Віцяблян запалохваюць вайной – як інфармацыйнай, так і рэальнай
Мэта відавочная: пераканаць людзей, што адзіны гарант мірнага існавання – гэта Аляксандр Лукашэнка, і што толькі наяўныя ўладныя структуры могуць утрымаць Беларусь ад уцягвання ў баявыя дзеянні. Але пра небяспеку з боку «НАТА і яго саюзнікаў» трэба памятаць штохвіліны, і «кожны чалавек павінны зрабіць усё магчымае для ўзмацнення абароназдольнасці краіны». Працытаваныя словы належаць Валяр'яну Мацкевічу, старшыні Віцебскай абласной арганізацыі Беларускага саюзу ветэранаў вайны ў Афганістане. Абласная газета «Витебские вести» надрукавала ягонае меркаванне адносна цяперашняй палітычнай сітуацыі ў Беларусі.
У спіс экстрэмістаў дадалі Святлану Лупач – асуджаную дачку незалежнага журналіста Змітра Лупача
19 верасня «Пералік грамадзян Рэспублікі Беларусь, замежных грамадзян і асобаў без грамадзянства, датычных да экстрэмісцкай дзейнасці» папоўніўся яшчэ 37-мю імёнамі і прозвішчамі. Сярод іх згадана Святлана Лупач, асуджаная да пазбаўлення волі паводле ч. 1 арт. 342 Крымінальнага кодэкса. Дзяўчыне 29 гадоў. Летась у жніўні праваабарончая супольнасць прызнала яе палітычнай зняволенай.
Другі Дзень народзінаў палітвязень Васіль Бераснеў “святкуе” за кратамі
У панядзелак, 22 студзеня, свой 74-ты Дзень народзінаў і другі год за кратамі будзе адзначаць палітзняволены лідар аршанскага незалежнага прафсаюзу РЭП Васіль Бераснеў – адзін з самых старэйшых палітвязняў Беларусі. Цяпер ён адбывае дзевяцігадовы тэрмін за прафсаюзную дзейнасць у папраўчай калоніі № 15 у Вейне.
За «экстрэмізм» у сацыяльнай сетцы суд аштрафаваў беспрацоўнага жыхара Чашнікаў
Суддзя суда Чашніцкага раёна Ірына Кручыніна 28 снежня за “экстрэмізм” у сацыяльнай сетцы пакарала адміністрацыйным штрафам у памеры 740 рублёў беспрацоўнага бацьку двух малалетніх дзяцей Аляксандра Шнітко.
Прафсаюзы падводзяць вынікі сваёй працы і плануюць сваю дзейнасць на бягучы год
З пачатку года ў пярвічных арганізацыях Віцебскага абласнога аб'яднання прафсаюзаў праходзяць справаздачна-выбарная кампанія. Функцыянеры гэтай дзяржаўнай грамадскай арганізацыі даюць справаздачу аб тым, што было зроблена ў мінулым, 2023 годзе, і дзеляцца з шараговымі членамі сваімі планамі на будучыню. Неабходна адзначыць, што ў афіцыйных прафсаюзах лічыцца больш за 400 тыс., або 95,6 працэнта работнікаў, занятых у рэгіянальнай эканоміцы, а канкурэнтныя ім недзяржаўныя прафарганізацыі ліквідаваныя ўладамі пасля выбараў кіраўніка дзяржавы ў 2020-21 годах.
За распаўсюд «экстрэмісцкага» відэа ўлады пакаралі штрафам прыбіральшчыцу памяшканняў
Суддзя суда Міёрскага раёна Ірына Яскевіч 5 студзеня за распаўсюджванне ў сацыяльнай сетцы відэароліка з «экстрэмісцкай» інфармацыяй аштрафавала прыбіральшчыцу службовых памяшканняў у Фізкультурна-спартыўным клубе "Міёры" Таццяну Дзямешку.
На Полаччыне канкрэтных месцаў для вулічнай агітацыі не вызначалі, а на Аршанчыне – наадварот
Аршанскі райвыканкам вызначыў 18 месцаў на тэрыторыі раёна, дзе кандыдатам у дэпутаты можна ладзіць сходы, мітынгі і пікеты. Два месцы для агітацыі – у самой Оршы, у іншых населеных пунктах – па адным, і ў асноўным гэта пляцоўкі перад установамі культуры. Полацкі райвыканкам прыняў досыць арыгінальнае рашэнне: канкрэтных месцаў не вызначана, і арганізатарам ёсць, з чаго выбраць. Тым болей, што цяпер не трэба вылічваць адлегласць ад месца правядзення імпрэзы да выканкамаў, вакзалаў, пастарункаў і гд.
“Экстрэмісцкай» прызналі старонку ў «Одноклассниках» 63-гадовай пастаўскай прыбіральшчыцы Алены Барсук
Рашэнне пра гэта прыняў 12 студзеня Пастаўскі раённы суд. Пра Алену Барсук вядома няшмат – яна не належала ні да якіх апазіцыйных партый, але заўсёды мела прынцыповую грамадскую пазіцыю і не баялася казаць праўду ў вочы начальству. Так яе характарызуюць знаёмыя. Паводле звестак ад землякоў, 9 студзеня жанчыну затрымалі, і, як яна паспела паведаміць, на яе быў складзены пратакол за «распаўсюд экстрэмізму». Прычым спадарыня Барсук сцвярджае, што старонкі ў «Одноклассниках» у яе няма.
«Экстрэмісцкімі» абвясцілі два YouTube-каналы пра Віцебск
У спіс экстрэмісцкіх матэрыялаў дадалі YouTube-каналы «Пра Віцебск / Новости Витебска» і «Маяк Беларускі \ Навіны рэгіёнаў», з якіх гледачы маглі даведацца рэгіянальныя навіны без ідэалагічнай цэнзуры. Рашэнне пра тое, што інфармацыйная прадукцыя гэтых рэсурсаў цяпер будзе лічыцца экстрэмісцкай, прыняў 15 студзеня суд Кастрычніцкага раёна Віцебска.
За «экстрэмізм» у сацсетках улады пакаралі грамадскімі работамі работніка электрасетак
Старшыня суда суддзя суда Докшыцкага раёна Вячаслаў Елісеенка 21 снежня за распаўсюд у сацыяльнай сетцы «экстрэмісцкіх» публікацый пастанавіў пакараць грамадскімі працамі на тэрмін 40 гадзін і канфіскацыяй тэлефона работніка прадпрыемства «Раённыя электрычныя сеткі» Сяргея Салянку.