Сантэхнік зь дзіцячага садку Віцебску Аляксандар вырашыў зьмяніць працу. Даў аб’яву ў газэту і стаў чакаць. І тут яму патэлефанавалі з просьбай усталяваць ручніковы сушыцель. Грошы мужчыну былі патрэбныя, ён і пагадзіўся. Але замоўцы аказаліся не проста заказчыкамі, а падатковымі інспэктарамі.

Выслухоўваць скаргі жыхароў Талачынскага раёну давялося старшыню Камітэту дзяржкантролю Леаніду Анфімаву. Пра гэта паведамілі ў прэс-службе ведамства.

У Мёрах мясцовыя ўлады адмовіліся працаўладкоўваць настаўнікам гісторыі і грамадазнаўства актывіста аргкамітэту БХД Сержука Васільева, які ўжо раней выкладаў гэтыя прадметы, і ў якога нядаўна выйшла кніга па гісторыі Мёраў.

Прадпрымальнік Уладзімер Журба мае 40-гадовы досьвед працы. Ён зьвярнуўся да ўраду з адкрытым лістом, у якім заявіў пра разбурэньне чыноўнікамі малога і сярэдняга вытворчага бізнэсу.