвыканкаму апублікавалі свае перадвыбарчыя праграмы. Прычым усе праграмы напісаны на рускай мове.
Віцебскі відэаблогер Віталь Усціновіч сам стаў героем відэароліка. Яго размясцілі ў Тэлеграм-канале, блізкім да сілавікоў
Паводле відэа і тэкставага паведамлення ў Тэлеграм-канале «Северная столица», Віталя Усціновіча затрымалі за даўнія відэаролікі, якія знайшліся на ягоным відэаканале на Youtube. Два гады таму ён здымаў гумарыстычныя сцэнкі з пераўвасабленнем у «деда Шоушенко», які мае вусы, размаўляе на трасянцы і ўвесь час даказвае сваім апанентам, што лепш за іх разбіраецца ў палітыцы і эканоміцы. Таксама ён выпускаў сатырычны цыкл «Ябацькіны новасти», дзе аналізаваў палітычныя падзеі ў Беларусі. Аднак пасля затрымання, ператрусу і канфіскацыі аргтэхнікі ў сакавіку 2022г. блогер публічна заявіў, што больш не будзе закранаць у сваіх роліках падзеі ў краіне і цалкам пераключаецца на відэааповеды пра рыбалку, падарожжы і дэгустацыю розных прадуктаў. Падобна, нешта пайшло не так...