Старшыня Віцебскай абласной арганізацыі ЛДПБ Ігар Цеплякоў падзяліўся сваім меркаваннем пра законапраект «Аб зменах у законах па пытаннях дзейнасці палітычных партый і іншых грамадскіх аб’яднанняў». На ягоную думку, дзейнасць палітычных партый не павінна дэстабілізаваць абстаноўку ў краіне, «як адбылося ў 2020-м годзе». Без спасылак на хоць якія крыніцы і не называючы канкрэтных грамадскіх утварэнняў, Цеплякоў заяўляе, што «шэраг партыяў, якія займалі радыкальную ў адносінах да ўладаў пазіцыю, спрабавалі «расшатаць рэжым», а фактычна ішлі супраць дзяржаўнага ладу», падпарадкуючыся «замежным «замоўнікам» смуты».

У Глыбоцкім аддзеле Дэпартамента аховы 7 лютага адбылося так званае адкрыццё Тыдня добраахвотных дружын і моладзевага атрада аховы правапарадку. Семінар-нараду ўзначальвалі начальнік аддзела ўнутраных спраў Глыбоцкага райвыканкама Сяргей Стэльмах, які, дарэчы, не так даўно быў прызначаны на гэтую пасаду.

Традыцыйна, на пачатку года, выйшла рэгіянальное выданне "Шэрая кніга", у якой падаецца хроніка парушэнняў правоў чалавека ў Віцебскім рэгіёне са студзеня па снежань 2022 года. Аб’ём кнігі складае 84 старонакі, на якіх распавядаецца пра 242 выпадка парушэння ўладамі грамадскіх і палітычных правоў жыхароў вобласці. Калі параўноўваць з мінулым годам, колькасць зафіксаваных парушэнняў у Віцебскай вобласці засталось на тым жа ўзроўні.

Яшчэ зусім нядаўна больш як 30 расонскіх аграсядзіб чакалі гасцей, а іх гаспадары мелі магчымасць зарабіць грошы для сем’яў і на развіццё прыватнага бізнесу. Але змены ў заканадаўстве, прынятыя ў апошнія гады, карэнным чынам паўплывалі на магчымасці людзей утрымліваць турыстычную гаспадарку. Аграсядзібаў засталося ўсяго 7. Як цвердзяць у райвыканкаме, у гэтай справе засталіся самыя апантаныя і дасведчаныя гаспадары. Але найхутчэй тыя, хто ўжо даўно і трывала «стаіць на нагах», і мае сродкі на задавальненне ўсё новых прэтэнзій з боку дзяржавы.