У Віцебску пачаўся суд над падлеткамі, якіх вінавацяць у збыце наркотыкаў
Траіх навучэнцаў віцебскіх каледжаў затрымалі 17 студзеня 2019 году пры закладцы схованкі з забароненым рэчывам. Дваім на той момант ня споўнілася 18 гадоў. Дзяўчыне і двум хлопцам інкрымінуюць злачынствы, прадугледжаныя часткамі 1 і 3 артыкулу 328 КК РБ. Ім пагражае да 12 гадоў пазбаўленьня волі.
“Бо краіна гіне ў наркаце…” Маці-328 маліліся каля муроў віцебскага СІЗА
Маці асуджаных паводле артыкулу 328 КК (Незаконны абарот наркотыкаў) маліліся сёньня каля муроў СІЗА №2 у Віцебску. Малебен ля турэмных муроў ладзіўся ў межах паломніцкага туру па гарадах Беларусі, у якіх разьмяшчаюцца калёніі і сьледчыя ізалятары.
Праваабаронца прасіў амніставаць Жамчужнага – яму адказалі аб амністыі па арт. 328
Віцебскі праваабаронца Леанід Сьвецік зьвярнуўся да дэпутатаў ПП НС з прапановай унесьці ў закон аб амністыі асобаў, асуджаных па артыкулах 375, 376 і 431 КК РБ, паводле якіх адбывае зараз пакараньне палітвязень Міхаіл Жамчужны. У адказе з Палаты – ні слова пра згаданыя артыкулы і Жамчужнага. Дэпутаты напісалі аб магчымасьці ўжываньня “акту гуманізму” да асуджаных па арт. 328 КК.
Удзельнікі руху stop#328 і настаўнікі СШ №24 пасадзілі 120 бяроз за “Каронай” у Віцебску
Бацькі і сваякі асуджаных паводле “наркатычнага” артыкулу 328 разам з настаўнікамі і вучнямі віцебскай СШ №24 высадзілі за гіпэрмаркетам “Карона” ў Віцебску бярозавую алею.
“Замест тысячы слоў!” Актывісты зафарбавалі каля паўсотні наркаграфіці ў Віцебску
У нядзелю 24 сакавіка, пасьля агульнагарадзкога суботніка, арганізаванага ўладамі, віцебскія актывісты “Руху маці 328” правялі свой уласны суботнік па ачыстцы гораду ад наркарэклямы. Назвалі гэта апэрацыяй “Замест тысячы слоў!”
У калёніі “Віцьба-3” пратэставалі асуджаныя па арт. 328 – камэнтар праваабаронцы
На тэлеграм-канале NEXTA зьявілася інфармацыя, што на днях у папраўчай калёніі №3 пад Віцебскам асуджаныя паводле артыкулу 328 КК адмовіліся выйсьці на сьняданак у знак пратэсту, бо ім забаранілі разьлічвацца адзін з адным цыгарэтамі. 22 сакавіка маці аднаго з асуджаных і праваабаронца Андрэй Бандарэнка пабывалі ў калёніі і расказалі, што насамрэч адбылося, піша TUT.BY.
Аршанцы пачалі самі зафарбоўваць наркаграфіці на сьценах – міліцыя ня супраць
На барацьбу супраць рэклямы наркакрамаў мабілізавалася грамадзтва, паведамляе рэгіянальны партал orsha.eu. Адзін з жыхароў Воршы набыў за ўласныя сродкі фарбу і выйшаў на вуліцу з пэндзьлем – зьнішчыў ужо некалькі дзясяткаў небясьпечных надпісаў.
Павал Левінаў заклікае Лукашэнку амніставаць асуджаных па арт. 328 КК РБ
Прадстаўнік Беларускага Хэльсінскага камітэту на Віцебшчыне праваабаронца Павал Левінаў папрасіў Лукашэнку распаўсюдзіць меркаваную амністыю на асуджаных паводле арт. 328 КК (Незаконны абарот наркатычных рэчываў). У прыватнасьці – вызваліць тых, хто зьдзейсьніў злачынства ў няпоўнагадовым узросьце, і ўдвая скараціць тэрмін тым, хто ўчыніў яго ва ўзросьце да 25 гадоў.
“Беражыце сябе!” Бацькі асуджаных па арт. 328 раздавалі ў Віцебску ўлёткі
У Міжнародны дзень барацьбы з наркаманіяй і наркабізнэсам, які адзначаецца 1 сакавіка, віцебскія актывісты “Руху маці 328” інфармавалі гараджан аб небясьпецы ўцягваньня школьнікаў і моладзі ў наркабізнэс у якасьці кур’ераў інтэрнэт-крамаў.
Legalize Belarus расказала ў Віцебску пра шкоду наркотыкаў і як яе зьнізіць
Каб распавесьці віцебчукам пра магчымыя наступствы ўжываньня наркатычных рэчываў, актывісты кампаніі Legalize Belarus зладзілі 24 лютага лекцыю і дыскусію ў “Бітлз-клюбе”. У сустрэчы ўзялі ўдзел віцебскія праваабаронцы, журналісты, сацыяльныя работнікі і нават – лекары.