- Вы тут:
-
Галоўная
- Вясна
- Катэгорыя: Вясна
Пракуратура Гомельскай вобласці адказала на скаргу юрыста ПЦ "Вясна" Аляксея Лойкі на парушэнне права праваабаронцы Леаніда Судаленкі атрымліваць і адпраўляць карэспандэнцыю.
- Катэгорыя: Вясна
Суд Фрунзенскага раёна Мінска 21 траўня пачаў разгляд крымінальнай справы 46-ці гадовага Андрэя Думанскага, якога абвінавачваюць у абразе супрацоўніка АМАПу. Санкцыі артыкула 369 Крымінальнага кодэксу за абразу прадстаўніка ўлады прадугледжваюць пакаранне грамадскімі працамі, або штрафам, або папраўчымі работамі на тэрмін да двух гадоў, або арыштам, ці абмежаваннем волі на тэрмін да трох гадоў.
- Катэгорыя: Вясна
У судзе Маскоўскага раёна Мінска разглядаецца справа супраць 31-гадовага ютуб-блогера Аляксея Міхалкевіча паводле трох артыкулаў Крымінальнага кодэкса: ч. 2 арт. 295, ч. 1 арт. 13 ч. 2 арт. 295, ч. 3 арт. 293. Мужчыну затрымалі ў снежні мінулага года "па падазрэнні ў датычнасці да масавых беспарадкаў". Міхалкевіч здымаў відэаролікі на тэмы, звязаныя з агнястрэльнай зброяй, боепрыпасамі, выбуховымі рэчывамі і прыладамі, якія размяшчаў на сваім Youtube-канале. За гэта мужчыну абвінавачваюць у навучанні і падрыхтоўцы асоб для ўдзелу ў масавых беспарадках. Таксама падчас ператрусу ў мужчыны знайшлі зброю і выбуховыя рэчывы, за што яму інкрымінуецца артыкул 295 КК. Мужчына на судзе не прызнае віну, у тым, што навучаў людзей ва ўдзеле ў масавых беспарадках сваімі відэаролікамі, кажа, што гэта збройная тэма — хобі, якім не займаецца ўжо тры гады. Справу Міхалкевіча разглядае суддзя Сяргей Кацар, дзяржабвінавачанне падтрымлівае пракурор Фёдар Сініцкі. "Вясна" назірае за гэтым судом і распавядае абставіны ягонай справы. Аляксея Міхалкевіча супрацоўнікі ГУБАЗіК затрымалі ў в. Дарошкі Мінскай вобласці 16 снежня мінулага года "па падазрэнні ў дачыненні да масавых беспарадкаў, якія адбыліся ў Мінску". Дома і ў гаражы мужчыны правялі ператрус. Яго адразу ўзялі пад варту. Як паведамілі ў Следчым камітэце, падчас ператрусу ў Міхалкевіча знайшлі два віды сыпкіх рэчываў па 19 грам (кідальных выбуховых рэчываў), больш за тры тысячы гільзаў, больш за 70 будаўніча-мантажных патронаў кальцавога ўзгарання, больш за 400 капсулаў-узгаральнікаў, розныя віды самаробнай зброі і патронаў, у тым ліку два ваенных вінтовачных, матэрыялы для вырабу самаробных выбуховых прылад, а таксама аптычны прыцэл, паляўнічая дроб, электронныя шалі і многае іншае.
- Катэгорыя: Вясна
У Магілёве працягваецца суд над актывістамі "Еўрапейскай Беларусі" і Паўлам Севярынцам. "Крымінальная справа разглядаецца ў закрытым рэжыме, у залу суда не пусцілі нават блізкіх сваякоў", напісала "Еўрапейская Беларусь". Сярод абвінавачаных — сем чалавек, усе яны прызнаныя палітвязнямі. Сёння ўспамінаем пра адзіную дзяўчыну, якая праходзіць па гэтай справе — Ірыну Шчасную. Для гэтага "Вясна" паразмаўляла з яе мужам Аляксандрам Шчасным. Ірына Шчасная была затрымана 18 лістапада 2020 года супрацоўнікамі СК. З тых часоў яна застаецца пад вартай. Абвінавачваецца па частцы 2 артыкула 293 Крымінальнага кодэкса (Удзел у масавых беспарадках). Санкцыя артыкула — ад трох да васьмі гадоў.
- Катэгорыя: Вясна
З 19 па 21 траўня ў судах працягваюцца нешматлікія адміністрацыйныя працэсы ў дачыненні да затрыманых з-за нацыянальнай бела-чырвона-белай сімволікі (налепкі, сняжынкі ды інш), размешчанай у вокнах кватэраў і нават на аўтамабілях. Судзілі і тых, хто прыўшоў падтрымаць палітвязняў па крымінальнай "справе студэнтаў" і быў затрыманы каля Дома правасуддзя.
- Катэгорыя: Вясна
Гомельскі абласны суд разгледзеў 21 траўня апеляцыйныя скаргі асуджаных да пазбаўлення волі жыхароў Жлобіна Віктара Шмігельскага, Іллі Патрушава і Андрэя Шаўчука.
- Катэгорыя: Вясна
У Ленінскім судзе Брэста 21 траўня вынеслі прысуды па крымінальнай справы аб масавых беспарадках пасля выбараў (ч. 2 арт. 293 Крымінальнага кодэкса) 13 берасцейцам. Суддзя Андрэй Грушко асудзіў 11 палітвязняў на тэрміны ад 3,5 да 4,5 гады калоніі, дваіх непаўнагадовых — да 3 гадоў выхаваўчай калоніі. У сакавіку па гэтай справе на такія ж тэрміны асудзілі першых дзевяць чалавек. Усяго ў калонію па справе "жнівеньскіх беспарадкаў" брэсцкія суды адправілі ўжо 22 чалавекі, суды над астатнімі фігурантамі гэтай справы яшчэ чакаюцца. На лаве падсудных — 13 чалавек, 11 з якіх — палітзняволеныя. З іх двое — непаўналетнія. Таксама ў гэтай партыі судзяць 18-гадовую Віталію Бандарэнку, якую збіраліся судзіць раней, але на суд яна не з’явілася тады, бо з’ехала за мяжу. Калі вярнулася, каб пабачыць свайго каханага перад калоніяй (непаўнагадовага Дзяніса Хазея асудзілі на 3 гады выхавай калоніі, цяпер палітзняволены), яе затрымалі і змясцілі ў СІЗА №7. Як перадаюць брэсцкія праваабаронцы "Вясны", 21 траўня вынеслі наступныя пакаранні для фігурантаў гэтай справы:
- Катэгорыя: Вясна
Праваабарончы цэнтр "Вясна" працягвае збіраць факты палітычнага пераследу па ўсёй краіне. Грамдзян забіраюць з дома, затрымліваюць на працы, адбываюцца вобшукі і допыты, заводзяцца новыя палітычна матываваныя крымінальныя справы. Улады ўзмацняюць розныя формы ціску і рэпрэсій на людзей за іх актыўную грамадзянскую пазіцыю і незадаволенасць дзеяннямі ўладаў. Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:
- Катэгорыя: Вясна
Да гэтага часу ў розных гарадах следчыя працягваюць допыты сябраў праваабарончага цэнтра “Вясня”, журналістаў, грамадскіх актывістаў і проста грамадзян, якія звярталіся па дапамогу да праваабаронцаў.