Гэта ўжо другі арышт святара з Лынтупаў цягам гэтага году. 4 красавіка суд Пастаўскага раёну прысудзіў Аляксандру Барану 10 сутак арышту. Ксяндза прызналі вінаватым паводле двух адміністрацыйных артыкулаў – арт. 24.23 (несанкцыянаванае пікетаванне) – за бел-чырвона-белы сцяг на аватарцы ў сацыяльных сетках, і арт. 19.11 (распаўсюд «экстрэмісцкіх матэрыялаў) – за «лайкі» і каментары на інтэрнэт-рэсурсах, абвешчаных «экстрэмісцкімі». У адпаведнасці з судовай пастановай, Аляксандр Баран меўся выйсці на волю 8 красавіка – з улікам тэрміну, праведзенага пад вартай з моманту затрымання да да суду. Але ўвечары 6-га красавіка ён апынуўся на волі. Яго вызвалілі датэрмінова, не патлумачыўшы прычынаў.

Ксёндз Аляксандр адбывае арышт у Пастаўскім ізалятары часовага ўтрымання. Тым самым часам у Віцебску ўжо амаль месяц трымаюць за кратамі ксяндза Андрэя Вашчука, пробашча парафіі Святога Духа. 17 ліпеня ён быў асуджаны на 15 сутак за рэпост так званых «экстрэмісцкіх»матэрыялаў у сацсетках, і ўжо пад арыштам яго асудзілі другі раз – зноў на 15 сутак.

Станіслаў Іваноўскі