Полацкую «Гонар універсітэта» суд буйна аштрафаваў за распаўсюд «экстрэмізм»
Суддзя суда Полацкага раёна Яніна Марцулевіч 30 мая аштрафавала на 1110 рублёў выкладчыку Полацкага дзяржуніверсітэта Ганну Нанос за распаўсюд “экстрэмісцкіх” матэрыялаў у сацыяльных сетках. У 2020 годзе "правапарушальніца" была занесена на Дошку гонару ў раздзеле "Гонар універсітэта".
У Шумілінскім раёне за ілжывую справаздачнасць асуджаная на 2 гады хатняй "хіміі" дэпутатка сельскага Савета дэпутатаў
У Віцебскай вобласці ў бягучым годзе па крымінальным артыкуле 427 (Службовая падробка) судамі першай інстанцыі былі асуджаны не менш як 30 чалавек. Больш за палову пакараных гэта работнікі сельскай гаспадаркі, якія падраблялі справаздачныя дакументы, каб схаваць гібель жывёлы. Гэта пацвярджаецца апошнімі статыстычнымі данымі. За студзень-красавік 2023 года здыхата кароў і маладніка у рэгіёне ў параўнанні з аналагічным перыядам 2022 года павялічылася на 312 галоў (8,3%).
Зноў будуць судзіць грамадскую актывістку з Верхнядзвінска Валянціну Болбат
Суд адбудзецца 19 чэрвеня ў Полацку. Яе будзе судзіць сумнавядомая суддзя Наваполацкага суда Зінаіда Балаболава, якая ўжо чатыры разы судзіла Валянціну, двойчы арыштоўвала на 10 сутак і давала вялікія штрафы па артыкуле 19.11 КаАП (распаўсюд экстрэмісцкіх матэрыялаў). Так як будынак Наваполацкага суда зараз знаходзіцца на рамонце, то ўсіх пакуль Полацкі і Наваполацкі суд карае ў будынку Полацкага суда.
Жыхар Віцебску быў арыштаваны за «сымволіку пратэсту супраць дзейнай улады»
Суддзя суда Першамайскага раёна Віцебска Наталля Карабліна 31 траўня пастанавіла арыштаваць на 15 сутак жыхара Віцебска Аляксандра Сітава за тое, што ён правёў не дазволенае ўладамі пікетаванне ў сацыяльнай сетцы «Інстаграм».
Улады асудзілі на 15 сутак мужчыну які меў у телефоне восем «экстрэмісцкіх» акаўнтаў
Суддзя суда Гарадоцкага раёна Ганна Гурынава 29 траўня за распаўсюд «экстрэмісцкіх» матэрыялаў сацыяльнай сеткі «Інстаграм» арыштавала на 15 сутак Віктара Стрыгельскага. У рамках адміністрацыйнага закона ў якасці дадатковага пакарання суддзя пастанавіла канфіскаваць у даход дзяржаве мабільны тэлефон, пры гэтым сім-карту загадала вярнуць арыштаванаму.