У Віцебску затрымалі Барыса Хамайду. Ён выйшаў на пікет з Пагоняй
Ранкам 25 сакавіка ў Віцебску каля «сіняга дому» быў затрыманы вядомы апазіцыянер Барыс Хамайда. Ён выйшаў у цэнтр гораду на адзіночны пікет з выявай Пагоні – каб павіншаваць віцяблян з Днём волі. Супрацоўнікі МУС падышлі да пікетоўца літаральна праз некалькі хвілінаў. Барыса Хамайду затрымалі і адвезлі ў Чыгуначны РАУС Віцебску.
Затрымліваюць сябраў стачкаму ААТ «Нафтан»
23 студзеня ў Наваполацку падчас трэніроўкі ў спартовым клубе «Форвард» быў затрыманы ўдзельнік стачкі ААТ «Нафтан» Сяргей Лапуноў, паведаміла старонка «Стачкам ААТ «Нафтан» у Фэйсбуку. Паляванне на страйкоўцаў працягнулася і 24 сакавіка.
Аблава перад «народным сходам»: ператрусы і затрыманні ў Віцебску
Уначы з 9-га на 10-га лютага ў Віцебску адбыўся шэраг ператрусаў і затрыманняў. Паводле звестак праваабаронцаў, у горадзе і Віцебскім раёне прайшлі 9 начных вобшукаў, як мінімум чацвёра віцяблян затрыманыя і знаходзяцца зараз пад вартай. Меркавана, гэта была «зачыстка» перад так званым Усебеларускім народным сходам.
У Віцебску затрымалі студэнта Цімафея Журкевіча. Адбыўся ператрус
У Віцебску 16 студзеня адбыўся ператрус у студэнта ВДТУ Цімафея Журкевіча. Міліцыянты забралі жорсткі дыск камп'ютара і тэлефон. Самога Цімафея затрымалі, ён знаходзіцца ў ізалятары часовага ўтрымання (ІЧУ). Паводле маці студэнта, ператрус праходзіў у межах крымінальнай справы: следчыя шукаюць доказы датычнасці да яе Цімафея Журкевіча.
У Дуброўне затрымалі Міхаіла Чамураку. Прайшлі вобшукі: забралі белыя і чырвоныя балонікі
15 студзеня ў Дуброўне міліцыя затрымала 38-гадовага прадпрымальніка і актывіста Міхаіла Чамураку. Мужчыну вінавацяць у тым, што ён у грамадскім месцы райцэнтра вывесіў бел-чырвона-белыя стужкі. У доме актывіста і ў яго сваякоў прайшлі ператрусы. Канфіскаваныя паветраныя балонікі, якія віселі на акне…