Дакумэнтальна-мастацкую выставу “Праўда пра Курапаты” прэзэнтавалі ў Віцебску 6 верасьня вядомы гісторык і журналіст Марат Гаравы і мастак Генадзь Драздоў. Дакумэнты і фотаздымкі, паказаныя на выставе, зьбіраліся цягам 20 гадоў. Імпрэза адбылася ў віцебскім арт-цэнтры VZAP.

Віцебскі клюбны дом “Крылы Надзеі” існуе ў нашым горадзе крыху больш за два гады. За гэты час да яго далучыліся дзясяткі людзей, што перанесьлі розныя псыхічныя захворваньні. Частка зь іх, прайшоўшы сацыялізацыю, была працаўладкаваная.

У віцебскім арт-цэнтры VZAP адкрылася выстава ілюстрацый Паўла Татарнікава да кнігі Уладзімера Арлова “Айчына: маляўнічая гісторыя ад Рагнеды да Касьцюшкі”. На адкрыцьці прысутнічалі і мастак, і пісьменьнік. Уладзімер Арлоў прэзэнтаваў таксама іншыя свае кнігі.

У Віцебску напярэдадні 131-х угодкаў Марка Шагала адчынілася выстава, прысьвечаная ягонай жонцы – “Бэла Шагал. Партрэт жонкі мастака”. Аўтарскую экскурсію па выставе, якая экспануецца зараз у Арт-цэнтры Марка Шагала, правяла 8 ліпеня куратар праекту Людміла Хмяльніцкая.

У 1898 годзе ў будынку гарадзкога яхт-клюбу ў Віцебску адбыўся першы кінапаказ стужак славутых братоў Люм’ер. Віцебск стаў першым горадам Беларусі, які пабачыў сапраўднае кіно. 120-й гадавіне той падзеі і прысьвечаная выстава “Віцебск. Час нямых зорак”, якая адкрылася ў ратушы пры падтрымцы амбасадаў ЗША і Летувы ў Беларусі.

Старшыня Віцебскай абласной арганізацыі Беларускага саюзу мастакоў Сьвятлана Баранкоўская прэзэнтавала ў абласной бібліятэцы першую ў сваім жыцьці пэрсанальную выставу жывапісу – “Нечаканае”. Яе габэлены ведаюць усе, пра жывапіс – толькі здагадваліся. Добрая неспадзяванка!

Некалькі дзён у межах “Уік-энду па правах чалавека” ў Віцебску працавала перасоўная выстава “Кожны мае права ведаць свае правы”. 21-22 красавіка валанцёры праваабарончага цэнтру “Вясна” праводзілі па выставе, разьмешчанай у арт-цэнтры VZAP, своеасаблівыя асьветніцкія экскурсіі.

У праграме “Уік-энду”, які ладзіць у Віцебску праваабарончы цэнтар Вясна, – лекцыя і прэзэнтацыя коміксу ад кампаніі “Праваабаронцы супраць сьмяротнага пакараньня”, экскурсіі па ўнікальнай выставе і шмат іншых цікавостак. Імпрэзы пройдуць у арт-цэнтры VZAP. Уваход – бясплатны.

У Віцебскім абласным краязнаўчым музэі адкрылася афіцыйная выстава, прымеркаваная да 80-годзьдзя з дня ўтварэньня Віцебскай вобласьці. Сярод 500 экспанатаў прэзэнтуюцца некалькі дываноў Язэпа Драздовіча і праца Пётры Сергіевіча. Знайшлося месца для некалькіх фотаздымкаў Васіля Быкава і Рыгора Барадуліна…

У Віцебскім абласным краязнаўчым музэі 19 сьнежня адкрылася гістарычная выстава “Тадэвуш Касьцюшка: цана свабоды”. У межах экспазыцыі дэманструюцца 24 пляншэты з фотаздымкамі дакумэнтаў і мастацкіх прац, прысьвечаных нашаму выбітнаму земляку. Спазнаць цану свабоды паводле Касьцюшкі каштуе ўсяго 1 рубель (кошт квітка) для дарослых і 50 капеек – для дзетак і студэнтаў.