Пошукі праўды ў Віцебскім абласным судзе для журналістаў «Белсату» скончыліся па-рознаму
25 красавіка выдаўся для судзьдзі Віцебскага абласнога суду Сьвятланы Івановай насычаным – за адзін дзень яна змагла правесьці два судовыя паседжаньні. Рашэньні былі прынятыя па скаргах журналістаў-фрылянсэраў Алены Шабуні ды Вячаслава Лазарава зь Віцебску і Зьмітра Лупача з Глыбокага. Калі першае разьбіральніцтва ішло цягам дзесяці хвілін, то на другое хапіла дзьве.
Абласны суд не задаволіў скаргу віцябляніна, аштрафаванага за бел-чырвона-белы сьцяг на #БНР100 каля Альгерда
Скаргу віцябляніна Міколы Качурца на пастанову суду Кастрычніцкага раёну, які пакараў актывіста штрафам у памеры 30 б.в., разгледзела 25 красавіка судзьдзя Ірына Смалякова. Паседжаньне доўжылася тры хвіліны. Скаргу не задаволілі, пастанову суду Кастрычніцкага раёну пакінулі бязь зьменаў.
Віцебскі абласны суд не задаволіў скаргу актывіста ініцыятывы «Хайсы»
18 красавіка судзьдзя Віцебскага абласнога суду Сьвятлана Іванова разгледзела скаргу сябра грамадзкай ініцыятывы «Хайсы» Андрэя Кешанюка на рашэньне суду Першамайскага раёну. Мясцовы актывіст быў пакараны 26 сакавіка судзьдзёй Натальляй Карабліной за нібыта правядзеньне несанкцыянаванага пікету пад бел-чырвона-белым сьцягам каля будынку «Белтэлекаму» і непадпарадкаваньне супрацоўнікам праваахоўных органаў.
“Бязь зьменаў…” Віцебскі абласны суд не задаволіў апэляцыю Пятра Іванова
Калегія Віцебскага абласнога суду пакінула бязь зьменаў прысуд суду Кастрычніцкага раёну Віцебску ў дачыненьні да актывіста Пятра Іванова. Судовае паседжаньне, на якім старшыняваў судзьдзя Бондараў, скончылася меней чым праз гадзіну і праходзіла без адваката і прадстаўнікоў другога боку.
Яну Дзяржаўцаву не ўдалося адстаяць сваю правату ў судзе касацыйнай інстанцыі
7 сакавіка судзьдзя Віцебскага абласнога суду Андрэй Прэйс разгледзеў скаргу кіраўніка грамадзкай ініцыятывы “Хайсы” Яна Дзяржаўцава на рашэньне суду Віцебскага раёну. Месяц таму судзьдзя Натальля Трацьцякова абвінаваціла грамадзкага актывіста ў самавольным пахаваньні чалавечых парэшткаў у месцы, не прадугледжаным для такіх мэтаў заканадаўствам (артыкул 23.43 Кодэксу аб адміністрацыйных правапарушэньнях), і аштрафавала яго на пяць базавых велічыняў.
Віцебскі абласны суд не задаволіў скаргу журналіста-фрылянсэра Зьмітра Лупача
7 сакавіка ў Віцебскім абласным судзе судзьдзя Сьвятлана Іванова разгледзела касацыйную скаргу журналіста Зьмітра Лупача на рашэньне суду Докшыцкага раёну.
Пётар Іваноў: Я падаў апэляцыю, каб даць ім шанец пазьбегнуць ганьбы
Віцебскі актывіст і старшыня незарэгістраванага грамадзкага аб’яднаньня “За сумленную ўладу” Пётар Іваноў накіраваў заяву ў 19 дзяржаўных інстанцый, у якой патлумачыў, чаму трэба скасаваць прысуд, вынесены яму Кастрычніцкім судом Віцебску 26 студзеня. Разгляд касацыйнай скаргі адбудзецца 20 сакавіка. “Я даю ім шанец не патрапіць пад каток гісторыі…” – кажа Іваноў.
Віцебскі абласны суд не задаволіў скаргі незалежных журналістаў
31 студзеня Віцебскім абласным судом разглядаліся адразу дзьве скаргі незалежных журналістаў – Тацяны Смоткінай і Зьмітра Лупача. У выніку разгляду рашэньні раённых судоў, якія падверглі журналістаў штрафам, пакінутыя бязь зьменаў.
Віцябчанка, апраўданая па справе пра хатнія роды, будзе патрабаваць кампэнсацыю за арышт
У Віцебскім абласным судзе 25 студзеня завяршыўся паўторны разгляд крымінальнай справы Вольгі Сьцяпанавай, раней асуджанай за сьмерць дзіцяці падчас хатніх родаў. Справа разглядалася ў закрытым рэжыме. Судзьдзя абласнога суду Галіна Бондал абвясьціла вырак, у якім Вольгу Сьцяпанаву прызналі невінаватай у сувязі з адсутнасьцю злачынства.
Праваабаронцам стала вядома пра вынесены ў Віцебску сьмяротны вырак
Праваабаронца Павал Левінаў здабыў інфармацыю пра тое, што Віцебскім абласным судом 22 верасьня 2017 году быў вынесены сьмяротны прысуд. Ён набыў законную моц 6 кастрычніка 2017 году. Гэты прысуд не абскарджваўся і не апратэстоўваўся. Асуджаны па віцебскай справе зьмешчаны ў Сьледчы ізалятар № 1 Менску.