Раптоўна пайшла з жыцця віцебская актывістка Ірына Яскевіч
Гэтую жыццялюбівую, яркую жанчыну шмат хто ведаў у Віцебску. У 2014-18 гадах яна была лідаркай прадпрымальніцкага руху, адстойвала правы індывідуальных прадпрымальнікаў і тых, хто гандляваў на віцебскіх кірмашах. Яна стала ініцыятаркай стварэння незалежнага прафсаюзу “Разам”, актывісты якога патрабавалі зменаў у заканадаўстве, якое абмяжоўвала правы занятых прыватным прадпрымальніцтвам, была сябрам Нацыянальнага камітэта АГП, актыўна ўдзельнічала ў выбарчых кампаніях рознага ўзроўню - і ў якасці кандыдаткі, і ў складзе ініцыятыўных груп іншых актывістаў.
Яшчэ двое жыхароў Віцебшчыны - у "экстрэмісцкім" пераліку на сайце МУС
Адзін з іх, 41-гадовы Аляксандр Рыбчанка, - былы дырэктар вясковай школы на Лёзненшчыне, асуджаны за "садзейнічанне экстрэмісцкай дзейнасці". Другі - 44 -гадовы Юрый Андрукін, ураджэнец Браслава, асуджаны за "публічную абразу прэзідэнта ".
Мікіту Лосіка асудзілі на тры гады "хіміі" за фота расійскай ваеннай тэхнікі ў Оршы
26-гадовага Мікіту Лосіка затрымалі ў Оршы ў пачатку красавіка 2025 года, прычынай затрымання стала так званая справа «Беларускага Гаюна». Лосіка абвінавацілі ў садзейнічанні экстрэмісцкай дзейнасці". Суд над ім скончыўся 8 чэрвеня.
Полацкія піянеры зрабілі “пазітыўныя надпісы” на ходніках
Гэтая ініцыятыва Дзіцячай палаты ГА “БРПА” ў мясцовай газеце названая “невялікай, але значнай”. Сэнс яе ў тым, што на асфальце і на брукаванцы з’явіліся надпісы, зробленыя каляровай крэйдай, кшталту “Всё будет хорошо”, “Улыбнись” і гд. Сапраўды, можна было б бесклапотна ўсміхнуцца, але прыгадваюцца судовыя працэсы 2020-га, калі за надпісы на ходніках людзей каралі як за “несанкцыянаванае пікетаванне”, “псаванне маёмасці” і “хуліганства”.
YouTube-канал «Настоящая Беларусь» прызнаны "экстрэмісцкім"
У Рэспубліканскі спіс экстрэмісцкіх матэрыялаў 4 ліпеня дадалі YouTube-канала «Настоящая Беларусь» віцебскай блогеркі Алены Янушкоўскай. Рашэнне прызнаць рэсурс "экстрэмісцкай інфарацыйнай прадукцыяй" 26 чэрвеня прыняў суд Бярозаўскага раёна Брэсцкай вобласці.
TikTok стаў апошняй надзеяй
Жыхарка вёскі Альхавік Лёзненскага раёна зняла ролік пра абсалютна непрыдатную для праходу і праезду вясковую дарогу. У гэтым роліку Галіна Лукашэнка звяртаецца да свайго знакамітага цёзкі па прозвішчы - з просьбай, каб паспрыяў з рамонтам. Бо мясцовыя ўлады на просьбы мясцовых жыхароў не рэагуюць, хаця ліст з подпісамі 14 чалавек пайшоў і сельвыканкам, і ў Лёзненскі райвыканкам. Пакуль адгукнулася на просьбу пра дапамогу толькі раённай газета “Голас Сенненшчыны”, і тое вельмі своеасаблівым чынам.
Падобна, за хабарніцтва затрыманы дырэктар віцебскага УКБ
Тэлеграм-канал “Витебск, я гуляю” звярнуў увагу на паведамленне МУС пра затрыманне 40-гадовага “кіраўніка дырэктара будаўнічага прадпрыемства”. Паводле высновы рэсурса, затрыманы - Артур Строд, дырэктар Віцебскага ўпраўлення капітальнага будаўніцтва. І яго затрыманне звязанае з самым скандальным гарадскім аб’ектам - лазневым комплексам “Южный”, які 14 гадоў быў знакамітым віцебскім “даўгабудам”. Апошнія два гады мясцовыя ўлады абяцалі яго адчыніць любым коштам, і адкрыццё адбылося літаральна тыдзень таму.
Трох жыхарак Лёзненскага раёна судзілі за "распаўсюд экстрэмізму"
Выглядае, што 19 чэрвеня лёзненскія міліцыянты праводзілі "спецаперацыю". У гэты дзень былі выяўлены падпіскі на "экстрэмісцкія" Telegram-каналы адразу ў трох жанчын - жыхарак Лёзна, аграгарадкоў Зубкі і Надзёжына.
Жыхара Бешанковічаў будуць судзіць за татуіроўку, зробленую ў турме 18 год таму
Пракуратура Віцебскай вобласці накіравала ў суд Віцебскага раёна справу 37-гадовага мужчыны, які, паводле следства, “неаднаразова публічна дэманстраваў нацысцкую сімволіку”. Пад ёй маецца на ўвазе татуіроўка на безыменным пальцы левай рукі, якую мужчына набіў яшчэ ў 2007 годзе ў месцах пазбаўлення волі.
Што падарыў Віцебску “мецэнат года” Андрэй Сідараў?
28 чэрвеня ў абласным цэнтры адбылося ўганараванне званнем “Віцябчанін года”. Традыцыйна яно адбываецца ў некалькіх намінацыях, і сярод іх - званне “Мецэнат года”. І ўжо другі год запар гэтае званне надаюць Андрэю Сідараву, дырэктару прыватнага вытворча-гандлёвага ўнітарнага прадпрыемства «Витстройтехмаш». У гараджан пытанне: за якія заслугі ён атрымаў гэтае званне? Дарэчы, Андрэй Сідараў атрымаў яго ўжо трэці раз: упершыню яго назвалі самым выбітным мецэнатам у 2017 годзе.