Чырвоны Крыж разгарнуў у Віцебску мабільныя пункты абагрэву
З 6 па 8 студзеня ў Віцебску Чырвоны Крыж арганізаваў працу пунктаў абагрэву для маючых патрэбу асобаў, жыхароў і гасцей гораду.
Дачны пасёлак пад Воршай застаўся адрэзаным ад цывілізацыі
Дачны пасёлак Усход пад Воршай мясцовыя жыхары перайменавалі ў «Далёкі Ўсход». А ўсё таму, што дабрацца да сваіх участкаў уладальнікам досыць складана. Адзіны праезд – праз поле, і той праз масавую забудову прыгараду рызыкуе зьнікнуць. Многія дачнікі – пэнсіянэры – жывуць у загарадных дамох круглы год. Аднак калі што здарыцца – ані хуткая, ані пажарная прыехаць да іх ня могуць.
Гурту Dzieciuki выдалі гастрольнае пасьведчаньне на канцэрт у Віцебску
«Атрымаў гастрольнае пасьведчаньне на канцэрт «Dzieciuki» ў Віцебску! Падрабязнасьці пра выступ пазьней. Сочым за разьвіцьцём падзеяў», – паведаміў у сваім фэйсбуку мясцовы арганізатар канцэртаў Уладзімер Булаўскі.
Найвядомейшы старэйшына вёскі ў Аршанскім раёне сыходзіць са сваёй пасады
Пра тое, што Ігар Грышанаў адмовіўся працягваць свае функцыі старэйшыны, жыхары вёскі Стаўры даведаліся з адмысловага навагодняга звароту, які быў распаўсюджаны ў вёсцы. У звароце Грышанаў дзякуе ўсім, хто дапамагаў яму ў працы, удзельнічаў у імпрэзах, віншуе з Калядамі і Новым годам, падсумоўвае некаторыя вынікі апошніх гадоў для Стаўроў.
Ідэолягаў Віцебскага гарвыканкаму абурыў жарт пра забарону залазіць на навагоднюю ёлку
Пра тое, што нельга «апранаць бел-чырвона-белае» і залазіць на ялінку на плошчы Перамогі, а таксама – што вітаць Дзеда Мароза і Сьнягурку можна толькі дзяржаўнымі сымбалямі і атрыбутыкай, распрацаванай для гэтых мэтаў гарвыканкамам, было напісана на сайце «Народныя навіны Віцебска» ў артыкуле пра арганізацыю сьвяткаваньняў каля галоўнай гарадзкой ёлкі.
Супрацоўніцтва маладых рабочых Галяндыі і Беларусі
У Наваполацку 10 і 11 сьнежня прайшоў сэмінар-сустрэча моладзі дэмакратычных прафсаюзаў Беларусі. Сэмінар наведалі маладыя рабочыя з Салігорску, Полацку і Наваполацку, а таксама прыехалі госьці з Галяндыі ад партнэрскага прафсаюзу ФНВ.
КПЧ прызнаў абгрунтаванай скаргу віцебскага праваабаронцы
Камітэт ААН па правох чалавека палічыў, што беларуская дзяржава забаронай на правядзеньне пікету парушыла правы Валера Місьнікава на распаўсюджваньне ўсялякага кшталту інфармацыі і ідэяў. Згодна з рашэньнем Камітэту, Беларусь павінна перагледзець сваё заканадаўства і выплаціць віцебскаму праваабаронцу кампэнсацыю.
Адліга? Суд пакараў віцебскага апазыцыянэра за пікет толькі папярэджаньнем
У Кастрычніцкім раённым судзе гораду Віцебску 14 сьнежня слухалася справа Жаляпава Хрыстафора Савельевіча, мясцовага актывіста руху «За свабоду» і сябра партыі БНФ. Яго абвінавачвалі паводле часткі 1 артыкулу 23.34 Адміністрацыйнага кодэксу ў тым, што ён нібыта арганізаваў несанкцыянаваны пікет і хадзіў зь бел-чырвона-белым сьцягам каля помніка Караткевічу, чым выказваў свае грамадзка-палітычныя погляды і інтарэсы.
Былыя кандыдаты ў дэпутаты просяць умяшацца пракуратуру
Тацяна Севярынец, Георгі Станкевіч і Алена Шабуня нязгодныя з пастановай лейтэнанта міліцыі М. Дарогенскага, які ня ўбачыў абразы ў роліку, дзе на відэа, зробленае падчас выбарчай кампаніі, калі кандыдаты сьпявалі гімн «Магутны Божа», накладзены іншы гук – песьня зь нецэнзурнымі словамі.
Віцебскія журналісты абмеркавалі праект зьменаў у кодэкс этыкі БАЖ
Сваімі думкамі падзяліліся журналісты, якія прадстаўляюць розныя сродкі масавай інфармацыі. Абмеркаваньне прайшло пры ўдзеле старшыні камісіі па этыцы грамадзкага аб'яднаньня «Беларуская асацыяцыя журналістаў» Анатоля Гуляева.