Загалаўца затрымалі 20 студзеня 2023 г. -- спачатку на яго склалі пратакол за «распаўсюд экстрэмісцкіх матэрыялаў» паводле ч. 2 арт.19.11 КаАП, але на волю ён ужо не выйшаў: сілавікі даследавалі ягоны тэлефон і распачалі крымінальную справу. Дзмітрыя Загалаўца перавялі ў СІЗА №2 Віцебска, і там ёе знаходзіцца дагэтуль.

У чым вінавацяць мужчыну, стала вядома з паведамленняў праўладных тэлеграмканалаў -- нібыта ён у інтэрнэце “агітаваў людзей выходзіць на барыкады, пускаць цягнікі пад адхоны і ладзіць фізічныя расправы над сілавікамі”.

Па сукупнасці прад’яўленых абвінавачванняў Дзмітрый Загалавец пакараны пазбаўленнем волі ў калоніі ва ўмовах агульнага рэжыму тэрмінам на тры гады і шэсць месяцаў. 23 чэрвеня праваабарончая супольнасць прызнала яго палітычным зняволеным.

Раіса Сіпцова