Віцебскім рэгіёне колькасць рэпрэсіі павялічылася ў параўнанні з пратэстнымі 2020-21 гадамі
Пра гэта распавяла прадпрымальніца з Полацка Таццяна Шостак, якая выйшла 25 листапада з-пад варты. Жанчына адсядзела 30 сутак, за спробу перадаць уладам петыцыю ад гарадскіх ІП.
На Віцебшчыне патрабуюць зрабіць мемарыяльную дошку Караткевічу па-беларуску
На сайце petitions.by з’явілася петыцыя з патрабаваннем перарабіць мемарыяльную дошку, адчыненую 25 лістапада на аршанскай СШ №3. Адкрыццё дошкі было прымеркавана да сёлетніх угодкаў аршанскага ўраджэнца, вядомага літаратара Уладзіміра Караткевіча. На дошцы ёсць цытата з ягонага верша, аднак астатні тэкст – пра тое, што школа №3 носіць імя славутага земляка – напісаны па-расейску. Шмат хто палічыў такое стаўленне да дзеяча беларускай культуры абразлівым, і ў выніку нарадзілася петыцыя.
Жонка Алеся Бяляцкага пра рэакцыю мужа на Нобелеўскую прэмію міру: "Ён моцна ўражаны гэтай навіной"
Старшыня Праваабарончага цэнтра "Вясна" Алесь Бяляцкі ўтрымліваецца ў СІЗА-1 ужо сямнаццаць месяцаў. Там жа праваабаронца дазнаўся, што ён стаў лаўрэатам Нобелеўскай прэміі міру. Але на цырымонію ўручэння ён патрапіць не зможа — крымінальную справу супраць яго і іншых вясноўцаў накіравалі ў суд. У Беларусі Нобелеўскаму лаўрэату пагражае ад 7 да 12 гадоў зняволення за праваабарончую дзейнасць. Жонка Алеся Бяляцкага Наталля Пінчук распавяла "Вясне", як яна ўспрыняла навіну пра прэмію і як гэта ўспрыняў сам Алесь, падзялілася меркаваннямі, ці паўплывае яна на яго сітуацыю і як цяпер адчувае сябе Алесь.
Палітзняволенага Максіма Знака адправілі ў памяшканне камернага тыпу
Пра тое, што былога адваката па рашэнню адміністрацыі папраўчай калоніі №3 змясцілі ў памяшканне камернага тыпу, стала вядома 2 снежня. Раней яго тройчы змяшчалі ў штрафны ізалятар карнай установы “Віцьба”, дзе ён адбывае пакаранне.
Сярод затрыманых у Мёрах – знакаміты настаўнік і краязнаўца Вітольд Ермалёнак
30-га лістапада ў Мёрах папрацаваў ГУБАЗіК : пасля ператрусаў было затрымана ад 11 да 13 чалавека. Вядома, што затрыманні праводзіліся на Мёрскім металапракатным заводзе, а таксама сілавікі прыйшлі яшчэ да некалькіх жыхароў райцэнтру. Сярод тых, хто трапіў за краты, адзін з самых знакамітых жыхароў усяго Мёрскага раёну – настаўнік найвышэйшай катэгорыі, стваральнік некалькіх музеяў, кіраўнік музейнага абʼяднання «Спадчына Міёрскага краю» Вітольд Ермалёнак. Між іншым, лаўрэат дзяржаўнай прэміі «За духоўнае адраджэнне», уганараваны ў 2010-м годзе званнем «Чалавек года Віцебшчыны».
Старшыня аблсавета вучыў школьнікаў любіць Радзіму
Расейскае выслоўе «научат Родину любить» вырашылі ўвасобіць у практыку на Віцебшчыне : тут запачаткаваны праект «Урок с депутатом». На такі ўрок, які адбыўся ў канцы лістапада, па разнарадцы сабралі «актыў старэйшых класаў» школ Першамайскага раёну, а ў ролі настаўніка выступіў старшыня Віцебскага абласнога Савета дэпутатаў Уладзімір Цярэнцьеў. Па сумяшчальніцтву ён з’яўляецца і кіраўніком абласной структуры РГА «Белая Русь». Назва тэмы «урока» са «зборным класам» гучала наступным чынам: «Это наша страна, это наша история». Выкладанне вялося, як і можна было чакаць, на расейскай мове.
Спецдакладчыкі ААН разгледзяць зварот з нагоды затрымання Валянціны Болбат
25 лістапада суддзя Зінаіда Балаболава Наваполацкага гарадскога суда арыштавала Валянціну Болбат на 10 сутак паводле арт. 19.11 (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць) КаАП РБ. З нагоды рэпрэсіўнага рашэння суда, была складзена і накіравана скарга ў рамках Спецыяльных працэдур да Рады па правах чалавека на факту затрымання і арышту актывісткі апазіцыйнага руху “За Свабоду” Валянціны Болбат.
«Витебские вести» надрукавалі зняважлівы артыкул пра палітвязня Аляксандра Патапава
Цягам гэтага году абласная дзяржаўная газета перыядычна размяшчала артыкулы, дзе ў ананімных героях няцяжка пазнаць мясцовых палітзняволеных. Аўтар у гэтых артыкулаў адзін і той самы, журналіст Яўгеній Карпас, які піша матэрыялы паводле інфармацыі з пракуратуры па палітычных справах. Ягоныя тэксты вызначаюцца падкрэслена грэблівымі інтанацыямі, калі вядзецца пра нязгодных з тым, што робіцца ў Беларусі, асабліва пасля падзей 2020г. Ананімным героем апошняга артыкула супрацоўнік дзяржаўнай газеты зрабіў палітвязня Аляксандра Патапава – 68-гадовага ўкраінца, які даўно жыве на Віцебшчыне.
Віцебскія ўлады пазбавілі рэгістрацыі паўтара дзясятка спартыўных арганізацый
За 2022 год намаганнямі чыноўнікаў у Віцебскай вобласці было ліквідавана 15 грамадскіх аб'яднанняў, якія садзейнічалі развіццю і папулярызавалі розных відаў спорту. Гэта можна назваць апошнім этапам знішчэння арганізацый, якія складаюць грамадзянскую супольнасць паўночнага рэгіёну Беларусі. Ініцыятарам закрыцця гэтых арганізацый стала Галоўнае ўпраўленне юстыцыі Вітаблвыканкама, якім кіруе Сяргей Канапелька, а судовыя рашэнні па ліквідацыі грамадскіх аб'яднанняў прымалі суддзі Віцебскага абласнога суда, які ўзначальвае Аляксандр Федзюкевіч.
Палітзняволеная Ірына Паляніна з Паставаў выйшла на волю
Жанчына адбыла 2 гады ў калоніі агульнага рэжыму. У красавіку 2021 г. яе асудзілі паводле арт. 369 Крымінальнага кодэкса (Абраза прадстаўніка ўлады) і арт. 295 Крымінальнага кодэкса (Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў). Суд над Ірынай Палянінай запомніўся сутнасцю абвінавачання паводле другога артыкула: падчас агляду жытла ў яе знайшлі некалькі патронаў, што засталіся ад бацькі. У заяве пра прызнанне Палянінай палітзняволенай праваабаронцы звярнулі ўвагу на празмернасць пакарання ў параўнанні з іншымі абвінавачанымі па такім самым артыкуле і патлумачылі гэта наяўнасцю іншага, «палітычнага» артыкула 369.