Прызыўнікам расказалі, які ім пашанцавала, і згадалі «генацыд беларускага народа»
У ваенкамаце Віцебска, Віцебскага і Лёзненскага раёнаў правялі так званую «дыялогавую пляцоўку». Ваенком палкоўнік Аляксандр Сяржанаў заявіў сабраным на імпрэзу хлопцам, што сучаснай моладзі давялося перажыць значна меней цяжкасцей у параўнанні са старэйшым пакаленнем.
За «экстрэміст» у сацыяльных сетках улады пакаралі арыштам двух жыхароў Оршы
Суддзя суда Аршанскага раёна Зміцер Разумовіч 5 кастрычніка за распаўсюджванне «экстрэмізму» ў сацыяльных медыя арыштавала на 7 сутак мясцовую жыхарку вартаўніка Алену Енушэўскую. У тым жа судзе рознымі суддзямі за "экстрэмізм" тройчы быў пакараны арыштам на агульны тэрмін - 23 сутак, ахоўнік крамы Сяргей Вальковіч. Для пакарання суддзі выкарыстоўвалі ч.2 арт.19.11 КаАП Рэспублікі Беларусь.
Маці шасцярых дзяцей з Шаркаўшчыны не ўручылі ордэн Маці з-за правіны аднаго дзіцяці
Гэта стала вядома падчас "прамой тэлефоннай лініі" памочніка Лукашэнкі - інспектара па Віцебскай вобласці Ігара Брыло. Піша сайт мясцовай раёнкі “Кліч Радзімы”.
Прызначаны суд над палітзняволенай Святланай Лупач
Маладую жанчыну, затрыманую сёлета ўночы на 1 траўня, вінавацяць паводле ч2. арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Працэс над ёй распачнецца 16 кастрычніка ў судзе Першамайскага раёна Віцебска, суддзём прызначаны Міхаіл Юрчанка.
З-за санкцый плошча СЭЗ "Віцебск" скарацілася на 32 гектары
У адпаведнасці з пастановай Савета Міністраў № ад 9 кастрычніка 2023 года агульная плошча СЭЗ "Віцебск" скарэкціравана і складае амаль 2384 гектары. Канфіскаваныя пляцоўкі знаходзіліся ў Оршы і Докшыцкім раёне, якія былі выбраны замежнымі інвестарамі для рэалізацыі праектаў па стварэнню вытворчасці будматэрыялаў і ў сферы дрэваапрацоўкі. Адміністрацыя СЭЗ афіцыйна прызнала, што адабранне зямельных участкаў звязана з уведзенымі супраць Беларусі эканамічных санкцый. А страта інвестараў - істотны мінус для рэгіянальнай эканомікі.
Аднаго аршанца пакаралі штрафам за «экстрэмісцкія» падпіскі , другога – арыштам за «несанкцыянаваны пікет»
Штрафам у памеры 20-ці базавых велічынь (740 рублёў) суддзя аршанскага суда Мікалай Драгуноў пакараў мясцовага жыхара, 33-гадовага Захара Гудаса. Мужчыну прызналі вінаватым паводле ч.2 арт. 19.11 КаАП за тое, што ў ягоным тэлефоне ў Instagram былі знойдзены падпіскі на групы, уключаныя ў рэспубліканскі спіс экстрэмісцкіх матэрыялаў.
У Віцебскай вобласці на 30% зменшылася самагубства, але прыкметна павялічылася колькасць нарказалежных
За мінулыя месяцы 2023 года першаснае захворванне на псіхічныя расстройствы па Віцебскай вобласці склала 4178 выпадкаў і знізілася да ўзроўню 2022 года на 3%. Таксама ў рэгіёне назіраецца зніжэнне ўзроўню суіцыдаў на 27,5%. Так, сёлета было зафіксавана 136 самагубстваў, а ў 2022 годзе 173 жыхары рэгіёна пазбавілі сябе жыцця.
У Браславе галоўны ідэолаг тлумачыла паняцце “патрыятызм” кадраваму рэзерву
Паводле Наталлі Спірыдонавай, шлях да поспеху прадстаўнікам кадравага рэзерву ляжыць праз патрыятызм.
За падпіску ў відэахостынгу на «экстрэмісцкія» каналы ўлады арыштавалі жыхарку Наваполацка
Суддзя суда Наваполацка Зінаіда Балаболава 7 верасня за распаўсюджванне "экстрэмізму" ў сацыяльных сетках пастанавіла арыштаваць на 15 сутак мясцовую жыхарку Алену Марцанюк.
Набліжаюцца выбары. У Віцебску пайшлі агітаваць студэнтаў
Старшыня абласнога Савета дэпутатаў Уладзімір Цярэнцьеў сустрэўся са студэнтамі ВДУ. Гаворка вялася пра тое, чаму ім неабходна абавязкова прыйсці на выбарчы ўчастак і прагаласаваць. Зразумела, што спадар Цярэнцьеў на сказаў праўду – маўляў, для масавасці, каб у скрынях для галасавання была ўнушальная колькасць бюлетэняў. Удзел у выбарах ён назваў «іспытам на грамадзянскую спеласць». Але на змену рыторыцы пра тое, што падчас выбараў кожны грамадзянін вырашае далейшы лёс краіны, прыйшла іншая. «Ваша будучыня і будучыня краіны залежыць ад тых, хто займаецца законатворчасцю», заявіў старшыня аблСавета.