Віцябчук дамогся адмены ў рэгіёне канцэртаў шансанье-беларусафоба?
Жыхар Віцебску Сяргей Сясіцкі атрымаў адказ з аблвыканкаму на свой нядаўні ліст з патрабаваньнем адмяніць у Віцебскай вобласьці канцэрты шансанье Віктара Каліны. Апошні вядомы сваімі антыбеларускімі выказваньнямі (называе Рэспубліку Беларусь «беларашкай») і ўдзелам у баявых дзеяньнях ва Ўкраіне на баку незаконных фармаваньняў сэпаратыстаў.
Ці зьяўляюцца публікацыі віцебскага дзяка ў сеціве экстрэмісцкімі? – Адказ дасьць экспэртыза
Віцебскі праваабаронца Леанід Сьвецік зьвярнуўся ў Міністэрства інфармацыі са скаргай на сайт mogilev.by, дзе часам публікуюцца і артыкулы, зьвязаныя зь Віцебскам. У выніку рэспубліканская экспэртная камісія правядзе экспэртызу сайту на прадмет наяўнасьці (адсутнасьці) у ім прыкметаў праяваў экстрэмізму.
Маці асуджанага палітыка Сяргея Рыжова скардзіцца ў КПЧ ААН
Тамара Рыжова просіць Камітэт ААН па правох чалавека разгледзець зварот у тэрміновым парадку. Бо, як яна сьцьвярджае, існуе рэальная пагроза для жыцьця і здароўя яе сына, які знаходзіцца ў месцах пазбаўленьня волі, а ўсе прававыя магчымасьці абскарджаньня судовага рашэньня па крымінальнай справе ўнутры краіны вычарпаныя.
У Віцебску прадстаўнікі дэмакратычных арганізацыяў гораду стварылі кааліцыю
Кіраўніком кааліцыі на альтэрнатыўнай аснове быў абраны Ўладзімер Кійко, які прадстаўляе партыю БНФ, а яго намесьнікам – Роберт Кузьняцоў з «Народнай Грамады». На сходзе прысутнічаў Мікола Статкевіч, адзін зь лідэраў беларускай апазыцыі. які браў удзел у прэзыдэнцкіх выбарах у Беларусі ў 2010 годзе, за што і быў затым зьмешчаны за краты і прызнаны сусьветнай супольнасьцю як палітвязень.
Як абараніцца ад неадэкватных паводзінаў псыхічна хворых суседзяў?
Узьняць гэткую далікатную тэму мы вырашылі пасьля звароту да нас грамадзянаў, што жывуць у адным з дамоў па Маскоўскім праспэкце ў Віцебску. Каля дзесяці гадоў таму людзі ўпершыню сутыкнуліся з праблемай, якая стала праблемай усіх жыхароў пад'езду.
Краўдфандынг у Віцебску: «народнае» выданьне даведніка «50 музэяў Віцебску»
У Віцебскай абласной бібліятэцы прайшла прэзэнтацыя даведніка «50 музэяў Віцебску», складзенага краязнаўцам Мікалаем Піваварам. Гэта быў першы досьвед калектыўнага збору грошай на выданьне з дапамогай пляцоўкі ulej.by.
На Віцебшчыне сталі зьбіраць менш падаткаў
За дванаццаць месяцаў 2016 году ў кансалідаваны бюджэт Віцебскай вобласьці паступіла 1722,2 мільёну рублёў падаткаў. Гэта на 44 мільёны рублёў менш, чымся ў 2015 годзе.
У Білеве працягваюць пераносіць даты будаўніцтва дзіцячага садку і школы
Віцебскі гарсавет ужо некалькі гадоў запар працягвае пераносіць тэрміны будаўніцтва дзіцячага садку і школы ў мікрараёне Білева-2. Цяпер будаўніцтва садка заплянаванае на трэці квартал бягучага году, школы на 1 020 вучняў – на чацьвёрты.
Вязень ПК № 13 паведаміў пра зьбіцьцё ў калёніі і папярэдзіў пра магчымасьць суіцыду
Вікторыя Лагвіненка расказала, што яе брат Аляксандар адбывае 11 гадоў зьняволеньня за распаўсюджваньне наркотыкаў у калёніі № 13 у Глыбокім.
Палачанін атрымаў апавяшчэньне пра заказны ліст з крамы, а замест яго на пошце дастаў «ліст шчасьця» з падатковай
Фотаздымак паштовага паведамленьня пра заказны ліст з крамы «Філятэлія», па якім жыхару Полацку ўручылі падатковае паведамленьне пра неабходнасьць аплаты збору на фінансаваньне дзяржаўных выдаткаў, апублікаванае ў пабліку «Скарга | Полацак і Наваполацак».