Вярхоўны суд не змяніў прысудаў у «справе сямі». Таццяна Севярынец: Спадзяванняў не было, але змены не за гарамі
27 жніўня Вярхоўны суд разгледзеў апеляцыйную скаргу асуджаных Магілёўскім абласным судом паводле артыкулу 293 КК («Арганізацыя масавых беспарадкаў») Паўла Севярынца, Яўгена Афнагеля, Андрэя Войніча, Паўла Юхневіча, Максіма Вінярскага, Дзмітрыя Казлова і Ірыны Шчаснай. Як стала вядома, Вярхоўны суд пакінуў рашэнне абласнога суду без зменаў, а скаргу асуджаных без задавальнення.
За наркотыкі ў 2019 годзе былі асуджаныя 52 падлеткі, не пакаралі толькі аднаго
За незаконнае абарачэньне наркотыкаў (арт. 328 КК) у 2019 годзе ў Беларусі асудзілі 52-х непаўнагадовых асобаў. Паводле выраку судоў 31 падлетак трапіў у месцы пазбаўленьня волі, паведамляе прэс-служба Вярхоўнага суду Рэспублікі Беларусь.
Вярхоўны суд адказаў Міколу Качурцу наконт штрафу за бел-чырвона-белы сьцяг на БНР-101
Суд Кастрычніцкага раёну Віцебску пакараў у красавіку 2019 году актывіста Міколу Качурца штрафам у памеры 102 рублі за бел-чырвона-белы сьцяг, зь якім віцяблянін сфатаграфаваўся на Дзень Волі. Качурэц абскардзіў пастанову ў абласным судзе, але безвынікова. Напісаў скаргу ў Вярхоўны суд – і вось які адказ атрымаў…
Палітвязень Міхаіл Жамчужны: Працягваю змагацца за жыцьцё!
Пасьля двухмесячнага перапынку віцебскі праваабаронца Леанід Сьвецік атрымаў доўгачаканы ліст ад палітвязьня Міхаіла Жамчужнага. Як і ў папярэдніх сваіх лістах, Міхаіл падрабязна расказвае пра тое, як актыўна абараняе свае правы і законныя інтарэсы ў судах, пракуратурах і органах сыстэмы МУС.
Палітвязень Жамчужны напісаў пра “адлігу” у стасунках з кіраўніцтвам калёніі
На пачатку траўня віцебскія праваабаронцы атрымалі чарговы ліст ад Міхаіла Жамчужнага. Палітвязень паведамляе калегам-праваабаронцам, што ўмовы адбыцьця пакараньня апошнім часам адносна палепшыліся. Піша пра свае патрэбы і пра тое, што адкрыліся магчымасьці, каб працягваць абараняць свае правы.
Віцебскі судзьдзя Ільля Белавус зноў застанецца бяз прэміі?..
Судзьдзя Кастрычніцкага суду Віцебску Ільля Белавус у пастанове, якую склаў на актывіста Уладзімера Кійко, памылкова ўказаў, што той меў раней адміністрацыйныя спагнаньні. Як палічыў праваабаронца Павал Левінаў гэтым самым Белавус замахнуўся на гонар і годнасьць грамадзяніна і папрасіў Вярхоўны суд разгледзець пытаньне аб прафпрыдатнасьці судзьдзі.
Ці парушыў судзьдзя Зубеня правы віцебскага журналіста Скрыля? Адказ Вярхоўнага суду
Пра тое, што судзьдзя Віцебскага райсуду Міхаіл Зубеня парушыў правы грамадзяніна, паведаміў Вярхоўнаму суду віцебскі праваабаронца Павал Левінаў. У сакавіку 2019 году судзьдзя Зубеня аштрафаваў журналіста Віталя Скрыля на 25 базавых велічынь. Падчас суду ён адхіліў хадайніцтвы Скрыля аб удзеле ў працэсе перакладчыка і беларускамоўнага адваката. Вярхоўны суд парушэньняў не пабачыў…
Павал Левінаў пазбавіў прэміі віцебскага судзьдзю Белавуса?..
Праваабаронца Павал Левінаў прасіў Вярхоўны суд разгледзець пытаньне аб прафэсійнай прыдатнасьці віцебскага судзьдзі Ільлі Белавуса (суд Кастрычніцкага раёну), які нарабіў шмат памылак і хібаў у адной з пастановаў па адміністрацыйнай справе. Віцебскі аблсуд паабяцаў, што парушэньні судзьдзі адаб’юцца ня ягонай прэміі.
Праз год пасьля турмы. Споведзь японца – былога вязьня “Віцьбы-3”
Японскага мастака Даічы Ёшыду асудзілі ў Беларусі на 4,5 гады за нелегальнае перамяшчэньне зброі. Ён правёў за кратамі 1 год і 9 месяцаў, апошнія 9 месяцаў – на віцебскай зоне (ПК №3). У траўні 2018-га быў нечакана вызвалены. Праз год пасьля вызваленьня Даічы дзеліцца сваімі ўспамінамі і думкамі пра свабоду, Беларусь і беларусаў.
Павал Левінаў разьвёў віцебскіх судзьдзяў-сужэнцаў па розных спэцыялізацыях
Віцебскі праваабаронца Павал Левінаў папрасіў старшыню Вярхоўнага суду Валянціна Сукалу разьвязаць даволі далікатную сытуацыю зь віцебскімі судзьдзямі-сужэнцамі Аленай Протас і Яўгенам Буруновым. Вярхоўны суд паабяцаў разабрацца…