Менскі СІЗА перапоўнены, таму палітвязня Васіля Бераснева перавялі ў Магілёў
Васіль Бераснеў, праваабаронца і лідар аршанскай філіі незалежнага прафсаюзу радыёэлектроннай прамысловасці (РЭП), выканаўца абавязкаў старшыні прафсаюзу РЭП, асуджаны да да 9 гадоў пазбаўлення волі ва ўмовах узмоцненага рэжыму, нечакана знік з Менскага СІЗА. У гэтай установе ён мусіў знаходзіцца пасля суду, пакуль ідзе час абскарджання прысуду і пакуль не будзе прынята рашэнне наконт месца адбыцця пакарання. Праз колькі дзён праваабаронцы высветлілі, што 73-гадовага палітвязня перавялі ў Магілёў.
На Віцебшчыне прыцягнуты да адказнасці 34 работнікі за неналежнае выкананне патрабаванняў заканадаўства пры рабоце з грамадзянамі
Як паведамляе Камітэт дзяржкантролю Віцебскай вобласці, у 2022 годзе паступіла 534 звароты грамадзян і юрыдычных асоб. Праведзена 38 прамых тэлефонных ліній і 20 выязных прыёмаў. Па выніках кантролю за выкананнем патрабаванняў заканадаўства пры рабоце з грамадзянамі прыцягнуты да адказнасці 34 работнікі.
У судзе па справе "Вясны" скончылі вывучаць усе 284 тамы справы і допыталі абвінавачаных. Хутка спрэчкі бакоў
У судзе Ленінскага раёна Мінска ўжо месяц адбываецца разгляд крымінальнай справы супраць старшыні "Вясны" і Нобелеўскага лаўрэата Алеся Бяляцкага, ягонага намесніка і віцэ-прэзідэнта FIDH Валянціна Стэфановіча, каардынатара кампаніі "Праваабаронцы за свабодныя выбары" Уладзіміра Лабковіча і праваабаронцы Дзмітрыя Салаўёва (завочна). Стадыя абвяшчэння пісьмовых матэрыялаў па справе "Вясны" скончылася — агучаны ўсе 284 тамы. Хутка будуць: спрэчкі бакоў, апошнее слова абвінавачаных і агучаны прысуд.
Тэхніка не ачышчаная ад бруду, а каровы могуць захварэць з-за адсутнасці посцілкі ды дрэннага корму
Кантралёры ад дзяржавы па Віцебскай вобласці, у снежні 2022 года выявілі парушэнні пры пастаноўцы тэхнікі на захоўванне ў гаспадарках Мёрскага, Лепельскага, Сенненскага, Чашніцкага і Шумілінскага раёнаў.
Палітвязень Віктар Бабарыка знаходзіцца ў ізаляцыі
Блогер Аляксандар Кабанаў распавёў, як адбывае пакаранне Віктар Бабарыка пакаранне ў наваполацкай папраўчай калоніі №1. Пра гэта піша “Радыё Свабода”.
Улады імкнуцца стварыць ілюзію ўплыву простых віцяблян на жыццё гораду
Днямі жыхарам Віцебску прапанавалі ўзяць удзел у конкурсе на стварэнне талісмана гораду. Пазнавальныя персанажы-талісманы, або маскоты, звычайна выкарыстоўваюцца для вулічнай рэкламы, і ў некаторых еўрапейскіх гарадах такія скульптурныя фігуркі прывабліваюць гасцей-турыстаў. Што да Віцебску, то ва ўмовах конкурсу на стварэнне гарадскога талісмана няма абмежаванняў па ўзросце, узроўні мастацкай падрыхтоўкі, і нават рэгіён пражывання не мае значэння. Праўда, і годных узнагародаў пераможцам, чые працы будуць усталяваны на віцебскіх вуліцах або стануць узорамі для стварэння сувенірнай прадукцыі, ніхто не абяцае – ім уручаць толькі памятныя дыпломы.
Паспяховы інфармацыйны праект у Youtube» пад назвай "Вейшнорыя" працягвае набіраць абароты
Нягледзячы на намаганні міліцыі і спецслужбаў зачысціць інфармацыйную прастору, незалежныя СМІ выжылі і працягваюць працу па зборы і распаўсюджванні незалежнай інфармацыі для жыхароў Беларусі. Пачынаючы са жніўня 2020 года ўлады закрылі доступ для грамадзян да дзясяткаў інфармацыйных рэсурсаў, якія суды прылічылі да «экстрэмісцкіх матэрыялаў».
Полацкі міжрэгіянальны дзяржкантроль падвёў вынікі сваёй працы
Па выніках года праведзены 4 праверкі і 12 маніторынгаў. Спагнана ў бюджэт 120,3 тыс. руб. Кампенсавана сродкаў дзяржаўным арганізацыям 1,4 млн. руб. Прыцягнута да адміністрацыйнай і дысцыплінарнай адказнасці 73 чал. Фактычна арганізацыя займалася дубляваннем працы пракуратуры Віцебскай вобласці.
Чаго баяцца жыхары Віцебску і як іх спрабуюць супакоіць абяцанкамі
Паводле сацыялагічнага анлайн-апытання Беларускага інстытута стратэгічных даследаванняў, віцяблян найбольш турбуе іхнае эканамічнае становішча, якое яны лічаць няпэўным. Найбольшую колькасць жыхароў гораду турбуе іхны ўзровень прыбыткаў і верагоднасць яго падзення, а таксама рост цэнаў на тавары першай неабходнасці. Траціна апытаных адзначае ў якасці чыннікаў, якія ўплываюць на іхнае жыццё, праблемы, звязаныя з працай прадпрыемстваў і беспрацоўе, дакладней, дэфіцыт працоўных месцаў з годнымі заробкамі.
На Шаркаўшчыне ўлады слаба дапамагаюць грамадзянам знайсці працу
За мінулы год у шаркаўшчынскую камісію па садзейнічанні працаўладкавання звярнулася 68 грамадзян, уладкавалі на працу толькі 12. У Віцебскай вобласці гэта адзін з самых нізкіх паказчыкаў працы мясцовых выканкамаўцаў па ліквідацыі беспрацоўя.