Пратэстанцкага пастара з Дзісны асудзілі за несанкцыянаваны доступ да інфармацыі
28 жніўня старшыня Мёрскага райсуду Ірына Яскевіч асудзіла жыхара Дзісны Дзмітрыя Шавякова да штрафу памерам 20 базавых велічыняў (740 рублёў), прызнаўшы яго вінаватым паводле арт. 23.4 КаАП (Несанкцыянаваны доступ да кампутарнай інфармацыі). Дзмітрый Шавякоў – пастар евангельскай царквы «Возрождение».
Распачата сем крымінальных спраў, да дысцыплінарнай адказнасці прыцягнута 41 службовая асоба
Камітэт дзяржкантролю праверыў сельгасгаспадаркі Віцебскай вобласці на выкананне патрабаванняў заатэхнічных і ветэрынарных норм утрымання і кармлення жывёлы і недапушчэння яе непрадукцыйнага выбыцця, падзяжу.
Жыхара Віцебска затрымалі на мяжы і аштрафавалі за распаўсюд «экстрэмісцкіх матэрыялаў»
Справу Івана Шаўчэнкі разбіраў суддзя Лёзненскага суда Аляксей Лапушынскі. Dіцябляніна затрымалі на мяжы з Расейскай Федэрацыяй – на памежным пераходзе Завольша, што ў Лёзненскім раёне -- і склалі пратакол пасля праверкі мабільнага тэлефона. Суд, у выніку якога жыхара Віцебска аштрафавалі на 20 базавых велічынь ( 1110 рублёў), адбыўся 25 жніўня.
У Глыбокае прыязджала група па так званай прававой адукацыі
Як піша “Веснік Глыбоччыны”, 8 верасня група па прававой адукацыі пад кіраўніцтвам начальніка галоўнага ўпраўлення юстыцыі Віцебскага аблвыканкама Сяргея Канапелькі правяла сустрэчу з работнікамі Глыбоцкага мясакамбіната.
Распродаж школ і садкоў у Віцебскім рэгіёне носіць сістэмны і масавы характар
У Віцебскай вобласці новы навучальны год пачаўся з маштабным размяшчэннем напродаж школьных і дзіцячых садоў. І трэба прызнацца, што фактычная раздача дзяржаўнай нерухомай маёмасці сведчыць аб тым, што ў эканамічных уладаў няма стратэгічнага плана як эфектыўна яе выкарыстоўваць.
Пяцёра жыхароў Талачына асуджаны да арыштаў за «экстрэмісцкія» падпіскі
Усіх пяцярых затрымлі 31 жніўня ў перыяд з 16.20 да 19.50 і назаўтра асудзілі ў Талачынскім райсудзе. Паводле банка судовых рашэнняў, судовая працэсы вяла суддзя Алеся Саян, усіх падсудных яна прызнала вінаватымі паводле ч.2 арт. 19.11 КаАП за падпіскі ў «Одноклассниках» на інтэрнэт-рэсурсы, інфармацыя якіх прызнаная ў Беларусі «экстрэмісцкай» інфармацыйнай прадукцыяй.
У Верхнядзвінску зноў будуць судзіць Антона Бубалу
Вядомага краязнаўцу і былога малалетняга вязня канцлагера Антона Бубала будуць судзіць у Верхнядзвінску 11 верасня. Судовае пасяджэнне будзе весці суддзя Людміла Каваленка.
Некаторыя раённыя ўлады рэгіёна вызначылі газеты, дзе іх рашэнні будуць набываць публічны характар
У ліпені раённыя выканаўчыя органы ўлады і Саветы дэпутатаў Віцебшчыны вызначыліся з тым, якія мясцовыя СМІ будуць мець права мець статус "афіцыйнага перыядычнага выдання". Чакана, што імі сталі мясцовыя дзяржаўныя газэты. Цяпер толькі гэтыя СМІ маюць права абнародаваць нарматыўна прававыя акты раённых выканкамаў і Саветаў дэпутатаў, што зробіць гэтыя акты набыўшымі законную сілу.
Палітзняволенымі прызналі трох «нафтанаўцаў» - Вольгу Брыцікаву, Аляксандра Балонкіна і Аляксандра Кухаронка
«Лічым недапушчальным утрыманне пад вартай Вольгі Брыцікавай, Аляксандра Кухаронка і Аляксандра Балонкіна, абвінавачаных па арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь)», -- гаворыцца ў адмысловай заяве беларускай праваабарончай супольнасці.
5 сутак арышту за «распаўсюд экстрэмізму» прысудзілі жыхару Мёрскага раёна
Справу Сяргея Мацюка, слесара ААТ «Узмёнскі край», разбірала старшыня Мёрскага раённага суда Ірына Яскевіч. 1 верасня яна прысудзіла мужчыну 2 сутак арышту паводле ч.2 арт 19.11 КаАП за дзве публікацыі ў Telegram, якія адсачылі супрацоўнікі абласнога ГУБАЗіК.