За падпіску на «экстрэмісцкі» відэакантэнт улады арыштавалі навапалачаніна
Суддзя суда Наваполацка Зінаіда Балаболава 29 лютага за распаўсюд у сацыяльнай сетцы “экстрэмісцкай” відэапрадукцыі арыштавала на 15 сутак мясцовага жыхара Іллю Рагожнікава.
Эмігранты просяць улады разблакаваць доступ да сайта
Актывісты, якія жывуць за межамі Беларусі, стварылі петыцыю, у якой просяць улады аднавіць доступ з-за мяжы да інфармацыі, якая змяшчаецца на сайце Віцебскага абласнога выканаўчага камітэта(vitebsk-region.gov.by). Доступ да інфармацыйнага рэсурсу быў абмежаваны сёлета з 11 лютага. На думку тых, хто звярнуўся, такая сітуацыя стварае значны інфармацыйны бар'ер для людзей, якія знаходзяцца за мяжой.
Беларускія ўлады парушылі правы палітвязня Віктара Бабарыкі
Да такой высновы прыйшоў Камітэт ААН па правах чалавека, які апублікаваў 24 студзеня 2024 года свае меркаванні на скаргу № 3788/2020 палітвязня наваполацкай калоніі №1. На думку сябраў камітэта, беларускія ўлады адносна Бабарыкі зрабілі адвольнае затрыманне і арышт, а таксама ён быў абмежаваны ў арганізацыі сваёй абароны і яго своечасова не адвязлі да суддзі.
Улады арыштавалі навапалачаніна за падпіску ў сацсетцы на «Вольны хор»
Суддзя суда Наваполацка Зінаіда Балаболава 29 лютага за захоўванне відэароліка запампаванага з відэахостынгу арыштавала на 15 сутак жыхара Наваполацка Уладзіслава Бендзікава.
Былы палітвязень Міхаіл Жамчужны расказаў пра сваё апошняе затрыманне
23-24 студзеня па ўсёй Беларусі адбыўся масавы рэйд сілавікоў на сем’і палітвязняў, былых палітвязняў і тых, хто дапамагаў ім. Допыты, ператрусы і затрыманні закранулі не менш за 287 чалавек. Пад гэты пераслед патрапіў і былы палітвязень Міхаіл Жамчужны, які таксама дапамагаў палітвязням. Цяпер ён расказаў пра тое, што перажыў, «Вясне».
Аляксандр Зарэцкі, пастар з Навалукомля, не выйшаў на волю: яму прысудзілі другі арышт запар
Пастара евангельскай царквы Аляксандра Зарэцкага затрымалі 22 лютага, і першы арышт на 15 сутак яму быў прысуджаны суддзёй суда Чашніцкага раёну Ірынай Кручынінай за распаўсюд так званых «экстрэмісцкіх матэрыялаў». А ўжо 5 сакавіка суддзя Ала Смірнова пакарала яго арыштам на 15 сутак за «несанкцыянаванае пікетаванне». Пікетам улады палічылі пропаведзь пастара падчас аднаго з богаслужэнняў.
Жанчын Віцебшчыны хвалююць рост коштаў і праблемы з медычным абслугоўваннем. А таксама міжнародная абстаноўка
Віцебскае аддзяленне Беларускага інстытута стратэгічных даследаванняў падзялілася з гарадской газетай «Витьбичи» вынікамі анлайн-апытанняў, якія дэманструюць стаўленне жанчын да розных аспектаў жыцця. Так, кошты на прадукты і тавары першай неабходнасці лічаць самай важнай праблемай 55% адсоткаў апытаных жанчын, а тарыфы на камунальныя паслугі хвалююць кожную чацвёртую рэспандэнтку. Фінансавую стабільнасць і дабрабыт як адзін з жыццёвых арыенціраў выдзяляе кожная трэцяя жанчына.
У Віцебску затрыманы самадзейны музыка Аляксей Нябоська. Міліцыянты змусілі яго спяваць дзяржаўны гімн
На Тэлеграм-канале, блізкім да віцебскіх сілавікоў, з'явілася «пакаяльнае» відэа з мужчынам, які кажа пра сябе: «Я той с амы Лёха Павук». Гэта творчы псеўданім Аляксея Нябоські – вулічнага музыкі, выканаўцы песень, якія сталі папулярнымі пасля 9 жніўня 2020г. У тым самым «пакаяльным» відэа затрыманы распавядае і пра тое, што на сваім youtube- канале выкладаў відэазапісы ўласных выступаў, а таксама відэаролікі з фрагментамі масавых мірных пратэстаў. Паводле словаў самога Аляксея Нябоські, яго затрымалі «за распаўсюд экстрэмісцкіх матэрыялаў».
Дырэктарку прафліцэя Ірыну Кісялёву, уганараваную званнем "Жанчына года-2021", асудзілі за перавышэнні службовых паўнамоцтваў і злоўжыванні імі
Дырэктарка полацкага прафліцэя сельгасвытворчасціІрына Кісялёва – адна з тых, каго афіцыйныя СМІ савілі ў прыклад, галоновае міністэрства ўзнагароджвала граматамі і падзякамі, а ўлады шанавалі за адданую працу. Але «адданая» - не абавязкова «чэсная». Следчыя высветлілі, што жанчына неаднаразова здзяйсняла махінацыі з заробкамі сваіх падначаленых і выкарыстоўвала службовае становішча ва ўласных інтарэсах. 28 лютага ў судзе Полацка і Полацкага раёна агучылі вырак Ірыне Кісялёвай: пазбаўленне волі на тры гады з адтэрміноўкай на два гады. А таксама яе пазбавілі права займаць кіраўнічыя пасады цягам пяці гадоў.
За «экстрэмізм» у сацсетках улады арыштавалі інжынера
Суддзя суда Наваполацка Зінаіда Балаболава 26 лютага падпіску ў сацыяльнай сетцы на «экстрэмісцкія» публікацыі арыштавала на 15 сутак інжынера-канструктара канструктарскага аддзела 72 ААТ "Вымяральнік" Аляксея Сабурава.