Старшыня Віцебскага аблвыканкама патлумачыў, чаму не вядзе сацсеткі
Справа “не столько в отсуствии времени”, патлумачыў Аляксандр Субоцін ў інтэрв’ю “вядомым віцебскім блогерам” - як пра яго пісалі ў дзяржаўных СМІ. Ен непакоіцца, што яго словы, прачытаныя ў інтэрнэце “особенно подготовленными людьми”, будуць “вывернуты наизанку”. Але старшыня райвыканкаму разумее, што ў наш час “калі цябе няма ў інтэрнэце, то цябе няма ўвогуле”. Таму, пэўна, і пагадзіўся на інтэрв’ю з суразмоўцамі, пра якіх - асобная размова.
Лазню зноў не адчыняць у абяцаны тэрмін
”Притча во всеязыцех” - так назваў гісторыю будаўніцтва лазнева-аздараўленчым комплексе па вул. Воінаў-Інтэрнацыяналістаў у Віцебску старшыня аблвыканкама Аляксандр Субоцін. Гэты аб’ект будуюць ужо 14-ты год. Паводле апошніх абяцанняў гарадскіх уладаў, ён мусіў быць адчынены ў першым квартале 2025 года. Але чакаць адкрыцця і зараз не выпадае.
Вывучэнне думкі грамадзян - з недасканалымі параметрамі
Ушацкі райвыканкам запрасіў землякоў выказаць меркаванне пра адвядзенне тэрыторыі пад новыя могілкі. Пра гэта напісала раённая газета, праўда, без асаблівых уладкладненняў наконт захавання інтарэсаў грамадзян у гэтым пытанні. На афіцыйныя сайце райвыканкама ніякай інфармацыі ўвогуле пра гэта няма.
Да меркавання грамадскасці не прыслухаліся
У Віцебску ў апошнія гады актыўна ўшчыльняюць гарадскую забудову, узводзячы новыя дамы “вокны ў вокны” са збудаванымі раней. Пратэставаць супраць гэткага ўшчыльнення спрабавалі жыхары дома №105 корп.1 па Маскоўскім праспекце - побач з іх домам вырашылі ўзводзіць яшчэ адну шматпавярхоўку.
У экстрэмісцкі пералік на сайце МУС уключылі глыбачан Ігара Шкетава і Рамана Васілевіча
Абодва сёлета з лютым былі асуджаны паводле ч.1 арт.342 КК (арганізацыя групавых дзеянняў, якія груба парушаюць грамадскі парадак, альбо актыўны ўдзел у такіх дзеяннях). Іх прызналі вінаватымі за ўдзел у пратэстах 2020 года. Усяго такіх абвінавачанняў супраць глыбачан - мінімум 7. Пяць чалавек ужо асудзілі, яшчэ дваіх будуць судзіць на наступным тыдні.
У Расонах новая загадчыца аддзела адукацыі. Што пра яе вядома?
З канца лютага пасаду загадчыка аддзела па адкуцыі, спорту і турызму займае Святлана Сяляўская. Цікава адсачыць, які набор якасцяў мусіць мець чыноўнік, прызначаны на гэтую пасаду. У выпадку са Святланай Сяляўскай ён стандартны.
Праект “Пра Віцебск” прызналі «экстрэмісцкім фармаваннем»
Інфармацыя пра гэта на сайце Міністэрства ўнутраных спраў з’явілася толькі 5 сакавіка 2025 года. Хаця адпаведнае рашэнне КДБ прыняў яшчэ 28 лютага. Несвоечасовае паведамленне пра ўключэнне ў «Пералік арганізацый, фрмаванняў, індывідуальных прадпрымальнікаў, датычных да экстрэмісцкай дзейнасці» магло дорага каштаваць падпісчыкам інтэрнэт-рэсурсаў праекта.
У Наваполацку разбіраюць 2 крымінальныя справы за пратэсты 2020-га
4 сакавіка ў гарадскім судзе Наваполацка праходзяць два судовыя працэсы паводле ч.1 арт. 342 Крымінальнага Кодэкса ( арганізацыя і падрыхтоўка дзеянняў, якія груба парушаюць грамадскі парадак, аб ўдзел у іх).
За “распаўсюд экстрэмізму” судзілі жонку, цяпер мужа
4 сакавіка ў раскладзе суда Кастрычніцкага раёна Віцебска з’явілася нетыповае для Беларусі імя - Хорхе Эліэсер Даса Гайтан. Мужчыну, які працуе лекарам, судзяць паводле ч.2 арт.19.11 КаАП. У мінулым месяцы той самы суд разбіраў справу Вольгі Даса Гайтан, распачатую паводле таго самага артыкула.
Кіраўніка турыстычнай фірмы «Віцебск-МегаТур» судзяць за аватаркі ў Фэйсбуку
У раскладзе суда Першамайскага раёна Віцебска на 4 сакавіка фігуруе імя і прозвішча Андрэя Красько - дырэктара ПГУП «Віцебск-МегаТур». На яго складзены два адміністрацыйныя пратаколы - за “несанкцыянаванае масавае мерапрыемства”, якое ён нібыта праводзіў у сацсетках, і за “распаўсюд -экстрэмізму”, таксама ў Інтэрнэт-прасторы. За такое ж правапарушэнне ў гэтым судзе разбіраюцца справы яшчэ двух чалавек.