Чарговыя адказы, атрыманыя сябрамі грамадзкай ініцыятывы «Хайсы» зь Віцебскага раённага выканкаму і Віцебскага гарадзкога ваеннага камісарыяту, не дадалі ім аптымізму ў справе, зьвязанай са знаходкай фрагмэнтаў чалавечых парэшткаў у лесе пад Віцебскам.

Пасьля таго, як Сьледчы камітэт па Віцебскім раёне адмовіўся распачынаць крымінальную справу з нагоды заявы актывістаў грамадзкай ініцыятывы «Хайсы» пра знойдзеныя ў лесе невядомыя пахаваньні, разрабаваныя марадзёрамі, яе сябры зазналі псыхалягічны і інфармацыйны ціск.

Грамадзкая арганізацыя «Сэфер» з Масквы наведала Глыбокае. Сябры арганізацыі будуць тыдзень праводзіць экспэдыцыю па вывучэньні жыцьця глыбоцкіх габрэяў.

Жыхары вуліцы Пралетарскай зьвярнуліся ў Аршанскі раённы выканаўчы камітэт з патрабаваньнем абсталяваць вуліцу тратуарнай дарожкай. Распавядае Вольга Бугай, актывіст кампаніі «Добры горад»: Гэта ўжо ня першы зварот грамадзян наконт гэтага пытаньня. Фактычна вуліца Пралетарская знаходзіцца ў цэнтры гораду (200 мэтраў ад райвыканкаму), але прайсьці па ёй падчас бездаражы практычна немагчыма, пешаходы вымушаныя ісьці па цэнтры праезнай часткі.

Каб дамагчыся ад уладаў абяцаньня зрабіць інфраструктуру для ўладальнікаў ровараў, прадстаўнікам віцебскай грамадзкасьці спатрэбілася амаль 4 гады. Цяпер засталося дачакацца, каб абяцаньні былі выкананыя. Але якраз у гэтым ёсьць вялікія сумненьні.