Імя і прозвішча Ігара Фамянка, ураджэнца аграгарадка Райцы Талачынскага раёна, з’явілася сёння ў пераліку асобаў, “датычных да экстрэмісцкай дзейнасці” на сайце МУС. Паводле звестак з гэтага спіса, мужчына 1968 года нараджэння асуджаны Віцебскім абласным судом, які прызнаў яго вінаватым паводле чч. 1 і 2 арт. 361-4 (Садзеянне экстрэмісцкай дзейнасці).

У 2025 годзе ў Беларусі ўступілі ў сілу змены ў Крымінальна-выканаўчы кодэкс (КВК). Цяпер асуджаныя па палітычных матывах атрымалі фармальнае права самастойна грукацца ў дзверы судоў з просьбай аб змякчэнні пакарання. Ці гэта  рэальнае акно магчымасцяў, ці чарговая юрыдычная пастка? Разбіраемся разам з юрыстамі і праваабаронцамі.