Віцебскага актывіста і прыхільніка «Краіны для жыцьця» Алега Баразну суд Кастрычніцкага раёну Віцебску пакараў за парушэньне заканадаўства аб масавых мерапрыемствах (ч.3 арт. 23.34 КаАП) штрафам у памеры 45 базавых велічынь. Суд прызнаў Баразну вінаватым у тым, што 19 чэрвеня той «стаяў у ланцужку людзей, якія выказвалі пратэст».

Апублікавана ў Суд

У Віцебску 1 чэрвеня адбыліся суды над чатырма прыхільнікамі блогера Ціханоўскага, затрыманымі напярэдадні. Іх абвінавацілі ва ўдзеле ў несанкцыянаваным пікетаваньні з выкарыстаньнем плякату «Свабоду Ціханоўскаму!» і выявы перакрэсьленага таракана. Актывістаў затрымалі зранку 31 траўня – перад пачаткам масавага пікету для збору подпісаў за Сьвятлану Ціханоўскую.

Апублікавана ў Суд

Суд Чыгуначнага раёну Віцебску 19 траўня пакараў віцябляніна Алега Баразну штрафам у памеры 30 базавых велічынь за ўдзел у стрыме блогера Сяргея Ціханоўскага. Судзьдзя палічыла, што Баразна, адказаўшы на пытаньне блогера, паўдзельнічаў у несанкцыянаваным пікетаваньні і парушыў тым самым заканадаўства аб масавых мерапрыемствах (ч.1 арт. 23.34).

Апублікавана ў Суд

Суд Чыгуначнага раёну Віцебску прызнаў удзельніка «кармленьня галубоў» віцябляніна Алега Баразну вінаватым у парушэньні заканадаўства аб масавых мерапрыемствах (арт. 23.34 КаАП) і аштрафаваў яго на 20 базавых велічынь. Ноч з 7 на 8 траўня мужчына правёў у ізалятары часовага ўтрыманьня. У суд яго не прывозілі – паседжаньне ладзілася праз Skype.

Апублікавана ў Суд

Адзін з удзельнікаў «кармленьня галубоў» у Віцебску Алег Баразна быў затрыманы 7 траўня супрацоўнікамі міліцыі каля свайго дому. Мужчыну адвезьлі ў РАУС Чыгуначнага раёну і склалі на яго пратакол за парушэньне заканадаўства аб масавых мерапрыемствах (ч.1 арт. 23.34 КаАП). Пазьней стала вядома пра яшчэ аднаго затрыманага.