«Працэс адбыўся ў закрытым рэжыме, інфармацыя аб ім стала вядомая толькі пасьля таго, як актывіста даставілі ў мясцовы ізалятар часовага ўтрыманьня (ІЧУ)», – паведамляецца на афіцыйнай старонцы кампаніі «Эўрапейская Беларусь» у Facebook.
Нагадаем, Алесь Круткін і Натальля Сьпірыдонава былі затрыманыя ў Віцебску 27 студзеня, калі расклейвалі ў цэнтры гораду налепкі «Калгаснай дыктатуры – баста!» На актывістаў склалі адміністрацыйныя пратаколы паводле арт.17.1 КаАП. Ноч з 27-га на 28-е студзеня Круткін правёў у віцебскім ІЧУ. 28 студзеня суд Кастрычніцкага раёну Віцебску пачаў разглядаць распачатую супраць Круткіна і Сьпірыдонавай адміністрацыйную справу, але прыпыніў яе, вярнуўшы пратаколы ў РАУС на дапрацоўку.
Адразу пасьля суду ў Віцебску Круткін быў зноў затрыманы. Яго адвезьлі спачатку ў Кастрычніцкі РАУС Віцебску, а затым – этапавалі ў Полацак.