Працуюць профі чорнай справы». Рэктарка ВДУ разважае пра негатыўны ўплыў Захаду на беларускую моладзь
Рэктарка Віцебскага дзяржаўнага ўніверсітэту Валянціна Багатырова мае навуковае званне доктара эканамічных навук. Тэма ейнай доктарскай дысертацыі – «Финансовое управление воспроизводством человеческого капитала: теория, методология, моделирование». Але менавіта спадарыні Багатыровай абласная газета «Витебские вести» дала «трыбуну» для выкладання тэзаў пра выхаванне сучаснай моладзі, якая «заблыталася ў сусветнай павуціне». Свае развагі рэктарка пачала з «узнікнення нефармальных груповак кшталту «ЧВК «Родан», а скончыла падзеямі 2020г., калі «праз сацыяльныя сеткі» патаемныя ворагі «уздзейнічалі на палітычныя ўстоі і грамадскія меркаванні юных беларусаў».
«Пекла - гэта мы самі»
Палітвязень і анархіст Яўген Рубашка, які родам з Глыбокага, асуджаны да пяці гадоў калоніі, у лісце на волю падзяліўся як адміністрацыя калоніі цісне на "палітычных".
Мандат місіі УВКПЧ ААН па сітуацыі ў Беларусі працягнуты на адзін год
На 52-й сесіі ААН прынялі рэзалюцыю Савета па правах чалавека пра Становішча ў галіне правоў чалавека ў Беларусі напярэдадні прэзідэнцкіх выбараў 2020 і пасля. Гэта значыць, што мандат місіі УВКПЧ ААН (examination mission) па разгляду сітуацыі з правамі чалавека ў Беларусі працягнуты яшчэ на адзін год.
Кіраўнік памежнай службы Латвіі сцвярджае, што беларускія ўлады прапануюць нелегалам узброіцца
Начальнік Дзяржаўнай памежнай аховы Латвіі Гунтыс Пуятс у эфіры латвійскага тэлебачання заявіў, што яму паступалі звесткі пра спробы беларускага боку ўзброіць мігрантаў. Латвійскім памежнікам не хопіць рэсурсаў, каб эфектыўна ахоўваць дзяржаўную мяжу працягласцю 170 км, якая праходзіць у асноўным з Віцебскай вобласцю. Пакуль жа ў студзені памежнікі зафіксавалі 344 спробы парушэння мяжы, у лютым 377, а ў сакавіку — 556.
У жыхара Латвіі забралі аўтамабіль за перавозку праз мяжу сямі галубоў
Суд Кастрычніцкага раёну Віцебску асудзіў пенсіянера, жыхара Даўгаўпілса, за перавозку цераз мяжу Еўразвязу сямі жывых галубоў хатніх парод «з выкарыстаннем тайніка ў задняй частцы столі аўтамабіля» без дэкларавання на мытні. За парушэнне мытнага заканадаўства суд прызнаў жыхара Латвіі вінаватым паводле ч.2 арт.15.1 КаАП. У судзе ён цалкам прызнаў сваю віну.
Палітвязня Юрыя Гладчука накіравалі адбываць пакаранне ў ПК 1
Юрый Гладчук, рэдактар спецпраектаў аўтамабільнага парталу «Аўтабізнэс», у снежні мінулага году быў асуджаны да двух з паловай гадоў пазбаўлення волі ў калоніі агульнага рэжыму паводле арт. 342 Крымінальнага кодэксу (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) і арт. 368 Крымінальнага кодэксу (Абраза прэзідэнта Рэспублікі Беларусь). У Наваполацкую калонію яго этапавалі напрыканцы сакавіка.
На Віцебшчыне суды працягваюць “генацыдзіць” незалежныя інфармацыйныя рэсурсы
За тры месяцы 2023 года суды Віцебскай вобласці прызналі 32 інфармацыйных рэсурсаў, якія распаўсюджвалі “экстрэмісцкія матэрыялы”. За гэты час у рэпрэсіях супраць свабоды распаўсюджвання інфармацыі ў сетцы Інтэрнэт прынялі ўдзел суддзі 12-ці раённых судоў рэгіёна. Палова ўсіх рашэнняў, то бок 16-ць, прышлося на суд Кастрычніцкага раёну Віцебска.
Палачанаў інтэгруюць у «расейскі літаратурны свет»
У Полацкім каледжы ВДУ імя Машэрава прэзентавалі нумар маскоўскага часопіса «Литературные знакомства», дзе існуе рубрыка «Книга в журнале», і апошнія з іх – «Полоцкая литературная тетрадь». Паводле выдаўцоў, у яе ўвайшлі творы 25-ці расейскамоўных аўтараў, удзельнікаў літаратурных суполак «Литературный ковчег», «Полоцкая ветвь» і «Наддзвінне». Навучэнцаў і грамадскасць гораду запрасілі на знаёмства з досыць спецыфічным выданнем і светапоглядам аўтараў, якія лічаць сябе прадстаўнікамі расейскага літаратурнага свету ў Беларусі.
У Варшаве злаўмыснік з нажом зрабіў напад на беларускага палітыка Сяргея Каваленку
26 сакавіка, падчас таго як Сяргей ішоў на прабежку, на яго быў здзейснены напад. Абараняючы сваё жыцьцё, Каваленка атрымаў чатыры нажавых раненні, быў шпіталізаваны з глыбокімі парэзамі ногі сярэдняй цяжкасці, якія прывялі да частковай страты працаздольнасці.
Віцебскія газеты працягваюць ствараць ажыятаж вакол паслання Аляксандра Лукашэнкі
Напярэдадні 31 сакавіка, калі зварот Лукашэнкі быў заяўлены ў праграме дзяржаўнага тэлебачання, віцебская дзяржаўная прэса пачала публікаваць матэрыялы пра тое, «чаго чакаюць ад паслання» жыхары розных рэгіёнаў. Цяпер ракурс змяніўся: у газетах пачалі з’яўляцца публікацыі пра тое, якія ўражанні атрымалі ад паслання ўдзельнікі чыноўніцкіх дэлегацый, што слухалі Аляксандра Лукашэнку непасрэдна, і шараговыя грамадзяне – гледачы трансляцыі па БТ.