24 верасьня ў судзе Кастрычніцкага раёну Віцебску судзьдзя Ільля Белавус пакараў актывіста Алега Паўлава 8 соднямі адміністрацыйнага арышту за ўдзел у несанкцыянаваным мітынгу каля Віцебскага аблвыканкаму 16 жніўня. Паводле пратаколу, правапарушэньне кваліфікаванае паводле ч.3, арт. 23.34 КаАП.

У судзе Першамайскага раёну Віцебску 21 верасьня судзілі паводле арт.23. 34 КаАП вядомых у горадзе асобаў. Старшыня віцебскай гарадзкой арганізацыі АГП Ірына Яскевіч за ўдзел у несанкцыянаваным шэсьці атрымала папярэджаньне, грамадзкая актывістка Алена Каваленка – 10 базавых, а ўладальнік двух «жывемабіляў» Андрэй Кулакоў – 7 базавых велічынь.

18 жніўня ў Віцебскім абласным судзе журналіст “Белсату” Зьміцер Казакевіч абскардзіў пастанову суду Першамайскага раёну ад 12 жніўня. Судзьдзя Міхаіл Юрчанка палічыў ягоную віну даказанай і пакараў 10 соднямі адміністрацыйнага арышту за нібыта ўдзел у несанкцыянаваным масавым мерапрыемстве (ч.1 арт. 23.34 КаАП). Сёньня судзьдзя Сьвятлана Іванова пастанову суду ніжэйшай інстанцыі адмяніла.

Віцябляніна Аляксея Саламаненку затрымалі 26 траўня на працы і пасьля складаньня пратаколу адразу зьмясьцілі ў ізалятар часовага ўтрыманьня (ІЧУ), дзе ён правёў суткі да суду. У сераду 27 траўня ягоную справу разглядаў суд Першамайскага раёну Віцебску. Прысуд аказаўся мякчэйшы, чым чакалі: 25 базавых велічынь – за сустрэчу з блогерам Ціханоўскім.

У судзе Першамайскага раёну Віцебску 11 лютага быў разгледжаны пратэст пракурора на пастанову начальніка РАУС, які аштрафаваў актывістку Натальлю Сьпірыдонаву на 10 базавых велічынь за расклейку ўлётак «Калгаснай дыктатуры Баста!» паводле ч.2 арт. 21.14 КаАП (Парушэньне правілаў добраўпарадкаваньня і ўтрыманьня населеных пунктаў).

Суд Першамайскага раёну Віцебску разгледзеў 9 студзеня дзьве адміністрацыйныя справы, распачатыя супраць актывісткі Тацяны Севярынец за ўдзел у акцыях ў Менску 20 і 21 сьнежня. Нягледзячы на тое, што самой актывісткі на паседжаньні не было, суд прызнаў яе вінаватай у правапарушэньні паводле арт. 23.34 і аштрафаваў на 60 базавых велічынь (па 30 б.в за кожную акцыю).

Суд Першамайскага раёну Віцебску за пікетаваньне рэстарацыі «Паедзем паядзім» аштрафаваў 5 верасьня дзьвюх віцебскіх актывістак аргкамітэту партыі БХД Ірыну Захараву і Тацяну Севярынец.

7 верасьня ў Першамайскім раённым судзе Віцебску пачаўся разбор справы паводле артыкулу 178, ч. 1 Крымінальнага Кодэксу РБ, які прадугледжвае пакараньне за раскрыцьцё лекарскай таямніцы. Прыватным абвінаваўцам выступіў віцебскі праваабаронца, сябра Беларускага Хэльсынскага Камітэту Павал Левінаў.