У Воршы затрыманыя тры супрацоўнікі службы бяспекі наркамаркета, так званых «спортыкаў-карнікаў»
Мінскія аператыўнікі наркакантролю пры падтрымцы АМАП у Оршы з доказамі злачынства затрымалі групу маладых людзей, якія ўваходзілі ў так званую групоўку "спортыкаў". Банда была своеасаблівай службай бяспекі наркасіндыката і карала непажаданых або "нядобрасумленных" распаўсюджвальнікаў наркотыкаў. У групу ўваходзілі 18-гадовы непрацуючы аршанец і двое навучэнцаў мясцовага прафтэхліцэя - 16-гадовы хлопец і 15-гадовая дзяўчына.
На Віцебшчыне правялі акцыю «Антынаркатычны аўтобус»
Ініцыятарамі выступілі абласная ўправа МУС, абласное аддзяленне «Беларускага Чырвонага Крыжа» і БРСМ. Сутнасць акцыі палягала ў тым, што пасажырам аднаго з гарадскіх маршрутаў на працягу аднаго рэйсу распавядалі пра шкоду здароўю ад ужывання наркатычных рэчываў і пра крымінальную адказнасць за распаўсюд наркотыкаў.
Жыхара Віцебска асудзілі на 4 гады пазбаўлення волі за абразу чыноўнікаў і захоўванне марыхуаны
4 ліпеня ў судзе Кастрычніцкага раёна Віцебска вынесены прысуд 35-гадовага Віктару Власенку. Яго прызналі вінаватым па двух артыкулах — арт. 368 і арт. 369 Крымінальнага кодэкса, — а таксама паводле арт. 328 Крымінальнага кодэкса (пры вобшуку ў яго дома была знойдзеная марыхуана для ўжывання). Канчатковае пакаранне ў выглядзе чатырох гадоў пазбаўлення волі ў калоніі агульнага рэжыму прызначанае шляхам частковага складання пакаранняў па трох артыкулах.
У Віцебскай вобласці колькасць удзельнікаў наркагандлю стабільна расце
На тэрыторыі Віцебскай вобласці ў 2021 годзе выяўлена 417 нарказлачынстваў, што больш на 143 злачынствы ў параўнанні з вынікам 2020 года (2020 — 274). Улады прагназуюць, што ў 2022 годзе гэтая тэндэнцыя мае ўсе шанцы захавацца і нават узмоцніцца, бо ў сакавіку бягучага года зняты ўсе абмежаванні на перамяшчэнне грамадзян паміж Расіяй і Беларуссю.
15-гадовага падлетка суд адправіў на 10 гадоў за краты за 14 грамаў забароненага рэчыва
Суд Першамайскага раёну гораду Віцебску вынес абвінаваўчы прысуд у дачыненні да 15-гадовага падлетка С. з Наваполацку, прызнаўшы яго вінаватым у распаўсюджванні буйной партыі наркотыкаў у складзе арганізаванай групы (частка 4 артыкула 328). На працэсе сваю віну хлопец прызнаў толькі часткова.
Следчыя Віцебскай вобласці амаль штодзень распачынаюць справы за незаконны абарот наркотыкаў
У 2021 годзе было зафіксавана больш за 460 крымінальных справаў, звязаных з ужываннем наркатычных рэчываў і іх збыт. Сярод падазроных у гэтых злачынствах праходзіла 25 няпоўнагадовых жыхароў Віцебшчыны. Пра гэта мясцовым СМІ паведаміў начальнік УСК па Віцебскай вобласці палкоўнік юстыцыі Аляксандр Гуцко.
Актывісты Аляксандр Мацяюк і Алег Баразна прызнаныя палітвязнямі. Іх судзілі па «наркатычным» артыкуле 328
5 кастрычніка 2021 году суд Чыгуначнага раёну Віцебску асудзіў Аляксандра Мацеюка да 9 гадоў пазбаўлення волі ў папраўчай калоніі па ч. 3 арт. 328 і арт. 332 КК са штрафам – за незаконныя з мэтай збыту набыццё, захоўванне і перавозку марыхуаны ў буйным памеры і ўтрыманні прытона, для ўжывання наркатычных сродкаў. Гэтым жа прыгаворам асудзілі і Алега Баразну – да 2 гадоў і 3 месяцаў пазбаўлення волі ў папраўчай калоніі за незаконныя дзеянні ў адносінах да наркатычных сродкаў без мэты збыту.
Жорсткія прысуды віцяблянам: Аляксандр Мацяюк – 9 гадоў калоніі, Алег Баразна – 2 гады і 3 месяцы
Суд Чыгуначнага раёну Віцебску 5 кастрычніка агучыў рашэнне ў справе актывістаў «Краіны для жыцця» Алега Баразны і Аляксандра Мацеюка, абвінавачаных паводле арт. 328 КК («Незаконны абарот наркатычных сродкаў») і паводле ч. 2 арт. 332 КК (Мацяюк) – «Арганізацыя альбо ўтрыманне прытонаў для ўжывання наркотыкаў». Суд прызнаў мужчын вінаватымі і пакараў Баразну – на 2 гады і 3 месяцы калоніі агульнага рэжыму, Мацеюка – на 9 гадоў калоніі ўзмоцненага рэжыму.
Віцебскі суд завяршыў вывучаць матэрыялы справы Алега Баразны і Аляксандра Мацеюка
16 верасня ў судзе Чыгуначнага раёну Віцебску прайшло чарговае паседжанне ў крымінальнай справе актывістаў «Краіны для жыцця» Алега Баразны і Аляксандра Мацеюка. Іх абвінавачваюць паводле ч.3 арт. 328 КК («Незаконны абарот наркатычных сродкаў»), а Мацеюка – і паводле ч. 2 арт. 332 КК («Арганізацыя альбо ўтрыманне прытонаў для ўжывання наркотыкаў»). Суд завяршыў вывучэнне матэрыялаў папярэдняга следства, сабраных у 9 тамах крымінальнай справы.
У Віцебску пачаўся працэс над Алегам Баразной і Аляксандрам Мацеюком. Іх вінавацяць па «наркатычным» арт. 328
У судзе Чыгуначнага раёну Віцебску 7 верасня пачаўся судовы працэс над актывістамі «Краіны для жыцця» Алегам Баразной і Аляксандрам Мацеюком. Ім выставілі абвінавачанні паводле «групавой» часткі 3 арт. 328 КК («Незаконны абарот наркатычных сродкаў»). Мацеюка абвінавачваюць, апроч таго, паводле ч. 2 арт. 332 КК («Арганізацыя альбо ўтрыманне прытонаў для ўжывання наркотыкаў»). Зазначым, што ч.3 арт. 328 КК прадугледжвае пакаранне да 15 гадоў пазбаўлення волі.