У Полацку завяршыўся судовы працэс над 23-гадовай Вольгай Кавалёвай, якую абвінавацілі ў апаганьванні збудаванняў і псаванні маёмасці (арт. 341 Крымінальнага кодэксу). Матэрыяльны ўрон, нанесены жыллёва-камунальнай гаспадарцы гораду і ўжо кампенсаваны, склаў 161 рубель. Штраф, прысуджаны суддзём Уладзімірам Бясецкім, аказаўся ў 20 разоў большым – 3 200 рублёў (100 базавых велічынь).

Уначы з 16 на 17 лістапада 2020-га году хлопец напісаў каментар пад фотаздымкам камандзіра АМАП Менгарвыканкаму Дзмітрыя Балабы. Змест каментару быў расцэнены як абражальны, і 18 траўня ў судзе Наваполацку Данііл Раманаў быў асуджаны на паўтара года «хіміі» «за абразу прадстаўніка ўлады» (арт. 369 КК).

Кіраўнік Міністэрства інфармацыі Уладзімір Пярцоў наведаў Лёзненскі раён, каб абмеркаваць дзеянне Дэкрэта «Аб дадатковых захадах па дзяржаўнай абароне ў нядобранадзейных сем’ях». Да якіх высноваў прыйшлі ўдзельнікі абмеркавання, засталося таямніцай, бо раённая газета «Сцяг перамогі» паведаміла хіба што пра экскурсійны тур міністра ў Дом рамёстваў і ваенна-гістарычны музей...

Гарадскія ўлады даслалі адказ на петыцыю, напісаную з нагоды відавочнага правапарушэння – несанкцыянаванага мітынгу, які прайшоў 9 траўня каля консульства Латвіі ў Віцебску. У той дзень некалькі дзясяткаў чалавек сабраліся ў скверы насупраць консульства, спявалі песні, разгарнулі плакаты, з надпісамі пра тое, што Беларусь і Латвія – суседзі, што «нельга перапісваць гісторыю», і што трэба спыніць НАТА.

У абласным цэнтры з 15 па 26 чэрвеня праходзіць пяты праваслаўны фестываль «Радасць». Гандлёвыя павільёны і тэматычныя пляцоўкі разгарнуліся на пешаходнай вуліцы Пушкіна ў гістарычным цэнтры горада. Асобна прадстаўлены стэнд для збору дапамогі жыхарам акупаванага Данбаскага рэгіёну Ўкраіны.

Пад такім нікам у Telegram быў зарэгістраваны 35-гадовы работнік разлікова-касавага цэнтру, які, паводле супрацоўніцы Віцебскай абласной пракуратуры Аксаны Куляшовай, «меў доступ да пашпартных дадзеных усіх жыхароў Прыдзвінскага краю». На дадзены момант ён затрыманы, змешчаны ў СІЗА-2, дзе чакае суду за раскрыццё асабістай інфармацыі пра супрацоўнікаў міліцыі і адміністраванне «адной з дэструктыўных інтэрнэт-суполак». Чалавек яшчэ не асуджаны, але «Витебские вести» са словаў супрацоўніцы пракуратуры ўжо апісваюць ягоныя правіны.

Пра гэта ў адмысловым звароце заявіў Віцебскі абласны Каардынацыйны савет грамадскіх арганізацый і палітычных партый, які аб’ядноўвае праўладныя грамадскія структуры. Аднак гучная заява застаецца ўсяго толькі пустымі словамі, пакуль такая прапанова не ўзгоднена з абласнымі ўладамі, Галоўным архітэктарам вобласці ды іншымі адказнымі службамі. А самае істотнае, што яна ніякім чынам не падмацавана меркаваннямі жыхароў вобласці, ад імя якіх узяў на сябе смеласць выступаць Каардынацыйны савет.

17 чэрвеня ў судзе Полацку і Полацкага раёну над Цінай Палынскай мусіў адбыцца працэс за яе допісы ў "Фэйсбуку". Як сфармулявалі абвінавачанне, жанчына не ведае, таму што суд не адбыўся. Матэрыялы справы было вырашана накіраваць на дапрацоўку ў міліцыю.

Супрацоўнік «Нафтана» Барыс Жахоўскі знаходзіцца пад арыштам, прысуджаным яму 15 чэрвеня за ўдзел у несанкцыянаваным пікетаванні. Гэта ўжо трэці арышт запар – Жахоўскага асудзілі агулам на 45 сутак. Напярэдадні апошняга суду, 6 дзён таму, ён абвясціў сухую галадоўку.

Яшчэ 3-4 гады таму на праблему рэкламавання інтэрнэт-крамаў па продажы наркатычных рэчываў звяртала ўвагу мясцовая неабыякавая грамадскасць. Актывісты пісалі заявы ў міліцыю і СМІ, патрабавалі, каб камунальныя службы замалявалі надпісы са спасылкамі на адпаведныя Тэлеграм-каналы, аднак належнай увагі з боку адказных структур так і не дачакаліся. «Наркатычныя графіці» па-ранейшаму сустракаюцца ў Віцебску і буйных райцэнтрах вобласці ледзь не на кожным кроку. І ледзьве не штодня ў рэгіёне судзяць падлеткаў, якія паквапіліся на лёгкія грошы ды пагадзіліся стаць распаўсюднікамі наркотыкаў…