Работнікаў “Аршанскіх цепласетак” палохаюць Майданам і раяць ня езьдзіць ва Ўкраіну
Надоечы кіраўніцтва арганізацыі сабрала ўсіх работнікаў дзяржаўнай арганізацыі і распавяло падрабязнасьці падзеяў, якія адбыліся ва Ўкраіне. Пра гэта не без гіроніі распавядаюць рабочыя “Аршанскіх цепласетак”. У прыватнасьці, людзям паведамілі, што актывістам Майдану за ўдзел у мітынгах нібыта плацілі па тры тысячы даляраў ЗША.
У дачыненьні да журналісткі Алены Сьцяпанавай вядзецца адміністрацыйны працэс
Пра гэта Алена Сьцяпанава даведалася 17 красавіка, наведаўшы Кастрычніцкі РАУС Віцебску. Старшы інспэктар аддзелу аховы правапарадку і прафіляктыкі Сяргей Вяракса хацеў атрымаць ад журналісткі тлумачэньні адносна матэрыялу “Віцебскія школьнікі адмаўляюцца вучыць гімн”, разьмешчаны ў студзені бягучага году на сайце “Радыё Свабода”. Матэрыял нікім не падпісаны.
Крэўныя расстралянага Ўладзіслава Кавалёва дамагаюцца раскрыцьця інфармацыі пра месца яго пахаваньня
Вярхоўны суд лічыць скаргу родных Уладзіслава Кавалёва адносна месца пахаваньня расстралянага непадведамаснай агульным судам. Такое рашэньне ўтрымліваецца ў адказе на скаргу Любові Кавалёвай і Тацьцяны Казяр за подпісам намесьніка старшыні Вярхоўнага суду Андрэя Забары. У рашэньні паведамляецца пра тое, што рашэньні суду Кастрычніцкага раёну Менску і Калегіі па грамадзянскіх справах Менскага гарадзкога суду аб непадведамаснасьці разгляду скаргі агульным судам застаюцца ў моцы.
Пракуратура вынесла папярэджаньне віцебскай журналістцы
15 красавіка Сьвятлана Сьцяпанава наведала Віцебскую абласную пракуратуру ў суправаджэньні віцебскага праваабаронцы Паўла Левінава. У пракуратуры палічылі, што незалежная журналістка зь Віцебску без акрэдытацыі супрацоўнічае з замежным СМІ – беларускай службай “Польскага радыё для замежжа”.
Наваполацкія актывісты плянуюць зладзіць пікет на ўгодкі выбуху на Чарнобыльскай АЭС
Заяўку на акцыю ў Наваполацку падаў актывіст аргкамітэту па стварэньні грамадзкага аб’яднаньня «Свабодны регіён» Яўген Парчынскі. Пікет заплянаваны на 26 красавіка, гэтая акцыя «будзе мець і экалягічны, і палітычны характар. Бо аварыя на чарнобыльскай АЭС была ня толькі тэхнагеннай катастрофай, але і палітычнай праблемай, створанай савецкім рэжымым, які доўгі час хаваў наступствы Чарнобыля». Акцыю наваполацкія дэмакраты хочуць правесьці пад лёзунгамі «Свабода. Праўда. Справядлівасьць».
У Бешанковічах разбурылі гаражы мясцовых жыхароў
У сувязі з будаўніцтвам моста праз Заходнюю Дзьвіну былі зруйнаваныя гаражы па вуліцы Ясеніна. Яшчэ раней іх уладальнікі былі папярэджаныя пра тое, што гаражы будуць перашкаджаць будаўніцтву моста, якое мусіць распачацца праз год-два. Нязгодныя спрабавалі шукаць праўды і пісаць вышэйшым чыноўнікам аж да Лукашэнкі. Але безпасьпяхова.
Віцебскі аблвыканкам ігнаруе беларускую мову
Актывіст Партыі БНФ Кастусь Смолікаў напісаў у аблвыканкам электронны зварот: прапанаваў, каб на інтэрнэт-сайце аблвыканкаму была беларускамоўная вэрсія. Адказ ад ідэалягічнага аддзелу быў кароткі: сайт быў і будзе толькі на расейскай мове. Бо гэта не супярэчыць заканадаўству. А інтарэсы грамадзян ніхто ўлічваць не зьбіраецца.
Глыбоцкую газэту “Прэфект-інфо” аштрафавалі за парушэньне закону аб рэкляме
Штраф памерам 25 базавых велічынь прысудзіў судзьдзя Глыбоцкага суду Андрэй Тарасевіч. Падставай для спагнаньня стаў пратакол, складзены супрацоўніцай упраўленьня гандлю і паслуг Віцебскага аблвыканкаму Жаннай Лістападавай. У пратаколе пазначана, што ў адным з нумароў газэты за кастрычнік мінулага году былі дапушчаныя некалькі парушэньняў Закону аб рэкляме.
Алена Каваленка пакараная штрафам у памеры 20 базавых велічынь
Гэткае пакараньне прысудзілі віцебскай актывістцы за пікет супраць удзелу ва ўжо мінулых мясцовых выбарах, які адбыўся 22 сакавіка ў Віцебску. Працэс у Першамайскім райсудзе працягваўся менш за паўгадзіны.
Доктар Пастноў паехаў у Расею да незалежных экспэртаў-псыхіятраў
Віцебскі лекар Ігар Пастноў паехаў у Маскву да незалежных экспэртаў расейскай псыхіятрыі. У інтэрвію сайту freeregion.info Пастноў заявіў, што едзе ў Расею “для ўдакладненьня дыягназу, пастаўленага віцебскімі псыхіятрамі”. “Але самае галоўнае, там будзе вырашацца абгрунтаванасьць (і мэтадаў лячэньня) пры маёй гвалтоўнай шпіталізацыі”, — сказаў ён.