Некалькі дзён таму на блізкім да сілавікоў Тэлеграм-канале “Северная столица” з’явіўся відэаролік пра тое, як міліцыянты трапілі ў жытло “одного из тех, кто в 2020 году мечтал о наведении "порядка" в стране, но впоследствии покинул ее”. Наколькі законным было пранікненне, засталося за кадрам.  І дзе гэта адбылося – не было сказана таксама. На апошнюю акалічнасць звернем асобную увагу.

Алене Янушкоўскай 60 гадоў. У Варшаве яна вымушана апынулася ў 2021-м – уцякла ад палітычнага пераследу ў Беларусі, дзе супраць яе распачалі некалькі крымінальных спраў. Такую “увагу” яна заслужыла тым, што ў сваім відэаблогу распавядала пра праблемы вяскоўцаў, жыццё якіх вельмі далекае ад прыгожай карцінку ў тэлевізары. У 2020-м жанчына вяла стрымы з вулічных шэсцяў.

Імя і прозвішча жанчыны не называецца, і ў якім горадзе яна стала “сознательной участницей протестов против государственной власти”, не паведамляецца таксама. Але, як піша газета “Новополоцк сегодня”, спадарыня, “прошедшая путь от митингующей до осужденной”, у 2020 годзе  “оказалась в эпицентре добровольно. Она была не просто наблюдателем. Участвовала активно”.  

З сайта газеты «Витебские вести» знікла рубрыка «Рэдакцыя". Раней там былі размешчаны партрэты мясцовых прапагандыстаў і іх прозвішчы, прычым пачынаўся гэта пералік з пустога месца: з восені мінулага года ў выдання няма галоўнага рэдактара. Ці то не знаходзіцца  ахвотных кіраваць прапагандысцім СМІ, ці то абласное ўпраўленне ідэалогіі ніяк не можа падабраць адпаведную кандыдатуру.