Баевіку “ДНР” зь Віцебску Дзьмітрыю Новікаву зачыталі абвінавачаньне – яму пагражае 25 гадоў
Судовы працэс над віцяблянінам Дзьмітрыем Новікавым праходзіць у Дружкоўскім гарадзкім судзе Данецкай вобласьці Ўкраіны. 19 верасьня грамадзяніну Беларусі зачыталі абвінавачаньне. Новікава вінавацяць адразу па 4-х артыкулах Крымінальнага кодэксу Ўкраіны. Яму пагражае да 25 гадоў зьняволеньня.
Былому памочніку сэнатара Гайдукевіча часткова зьмянілі прысуд
Судовая калегія па крымінальных справах Віцебскага абласнога суду разгледзела апэляцыйныя скаргі былога старшыні абласной арганізацыі ЛДП Сяргея Ярмыкіна і ягонага паплечніка Юрыя Мярзьленкі на вырак суду Віцебскага раёну ад 27 траўня. Паводле яго яны атрымалі адпаведна 5 і 7 гадоў зьняволеньня за махлярства ў асабліва буйным памеры.
Мужчыну, які забіў малатком сваю маці, далі 15 гадоў узмоцненага рэжыму
Віцебскі абласны суд 30 жніўня скончыў разгляд крымінальнай справы ў дачыненьні жыхара Наваполацку К., які на пачатку 2019 году з асаблівай лютасьцю забіў сваю маці (ч.2 арт.139 КК.). Мужчыну прысудзілі да 15 гадоў пазбаўленьня волі.
Двух віцяблян, аршанца і былога міліцыянта са Шклова судзяць за распаўсюд наркотыкаў
У судзе Першамайскага раёну Віцебску 28 жніўня пачаўся чарговы працэс па “наркатычным” артыкуле 328 КК. На лаўцы падсудных – чатыры чалавекі, якіх абвінавачваюць у распаўсюдзе наркотыкаў у складзе арганізаванай групы. Адзін зь іх – былы міліцыянт са Шклова…
Абвешчаны яшчэ адзін вырак па крымінальнай справе за паклёп на пракурора
У Віцебску 22 жніўня суд Бешанковіцкага раёну на выязным паседжаньні прызнаў вінаватым віцябляніна Рафаэля Кірылава-Шмільхольдхарда у паклёпе на пракурора Юрыя Раманоўскага (ч.2 арт.188 КК РБ) і пакараў яго трыма гадамі абмежаваньня волі без накіраваньня ў месцы адбываньня пакараньня (“хатняя хімія”).