Суддзя суда Ушацкага раёна Вольга Лаюшка 17 траўня за распаўсюд у сацыяльнай сетцы «экстрэмісцкіх» публікацый аштрафавала на 800 рублёў спецыяліста дзяржаўнай установы «Тэрытарыяльны цэнтр сацыяльнага абслугоўвання насельніцтва Ушацкага раёна» Кацярыну Спірыдзёнак.

Суддзя суда Талачынскага раёна Алеся Саян 6 траўня за распаўсюджванне «экстрэмізму» ў сацыяльнай сетцы арыштавала на 10 сутак былога дэпутата Вярхоўнага Савета СССР пенсіянера Мікалая Петрушэнку.

Суддзя Віцебскага абласнога суда Таццяна Дзегцярова 28 траўня прыняла рашэнне ліквідаваць Полацкае моладзевае грамадскае аб'яднанне «Міні-футбольны клуб «Алімп». Ініцыятарам знішчэння грамадскай арганізацыі выступіла Галоўнае ўпраўленне юстыцыі Віцебскага аблвыканкама. Пасля ліквідацыйных працэдур у вобласці застанецца ўсяго 14 недзяржаўных маладзёжных аб'яднанняў.

Суддзя суда Верхнядзвінскага раёна Таццяна Кукліна 8 мая за ўхіленне ад мерапрыемстваў прызыву на воінскую служб (ч. 1 арт. 435 КК) аштрафавала на 6000 рублёў зарэгістраванага ў аграгарадку Валынцы Дзмітрыя Сухадольскага, які пастаянна пражывае і працуе ў Маскве.