Помнік ахвярам бальшавіцкага тэрору, забітым ва ўрочышчы Хайсы ў 1937-1941 гадох, адкрылі 14 верасьня на ўскрайку “расстрэльнага” лесу. Удзел у імпрэзе ўзялі жыхары навакольных вёсак, грамадзкія актывісты зь Віцебску, Менску ды Воршы. Помнік асьвяціў каталіцкі сьвятар Віктар Місевіч.

26 лістапада Ўладзімеру Караткевічу споўнілася б восемдзесят восем. Напярэдадні, у нядзелю, да помніка клясыку ў Віцебску месьцічы прынесьлі белыя і чырвоныя кветкі. Прадстаўнікі грамадзянскай супольнасьці гораду аддалі даніну павагі пісьменьніку, які апладніў сваімі геніяльнымі творамі амаль зьнішчаны імпэрскімі імбэцыламі беларускі нацыянальны ляндшафт.

У 1993 годзе віцебскія ўлады паабяцалі ўшанаваць памяць закатаваных вязьняў Віцебскага гета. Напамінам пра няспраўджанае абяцаньне дагэтуль застаецца сымбалічны камень каля былога раённага Дому культуры. А практычна гатовы памятны знак так і ляжаў бы на складзе, каб пра яго не нагадаў аўтар — скульптар Іван Казак.

У Віцебску апошнім часам узводзіцца нямала новых помнікаў і скульптурных кампазыцыяў. Найперш – каб прывабіць турыстаў. Між тым, гарадзкія службы ня могуць даць рады з абслугоўваньнем і рамонтам старых помнікаў. На мэмарыяле, прысьвечаным воінам-інтэрнацыяналістам, адвальваюцца пліты, на вуліцы Касманаўтаў разбураецца стэла…

На пачатку красавіка быў абвешчаны збор подпісаў пад пэтыцыяй супраць усталяваньня ў Віцебску помніка княгіні Вользе. Аўтары калектыўнага звароту назвалі 7 прычын, чаму гэты помнік будзе недарэчным у абласным цэнтры. 17 траўня атрымалі адказ: падставаў, каб адмовіцца ад праекту, няма.

Віцябляне заклікаюць гарадзкія ўлады адмовіцца ад плянаў усталяваньня ў 2018 годзе помніка міталягічнай заснавальніцы Віцебску княгіні Вользе і накіраваць прадугледжаныя на гэта грошы на сацыяльныя праекты ў сфэры адукацыі, ЖКГ і жыльлёвага будаўніцтва. Калектыўны зварот грамадзян апублікаваны на сайце “Зручны горад”.

У нядзелю, 26 лістапада, жыхары Віцебску віншавалі з народзінамі славутага беларускага пісьменьніка Ўладзімера Караткевіча. Да помніка паэту ў Віцебску прыходзілі з кветкамі, вершамі і цёплымі словамі падзякі. Ускладаньне кветак здалёк фіксавалі на відэакамэру супрацоўнікі міліцыі ў цывільным, але да Караткевіча не набліжаліся… 

Як вядома, адміністрацыя Кастрычніцкага раёну Віцебску забараніла гарадзкому камітэту мясцовай арганізацыі Беларускай партыі левых “Справядлівы сьвет” праводзіць мітынг, прымеркаваны да стогадовага юбілею Кастрычніцкай рэвалюцыі. Аднак, не зважаючы на забарону, мітынг адбыўся, пасьля чаго да помніку Леніну ўсклалі вянок ды кветкі.

Неэфэктыўнае выкарыстаньне грашовых сродкаў, выдзеленых дзяржавай на рэстаўрацыю помнікаў савецкім воінам і ахвярам вайны на тэрыторыі Вымнянскага сельскага савету, вымусіла мясцовых жыхароў зьвярнуцца да Генэральнага пракурора Аляксандра Канюка. Ліст ад імя жыхароў вёсак Астрэйкава, Вымна, Котава, Прывольнае падпісалі 27 грамадзянаў.

4 кастрычніка ў Віцебскім гарвыканкаме адбылася сустрэча актывістаў з шэрагам кіраўнікоў гарадзкіх службаў, а ня толькі з намесьнікам старшыні Віцебскага гарвыканкаму Сяргеем Саглаевым, да якога яны запісаліся на прыём.